Bayramı günü Milli Ordumuzun şərəfinə qafanlıların keçirdiyi tədbir də, mənalı və yaddaqalan alındı -- FOTOLAR

    WhatsApp Image 2022 06 27 at 12.32.19 Son vaxtlar, 44 günlük Vətən Müharibəsində, əvvəllər tanımadığımız, ölümlərindən sonra isə, itkiləri olduqca ağrılı doğmalarımıza çevrilən cəsur şəhidlərimizin canları və qanları bahasına, bir də ki, müzəffər zabit və əsgər heyətinin yüksək döyüş bacarığı sayəsində, bizi, 30 il həsrət qaldığımız dədə-baba torpaqlarımıza qovuşduran Milli Ordumuza, ölkə ictimaiyyətinin inam və sayğısı getdikcə daha da gücləndiyindən, ayrı-ayrı idarə və təşkilatların xəttiylə onun şərəfinə keçirilən çoxsaylı bütün tədbirlərin daha maraqlı və yaddaqalan alınması üçün, təşkilatçıları tərəfindən fərqli çalarlarda rənglər qatılır. Elə, İyunun 26-sı -- Azərbaycan Respublikasının Silahlı Qüvvələr Günü münasibətilə keçirilən maraqlı tədbirlər də, deyilənlərin bariz nümunəsi olaraq, yaddaşlarımıza, daim xatırlanacaq mənalı tədbirlər kimi həkk olundu.

     Müzəffər Milli Ordumuzun bayram günü şərəfinə belə tədbirlərdən birini də, gözəl Qarabağımızın azadlığının bizə bəxş etdiyi xoş əhval-ruhiyyə və böyük sevinc hissləri ilə, əslən Qərbi Azərbaycanın Qafan bölgəsindən olan və mənfur düşmən tərəfindən doğma dədə-baba torpaqlarından didərgin salınan yurd nisgilli, yurd həsrətli soydaşlarımız, bizi daim xoş günlərə aparmağa köklənən sarsılmaz birlik və həmrəyliyik coşqusuyla keçirdilər. Daha doğrusu, Qafan şəhərində doğulub, boya-başa çatan və idman ictimaiyyətinin də yaxşı tanıdığı idmançıların -- Baş məşqçisi olaraq Mais Quliyevin, məsləhətçiləri olaraq Musa İsmayılovun, Əli Hüseynovun, Telman Qarayevin, administratorları olaraq Oqtay Camalovun, Əkbər Vəliyevin düşmən əsarətindəki doğma şəhərlərinin "Pirimli" məhəlləsinin adı altında yaratdıqları futbol komandasının keçirdiyi oyun da, olduqca mənalı alındı. Tam komanda heyəti Tofiq, Əkbər, İzzət, Rövşən, Rəhim, Vidadi, İlqar, Oqtay, Natiq, Mustafa, Xətai, Elşən, Kərim, Toğrul, Vüsal, Ağa... kimi mübariz Qafan oğullarından ibarət bu komanda, iki tərəfə bölünərək, bir-birlərinə qarşı əsl rəqabət nümunəsi nümayiş etdirdilər. Paytaxtın Tofiq Bəhramov adına Respublika Stadionunun qapalı ehtiyat meydançasında baş tutan bu futbol oyununun sonunda, hesab lövhəsi bu matçın "7 - 3" hesabı ilə başa çatdığını göstərsə də, yəni ortada məğlub tərəf olsa da, amma hər iki tərəfdən bu oyuna qatılanların hamısının sonadək, gözəl Qarabağımız naminə gedən savaşdakı kimi, Böyük Qələbə əzmiylə mübarizəyə qoşulduları açıq-aydın göründü. Bu maraqlı və mənalı oyundan sonra, özlərinin də dedikləri kimi, sanki onlar, dədə-baba yurd yerlərini həyasızcasına zəbt etmiş mənfur düşmən üzərinə hücuma keçirdilər.WhatsApp Image 2022 06 27 at 12.32.47

