Moldovadakı Azərbaycanlılar Konqresinin dünən keçirdiyi tədbir, bu diaspor təşkilatımızın illik fəaliyyətinə həsr edilib

WhatsApp Image 2021 09 04 at 04.02.08

Dünən Moldovadakı Azərbaycanlılar Konqresi (MAK) tərəfindən, ölkənin paytaxtı Kişineu şəhərində, bu diaspor təşkilatımızın illik fəaliyyətinə həsr edilmiş tədbir keçirilib. Bu barədə araz.az-a daxil olan məlumatda bildirilir ki, həmin tədbirdə Moldova Respublikası Parlamentinin vitse-spikeri, hakim partiya olan Fəaliyyət və Həmrəylik Partiyasının (PAS) fraksiya sədri Mihail Popşoy, Millətlərarası Əlaqələr Agentliyinin rəhbəri Vera Petuhov, Türkiyə Respublikasının Moldovadakı səfiri Gürol Sökmensüer, Rusiya, Belarus, Ukrayna və digər ölkələrin diplomatik nümayəndəliklərinin əməkdaşları, Moldovada fəaliyyət göstərən yəhudi, qaqauz, ukraynalı və digər icmaların rəhbərləri və aktiv üzvləri, eləcə də çoxsaylı həmvətənlərimiz iştirak ediblər.WhatsApp Image 2021 09 04 at 04.01.09
Həmin məlumata görə, bu tədbirdə MAK-ın sədri Elçin Bayramov giriş nitqi ilə çıxış edib. O, öncə, ötən il Moldovadakı soydaşlarımızın bu diaspor təşkilatında aparılan ciddi islahatlardan danışıb. Sonra isə, MAK-ın illik fəaliyyətinə dair hesabat məruzəsini tədbir iştirakçılarının diqqətinə çatdırıb. Sədr həmin hesabat məruzəsində xüsusi olaraq onu vurğulayıb ki, rəhbəri olduğu MAK il ərzində ölkəmizin, eləcə də Moldova Respublikasının əlamətdar günlərinə həsr edilən 25-dən çox möhtəşəm tədbir və mərasimlərin, yaddaqalan marafonların təşkilatçısı olub.WhatsApp Image 2021 09 04 at 04.01.34
Daha sonra, MAK rəhbərinin xüsusi maraq doğuran giriş nitqi və hesabat məruzəsi ətrafında qonaqların və tədbir iştirakçılarının yaddaqalan çıxışları olub. Öncə, Moldova Parlamentinin vitse-spikeri, hakim partiya PAS-ın fraksiya sədri Mihail Popşoy çıxış edərək, bu diaspor təşkilatımızın il ərzində gördüyü işləri yüksək qiymətləndirib, öz ölkəsində fəal azərbaycanlı icmasını görməkdən şad olduğunu bildirib, partiyası üçün etnik kimliyindən asılı olmayaraq, dövlətinin rifahına xidmət edən icmaların önəmli olduğunu xüsusi vurğulayıb. Onu da qeyd edib ki, ölkəsindəki istər 2020-ci ildə baş tutan prezident seçkilərində, istərsə də cari ildə keçirilən parlament seçkilərində MAK-a göstərdiyi hərtərəfli dəstəyə görə xüsusi təşəkkür çatır.WhatsApp Image 2021 09 04 at 04.02.06

O, belə istedadlı və bacarıqlı azərbaycanlı gənclərinin, Moldovanın siyasi, ictimai və mədəni inkişafı üçün vacib şərtlərdən biri olduğunu diqqətə çatdırıb. Vitse-spiker çıxışında, ölkəmizin Moldova Respublikasındakı fövqəladə və səlahiyyətli səfirinin və onun komandası üzvlərinin də fəal olduqlarını bildirərək, artıq stabil hakimiyyəti olan bu dövlətin Azərbaycanla iqtisadiyyat sahəsində əməkdaşlığının genişləndirilməsində və bu ölkəyə azərbaycanlı sərmayədarların cəlb edilməsində mövcud hakimiyyət rəhbərlərinin maraqlı olduğunu da vurğulayıb.WhatsApp Image 2021 09 04 at 04.02.07