     Bu tədbirin əsas mahiyyətinin, həm də möhtəşəm zəfərlərlə keçən günlərinin sevincli anları, təsir baxımından, bir çox ağrı-acılarımızı üstələyən və ömrümüzün bir parçasına çevrilən Vətən Müharibəsinin bizə bəxş etdiyi sarsılmaz birliyimizə hesablandığı açıq-aydın göründü və bu da, qafanlı soydaşlarımızın yenilməz həmrəyliyini olduqca əzəmətli göstərdi. Üstəlik, bunların daha vüqarlı, daha qüdrətli olması, ölkəmizin Silahlı Qüvvələrinin şərəfinə keçirilən bu tədbirin daha möhtəşəm alınması üçün, ona başqa bir rəng qatdı. Təşkilatçıların özlərinin dediyi kimi, belə bir tədbiri Silahlı Qüvvələr Günündə keçirməkdə digər bir əsas məqsədlərini isə, uşaqları arasında vətənpərvəliyi təbliğ etməyə, qəhrəmanlarımızı ictimaiyyətə tanıtmağa, şəhidlərimizin yaddaşlarda əbədi həkk olunduğunu göstərməyə, həm də dədə-babalarının doğma yurd yerlərini görmələri üçün, uşaqlarında həvəs oyatmağa hesablamışdılar.WhatsApp Image 2022 06 27 at 12.32.47 1

Əsas təşkilatçılarından biri olan Telman Qarayevin də dediyi kimi, bu tədbir xəttiylə həyata keçirdikləri hər şey həm də ona bir işarədir ki, bəli, xalqımızın rifahı, ölkəmizin daha güclü olması naminə, lazım gələndə əllərindən gələni əsirgəmədən, həmişə Milli Ordumuzun yanında, döyüş meydanlarında şücaət göstərib, qəhrəmanlıq nümayiş etdirən əsgər və zabitləri ilə birlikdə olmağa hazırdırlar: "Şərəfinə keçirdiyimiz bu futbol matçı ilə bir daha göstərdik ki, yeri gələndə, biz də, Milli Ordumuzla bir sırada, çiyin-çiyinə olmağa həmişə hazırıq. Çünki birlik və həmrəylik olarsa, hər bir günümüz, hər bir ayımız, hər bir ilimiz doğma Vətənimiz üçün böyük uğurlarla, ölkəmizin hər bir vətəndaşı və doğma-yaxınlarımız üçün xöş günlərlə keçər!..".WhatsApp Image 2022 06 27 at 12.32.47 2

     Milli Ordumuzun şərəfinə keçirdikləri bu matçdan sonra, doğma Qafandakı
"Pirimli" məhəlləsinin həsrətini çəkən yurd nisgilli soydaşlarımızla çay süfrəsi arxasındakı söhbətimiz də olduqca mənalı, mənalı olduğu qədər qürurverici və düşündürücü alındı. Söhbət zamanı, misal kimi göstərilən qəlb yanğısıyla dolu və yurd həsrətiylə bağlı bəzi epizodların təsirindən ağrı-acılı və olduqca təəssüfləndirici məqamlar da yarandı. Bu zaman isə, hətta "Pirimli" məhəlləsi həsrətiylə qovrulanlar arasında tökülən göz yaşlarını saxlaya bilməyənlər də oldu.WhatsApp Image 2022 06 27 at 12.39.13

     Onu da qeyd edək ki, bu çay süfrəsi arxasında keçən bu söhbətin də, Azərbaycan Milli Ordusunun möhtəşəm uğurlarından qaynaqlanan əsas mövzusu oldu. Bu əsas mövzu ətrafında, dəfələrlə, fərəhlə o da qeyd edildi ki, bu gün Qafqazda ən müasir ordu hesab olunan Azərbaycan Milli Ordusu potensial rəqiblə belə effektiv mübarizə aparmaq iqtidarındadır və əsas təyinatı dövlətimizin müstəqilliyini, ərazi bütövlüyünü və onun xalqının azadlığını qorumaqdır. Dövlətimiz də xoşbəxtdir ki, çoxdan aforizmə çevrilən və bütün bəşəriyyət üçün aktuallığı ilə seçilən “Ordun varsa, yurdun var!” fikri, artıq, beynəlxalq aləmdə Azərbaycanımıza aid misal kimi də çəkilir. Məhz buna görədir ki, xalqımız, 44 günlük Vətən Müharibəsində düşmən üzərində Şanlı Zəfər Qələbəsi çalan Ordusu ilə fəxr edərək, qürur duyur! Bu şanlı Qələbənin müəllifləri, başda Silahlı Qüvvələrin Ali Baş Komandanı, “Dəmir yumruq”la düşmənə öz yerini göstərən möhtərəm Prezidentimiz İlham Əliyev cənabları olmaqla, bizim qüdrətli Ordumuzdur! Ulu Öndər Heydər Əliyevin siyasi kursunu layiqincə və şərəflə davam etdirən onun layiqli varisi, artıq, Azərbaycan Silahlı Qüvvələrini regionun aparıcı ordusuna da çevirə bilib.WhatsApp Image 2022 06 27 at 12.44.06

     Yurd nisgilli, doğma torpaq həsrətli həmsöhbətlərimiz çay süfrəsi arxasındakı söhbətlərini də, sonsuz inam, ümid və qətiyyət dolu fikirləri ilə başa vuraraq, tam əminliklə bir daha dedilər ki, öz dədə-baba yurdlarına qovuşacaqlarına belə şübhələri qalmayıb: "Geci-tezi bunun da şahidi olacağıq! Buna nail olmağımız üçün, Qarabağdakı kimi, zamana ehtiyacımız var. Tam əminlik ki, bir vaxt, Milli Ordumuzun bu istəklərimizi də gerçəkləşdirəcəyinin xoşbəxt şahidləri olacağıq! Ali Baş Komandan da ona tam əmindir ki, "Xalq -- Dövlət -- Ordu!" birliyi işğalda qalan bütün tarixi ərazilərimizi tam azad edəcək və o yerlərə də, yeni bir növraq gələcək. Çünki ətraflarında xəyallara daldığımız zəngin tarixi faktlar da, hər dəfə bizə Ulu Türk Xalqının "Əzizlərim, yurdunuza, yuvanıza sahib olun, torpaqdan pay olmaz!" vəsiyyətini heç vaxt unutmamağı xatırladır.WhatsApp Image 2022 06 27 at 12.48.22

     Bizdə buna tam əminlik həm də ondan yaranıb ki, müstəqil dövlətimizin şanlı zəfər tarixini yazan, 44 gündəcə Ermənistanın silahlı quldurlarının saxta mifini darmadağın edən Azərbaycan Ordusunun qəhrəman əsgər və zabitləri, bu qısa müddətdə, dövlətimizin gücünü dünyaya da göstərə biliblər. Ermənistan təcavüzkarlığına layiqli cavab verən Azərbaycan Ordusu qələbə sevinclərini bizə bir-birinin ardınca yaşadıb. Uğurlu və davamlı olsun!..".WhatsApp Image 2022 06 27 at 12.50.14

     Hər kəs söhbətinin sonunda isə, uzun müddət düşmən tapdağında qalan gözəl Qarabağımızı azad etməklə, onlara dərin inam, sonsuz sevinc hissləri və yüksək əhval-ruhiyyə bəxş etmiş Milli Ordumuzun bütün heyət üzvlərinə bu bayram günündə, media vasitəsi ilə, ən ülvi istəklərini çatdırmağı özünə mənəvi borc bildiyini xüsusi vurğuladı. Elə, bu ülvi istəklərlə də, qarşıladıqları bu bayram münasibəti ilə, silahlı qüvvələrin bütün əməkdaşlarını səmimi qəlbdən təbrik edib, bütün gərgin və məsuliyyətli işlərində və xidmətlərində onlara müvəffəqiyyətlər arzulayıb, Böyük Allahdan Milli Ordumuza isə, bol sevinc dolu uğurlar bəxş etməsini dilədilər!

Rəşad CƏFƏRLİ,
araz.az xəbər portalının xüsusi müxbiri.

Nizami Kino Mərkəzində Ayaz Salayevin "Torpaq" filminin yüksək səviyyədə təqdimatı keçirildi -- FOTOLAR

  WhatsApp Image 2022 06 14 at 20.35.16 "Teatrların və kinoteatrların açılmasına görə, əlbəttə, sevinirəm. Elə ilk növbədə özümü təbrik edirəm. Mənim özümün “Torpaq” adlı tammetrajlı sənədli filmim var və mən çoxdan onu hazırlamışam. Səbirsizliklə pandemiyanın sonunu gözləyirdim ki, "Nizami" kinoteatrında onun təqdimatını təşkil edim” -- deyə, bir müddət əvvəl mətbuata açıqlama verən tanınmış kinoşünas və görkəmli kinorejissor, əməkdar incəsənət xadimi, Respublika Kinematoqrafçılar İttifaqının katibi Ayaz Salayevin bu gün -- iyun ayının 14-də bu istəyi reallaşdı. Ölkənin paytaxt Bakıdakı keçmişimizdən yadigar ən görkəmli kinoteatrlarından biri kimi tanınan, "2008-2018-ci illərdə Azərbaycan kinosunun inkişafına dair Dövlət Proqramı"na əsasən, 2011-ci ildə böyük yenidən qurma işlərindən sonrakı təntənəli açılış mərasimindən sonra isə, Kino Mərkəzi statusu verilən "Nizami"də, Mədəniyyət Nazirliyinin, Respublika Kinematoqrafçılar İttifaqının, Qərbi Azərbaycan İcmasının və “Salnaməfilm” studiyasının təşkilatçılıqları ilə, yüksək səviyyədə təşkil olunan təqdimat mərasimi az öncə başa çatan növbəti milli ekran əsəri Eldar Salayevin möhtəşəm "Torpaq" filmi idi.WhatsApp Image 2022 06 14 at 20.35.15
   Hökumət rəsmilərinin, Milli Məclisin deputatlarının, kino, teatr və mədəniyyət xadimlərinin, azərbaycan ədəbi ictimaiyyətinin və ictimaiyyətin digər təbəqələrinin tanınmış simalarının, müxtəlif peşə və sənət adamlarının, ziyalıların, diaspor, media, yaradıcılıq qurumları, ictimai birlik və cəmiyyət nümayəndələrinin, yaradıcı gənclərin dəvətli olduqları bu təqdimat mərasiminin açılışından sonra, öncə təşkilatçılar adından millət vəkili, Qərbi Azərbaycan İcmasının rəhbəri, filmin baş məsləhətçi Əziz Ələkbərli çıxış edərək, dəvətlilərin hər birinin bu tədbirdə iştiraklarını özlərinə böyük mənəvi dəstək və şərəf hesab etdiklərini xüsusi olaraq vurğulayaraq, onların adlarına yazılacaq bu tədbirdə iştirak dəvətini qəbul edənlərə öz xüsusi minnətdarlıqlarını, dərin mənalı və səmimi duyğulu təşəkkürlərini çatdırdı. Onu da qeyd etdi ki, bu ekran əsəri tammaetrajlı sənədli filmdir və 1988-ci ildə Qərbi Azərbaycandan deportasiya olunan soydaşlarımızın talelərindən bəhs edir. Bu filmdə dəhşət və məşəqqət dolu həmin hadisələrin 70 nəfərə yaxın canlı şahidi danışır. Bundan əlavə, həqiqət və reallıqları üzə çıxarmaq üçün, sovetlər dönəminin televiziya kanallarının ayrı-ayrı epizodlarına müdaxilə edilir. Bir sözlə, bu filmdə tarixçilər və xəritələr yoxdur, elə, bu yolla erməni vandalların tarixdə azərbaycanlılara qarşı etdikləri növbəti xəyanətə daha ətraflı toxunulur. Tarixi bir salnamə olan bu film həm də onu deyir ki, tutulan bu yol elə bir yoldur ki, bizim sənədli kinomuz bu yolla da irəli gedə, əsl həqiqətləri açmaqla, erməni vəhşiliyinin dəhşətini bütün dünyaya daha ətraflı çatdıra bilər.WhatsApp Image 2022 06 14 at 20.35.15 1
Təşkilatçı "Torpaq" filminin təqdimatını Milli Qurtuluş Günü ərəfəsində keçirmələrinin səbəbini isə belə izah etdi ki, belə bir qənaətə gəlmələrinin özü də təsadüfi olmayıb. Çünki Ulu Öndər Heydər Əliyev xalqımızın deportasiya və soyqırımlarına verilən tarixi-siyasi qiymətin banisidir və təqdimatın onun adıyla bağlı olan Qurtuluş Günü ərəfəsində keçirilməsinin əsas səbəbi də, elə, budur.
   Ekran əsərinin ssenari müəllifi və quruluşçu rejissoru Eldar Salayev tərəfindən, film haqqında tədbir iştirakçılarına və kinosevərlərə geniş məlumat da çatdırıldı. Öncə filmin yaradıcı heyəti barədə danışan ekran əsəri müəllifinin həmin məlumatlarına görə də, Mədəniyyət Nazirliyinin sifarişi və Qərbi Azərbaycan İcmasının hərtərəfli dəstəyi ilə, “Salnaməfilm” studiyasının istehsal etdiyi “Torpaq” filmi tarixi bir salnamə kimi qəbul edilir. Soydaşlarımızın erməni daşnakları tərəfindən öz tarixi dədə-baba torpaqları olan Qərbi Azərbaycandan -- Ermənistan SSR-dən deportasiyasından bəhs edən bu bir saatlıq tammetrajlı sənədli ekran əsərinə baxanda, tariximizin o dövrünün ziddiyyətlər dolu ən müdhiş və keşməkeşli zaman kəsiyində -- 1988 -- 1991-ci illərdə baş verən hadisələrin canlı şahidi olan yurd həsrətli və ağrılı onlarla insanı görmək və dinləmək fürsəti əldə etməklə, mənfur düşmənin bağışlanmaz bəd əməllərinə bir daha nifrət edirsən.
   Tədbirin dəyərli qonaqları da, ürəkdən gələn sözlərlə dolu münasibətləri ilə, nümayişi başa çatan bu filmin, doğrudan da, tarixi bir səlnamə olduğunu xüsusi olaraq vurğulayaraq, bu sənət əsəri barəsində dərin mənalı fikirlərini tədbirdə iştirakçı olan jurnalistlərin diqqətinə çatdırdılar.
   Konkret desək, çıxış edənlər və münasibət bildirən tədbir iştirakçıları, bu filmin, bizim tarixi torpaqlarımızı heç vaxt unutmadığımızın növbəti sübutu olduğu anlamına gəldiklərini də xüsusi qeyd etdilər. Onu da dönə-dönə vurğuladılar ki, Zəngəzurun, Göyçənin, İrəvanın və bütün digər tarixi mahallarımızın Azərbaycanın ayrılmaz hissələri olduğunu və bizim, mütləq, o tarixi dədə-baba torpaqlarımıza qayıdacağımızı düşmən də bilməlidir!


Sonda, xəbər portalı olaraq, araz.az, ictimaiyyətin və dəyərli oxucularının diqqətinə onu çatdırır ki, ümumi götürülən ssenarisinin dərin təhlilinin son nəticəsi belə bu qənaətə gəlməyə tam əsas verir ki, hətta Nizami Kino Mərkəzində premyerası yüksək səviyyədə təşkil olunan Ayaz Salayevin olduqca dəyərli və mənalı bu sənədli filmi, tam olaraq, o çətin dövrün müdhiş zaman kəsiyində cərəyan edən, təsdiqini bu kino əsərinin ayrı-ayrı epizodlarındakı inkaredilməz acı həqiqət və reallıqlar üzərində tapan qərbi azərbaycanlıların üzləşdikləri ağrı-acı və məşəqqət dolu deportasiya prosesinə həsr olunub.

Səməndər QURBANOV,
Rəşad CƏFƏRLİ,
araz.az xəbər portalının xüsusi müxbirləri.

Artıq gündəmə çevrilən paytaxt səmasındakı görüntülər, getdikcə, ictimaiyyətin daha çox marağına səbəb olur -- FOTO/VİDEO

Screenshot 1Doğrudan da, bu belədir: "TEKNOFEST Azərbaycan" Aerokosmik və Texnologiya Festivalına ev sahibliyi edən paytaxt Bakı səmasında daha müasir qırıcı təyyarələrin bir müddətdir yaratdıqları heyrətləndirici görüntülər artıq gündəmə çevrilib və getdikcə, ictimaiyyətin daha çox marağına səbəb olur. Danılmaz bir faktdır ki, bu möhtəşəm festival çərçivəsində son iki gündə paytaxt səmasında göstərilən şoular sosial şəbəkələrdə də gündəmə çevrilib. araz.az-ın əməkdaşları ilə təmas yaradan onlarla sosial şəbəkə istifadəçiləri belə həmin anları festivalın ən gözəl şousu kimi dəyərləndiriblər.
Ən maraqlısı odur ki, bu möhtəşəm görüntülər, kimliyindən, iş yerindən və vəzifəsindən aslı olmayaraq, bütün insanlara yeni bir ruh yüksəkliyi bəxş edir. Həmin görüntülərin bəzilərini dəyərli oxucularımıza da təqdim edirik:

Rəşad CƏFƏRLİ,

araz.az xəbər portalının xüsusi müxbiri.

 

Ulu Öndər Heydər Əliyevin anadan olmasının 99-cu ildönümü, Moldovanın paytaxtında da, yüksək səviyyədə qeyd edilib

    16521949872904117069 1000x669 1

     Azərbaycanın Moldovadakı Səfirliyi, bu ölkədəki Azərbaycanlılar Konqresi (MAK) ilə birgə, müasir Azərbaycan dövlətinin qurucusu, Ulu Öndər Heydər Əliyevin anadan olmasının 99-cu ildönümünə həsr edilmiş tədbir keçiriblər. Kişineu şəhərində keçirilən bu tədbir çərçivəsində Ümummilli Liderin həyat və fəaliyyətinə həsr edilmiş foto-şəkillərdən ibarət sərgi də təşkil edilib.

     Bu barədə, Səfirliyin Mətbuat Xidmətindən araz.az-a daxil olan məlumata görə, yüksək səviyyədə keçirilən bu tədbirdə Moldova Parlamentinin hakim Fəaliyyət və Həmrəylik Partiyasından olan deputatı, Moldova -- Azərbaycan Parlamentlərarası Dostluq Qrupunun üzvü Vitaliy Jakot, Moldovanın Millətlərarası Əlaqələr Agentliyinin rəhbəri Vera Petuhov, ölkənin ictimai-siyasi xadimləri, bu ölkədə yaşayan icmaların nümayəndələri, yerli və xarici tələbələr, eləcə də çoxsaylı həmvətənlərimiz iştirak ediblər.16521949876020625819 1000x669

     Öncə qonaqlar Ulu Öndərin Səfirliyin önündəki bağçada ucaldılmış büstü önünə gül dəstələri düzüblər. Bundan sonra, tədbirdə giriş nitqi ilə çıxış edən ölkəmizin Moldovadakı fövqəladə və səlahiyyətli səfiri Qüdsi Osmanov qonaqları salamlayaraq, dünya şöhrətli siyasi xadim Heydər Əliyevin doğum gününün hər bir azərbaycanlı, eləcə də bütün dünyada yaşayan həmvətənlərimiz tərəfindən sevinc və qürurla qeyd edildiyini xüsusi vurğulayıb. Bu Dahi Şəxsiyyətin həyat və fəaliyyətinin fədakarlığın, Vətənə, xalqa sədaqətli xidmətin bariz nümunəsi olduğunu vurğulayan səfir, Dahi Liderin müdrik siyasətinin Azərbaycanın dövlət müstəqilliyini əbədi və sarsılmaz etdiyini diqqətə çatdırıb. Səfir çıxışında onu da bildirib ki, əsası Ümummilli Lider tərəfindən qoyulmuş milli dövlətçilik strategiyası, eləcə də iqtisadi-sosial inkişaf layihələri Azərbaycan Respublikasının gələcək inkişafını müəyyən edib.16522014434019629467 1000x669

      Natiq bu Dahi Rəhbərin layiqli davamçısı, Ali Baş Komandan, Prezident İlham Əliyev tərəfindən, 44 günlük Vətən Müharibəsində Heydər Əliyevin Azərbaycanın işğal olunmuş torpaqlarının azad edilməsi arzusunun gerçəkləşdirildiyini, bununla da Azərbaycanın ərazi bütövlüyünün bərpa olunduğunu və azad edilmiş ərazilərimizdə quruculuq işlərinin getdikcə daha sürətlə aparıldığını tədbir iştirakçılarının diqqətinə çatdırıb. Səfir öz nitqində Ümummilli Liderin insanları vətənpərvərliyə və mübarizələrə səsləyən, daha çox Azərbaycanda gələcək xoş həyatla bağlı olan deyimlərini də xatırladaraq, çıxışını yekunlaşdırıb.1652201443494525 1000x669

     Deputat V. Jakotun çıxışı da maraqlı alınıb. O, öz çıxışında əsasən onu diqqətə çatdırıb ki, hər bir xalqın tarixində, özünün müstəsna xidmətləri ilə iz qoyan, dövlətçilik ənənələrini yaşadan və formalaşdıran Ümummilli Lideri var. Azərbaycan xalqının Ümummilli Lideri isə, XX əsrin görkəmli tarixi şəxsiyyətləri sırasında özünə əbədi yer alan Müdrik Rəhbər Heydər Əliyevdir. Deputat çıxışında onu da qeyd edib ki, Heydər Əliyev dühasının, 1969-cu ilə qədər keçmiş SSRİ-nin aqrar bir respublikası kimi tanınan Azərbaycanı, çox qısa müddət ərzində inkişaf etmiş sənaye ölkəsinə, yüksək mədəniyyəti ilə, bütün dünyada tanınan bir ölkəyə çevirə bilməsi bir həqiqət və reallıq idi. V. Jakot onu da tədbir iştirakçılarının diqqətinə çatdırıb ki, Heydər Əliyevin birbaşa rəhbərliyi altında, neft sektorunun aparıcı nümayəndələri ilə bağlanmış “Əsrin Müqaviləsi” nəticəsində, Azərbaycan iqtisadi sahədə mühüm nailiyyətlər əldə edib. Beləliklə, Heydər Əliyevin sovetlər dönəmində və bundan sonra Azərbaycanın müasir tarixi dövründə fəaliyyəti bir-birini tamamlayan iki mərhələ kimi qiymətləndirilə bilər.1652194987243915071 1000x669

     Onun müdrikliyi sayəsində və uzaqgörən rəhbər siyasəti nəticəsində, Azərbaycan Respublikasının müstəqilliyi, suverenliyi və dövlətçilik ənənələri getdikcə daha da möhkəmləndirilib. Eyni zamanda, deputat öz çıxışında Heydər Əliyevin müdrik və uzaqgörən siyasəti nəticəsində hazırda Azərbaycanın sosial rifah və iqtisadi inkişaf yolu ilə irəliləyən, Beynəlxalq Birliyin nüfuzlu üzvü kimi mövqeyini qoruyan, eləcə də regionun siyasətində mühüm rolu olan ölkə olduğunu da, xüsusi vurğulayıb. Daha sonra, V. Jakot xalqın və dövlətin inkişafında böyük xidmətləri olan Dahi Lider kimi Heydər Əliyevin həm Azərbaycan tarixində, həm də bütün dünya siyasətində dərin iz qoyduğunu qonaqların diqqətinə çatdırıb. Çıxışının sonunda, o, Moldova xalqı adından Azərbaycan xalqına səmimi təbriklərini çatdırıb, əsası Ulu Öndər Heydər Əliyev tərəfindən qoyulan xalqlarımız arasında sarsılmaz dostluq münasibətlərini və qarşılıqlı dəstəyi yüksək qiymətləndirdiyini dilə gətirib.16522014435078636564 1000x669

     Moldovanın Millətlərarası Əlaqələr Agentliyinin rəhbəri V. Petuhov çıxış edərək, Azərbaycanın rifahı və inkişafı yolunda misilsiz xidmətləri olan Ulu Öndərin görkəmli siyasi xadim, qayğıkeş ailə başçısı, uşaqlara, gənclərə, ahıllara, eləcə də cəmiyyətin bütün üzvlərinə diqqətlə yanaşan Dahi Tarixi Şəxsiyyət olduğunu vurğulayıb. Çoxsaylı azərbaycanlıların Ümummilli Liderin anadan olmasının 99-cu ildönümünü qeyd etmək üçün səfirliyə toplaşmasının təqdirəlayiq sayıb və Moldovada yaşayan digər icma nümayəndələri üçün də, bunun örnək olduğunu bildirib.16521949873032030687 1000x669

     MAK-ın sədri Elçin Bayramov isə öz çıxışında qeyd edib ki, bugünkü qüdrətli və nüfuzlu Azərbaycan Respublikasının memarı Ümummilli Lider Heydər Əliyevdir. O, bildirib ki, Ulu Öndərin əziz xatirəsinə ehtiram olaraq, dünya azərbaycanlıları, habelə Moldovada yaşayan soydaşlarımız Azərbaycanın yüksək səviyyədə tərənnüm edilməsi, sosial-iqtisadi sahədə inkişafının genişləndirilməsi istiqamətində çalışmalı, səylərini və əllərindən gələni əsirgəməməlidirlər. E. Bayramov çıxışının sonunda, xalqımızın Ümummilli Liderinin xatirəsini daim uca tutduğunu, Müdrik Rəhbərin ruhunu hər zaman ehtiramla andığını da bildirib.1652194987321034066 1000x669

     Yüksək maraq doğuran bu çıxışlardan sonra, tribuna önünə Moldovada yaşayan azərbaycanlı fəallar Maarif Rəhimov, Yasin Seyidov, Ramil Məmmədov və digərləri qalxıblar. Onlar da öz çıxışlarında, Dahi Liderin həyat və fəaliyyətindəki maraqlı və yaddaqalan epizodlardan danışıb, bu Əvəzolunmaz Müdrik Rəhbərə həsr edilən şer nümunələri səsləndiriblər. Bu maraqlı tədbirlər Məlumatın sonunda o da bildirilir ki, Moldovanın nüfuzlu media vasitələri də, olduqca maraqlı keçən bu tədbiri və sərgini, rumın və rus dillərində geniş işıqlandırıblar.

Rəşad CƏFƏRLİ,

araz.az xəbər portalının xüsusi müxbiri.

1 -dən səhifə 45

Əlaqəli xəbərlər