Tədbirdə iştirak edən ölkəmizin Moldovadakı səfiri Qüdsi Osmanov isə, öz çıxışında, bir illik fəaliyyətində önəmli irəliləyişlərə nail olan, istər Moldovanın ictimai-siyasi həyatında, istərsə də bu ölkədəki səfirliyimizdə -- həmvətənlərimizin “Ata Yurdu”nda təşkil edilən tədbirlərdə xüsusi fəallıq nümayiş etdirən MAK-çılara dərin minnətdarlığını çatdırıb. Səfir öz çıxışı zamanı, 2020-ci ilin ölkələrimiz üçün əhəmiyyətli tarixi il olduğunu, məhz bu ildə Azərbaycanın uzun işğaldan sonra, BMT-nin qətnamələrinə uyğun olaraq, dədə-baba torpaqlarımızı geri qaytardığını da xüsusi vurğulayıb. O, 2020-ci ilin Moldova Respublikası üçün də, Mayya Sandunun prezident seçkilərində qazandığı qələbə sayəsində siyasi sabitliyin bərqərar olması baxımından əhəmiyyətli il olduğunu qeyd edib, xanım Prezidenti vətənpərvər, peşəkar, bu ölkə vətəndaşlarının rifahını diqqətdə saxlayan, korrupsiya ilə mübarizə aparmaqla siyasi, sosial, iqtisadi və digər sahələrdə ciddi islahatlar həyata keçirən lider olaraq səciyyələndirib.WhatsApp Image 2qud

Öz çıxışında Moldovada sabitliyə gedən yolun erkən parlament seçkilərinin keçirilməsi ilə tamamlandığını qeyd edən səfir Qudsi Osmanov, ölkəmiz tərəfindən Moldovaya sərmayə qoyuluşunun artırılması ilə bağlı vitse-spikerin fikirləri ilə razılaşdığını da dilə gətirib. Bu ölkədə sabitliyin bərqərar olmasından sonra, Azərbaycanın sərmayəsinin əhəmiyyətli dərəcədə artacağına əmin olduğunu da qeyd edib.WhatsApp Image 2021 09 04 at 04.02.44 1
Səfir 2020-ci ilin MAK üçün də böyük dəyişikliklər ili olduğunu, idarəçilik estafetinin gənc nəslə ötürüldüyünü də bildirib. O, Azərbaycan Respublikasının Ali Baş Komandanı İlham Əliyevin "Dəmir yumruğu" ətrafında birləşərək, 44 günlük Vətən Müharibəsi ərzində təbliğat işlərində uğurla iştirak etdiyi və pandemiya dövründə verdiyi dəstəyə görə, bu diaspor təşkilatımıza təşəkkürünü çatdırıb. Qüdsi Osmanov çıxışında onu da vurğulayıb ki, ölkəmizdən Moldovaya göndərilən humanitar yardımdan əlavə, diaspor təşkilatımız bu ölkədə sosial layihələr həyata keçirərək, uşaq və qocalar evlərinə, habelə çətin vəziyyətə düşən soydaşlarımıza yardımlar edib.WhatsApp Image 2021 09 04 at 04.02.08 1

Səfir, MAK-ın, Azərbaycan -- Moldova münasibətlərinin genişlənməsində vacib elementlərdən biri olduğunu qeyd edərək, bu diaspor təşkilatımızın bundan sonrakı fəaliyyəti ilə, stabil hakimiyyəti bərqərar olan Moldovanın inkişafına yeni töhfələr verəcəyinə əminliyini bildirib. O, bu ölkənin hakim partiyasının üzvü olan həmvətənlimiz Zamir Qubadovun nümunəsində, gələcəkdə daha çox azərbaycanlı gəncləri PAS və digər partiyalara üzv olmağa, qarşıdan gələn 2023-cü ildə bölgələrdə keçiriləcək seçkilərdə fəal iştirak etməyə də səsləyib. Bu xüsusda, gənc həmyerlilərimizin bundan sonra Moldovanın ictimai-siyasi həyatında önəmli yerlər tutmağa müvəffəq olacaqlarının, ölkəmizin dəyərlərinin Moldova miqyasında təbliğinə xidmət edəcəyini daha xoş sözlərlə ifadə edib.WhatsApp Image 2021 09 04 at 04.02.10
Millətlərarası Əlaqələr Agentliyinin rəhbəri Vera Petuhov da, tədbirdə öz növbəsində çıxış edərək, çoxmillətli Moldova Respublikasında son bir ildə əldə etdiyi uğurlara və bu ölkənin müxtəlif sahələrinə verdiyi tövhəyə görə, azərbaycanlı icmaya dərin minnətdarlığını çatdırıb. O, türk, rus, yəhudi, ukraynalı, qaqauz, belarus və digər icmaların nümayəndələrinin tədbirdə iştirakının, azərbaycanlı icmanın multikultural dəyərlərə sahib olduğunun göstəricisi olduğunu dilə gətirib. Ötən il MAK-da aparılan əsaslı islahatların bu gün uğurlu bəhrəsini gördüyünü qeyd edərək, azərbaycanlı icmaya bundan sonrakı fəaliyyətində daha böyük uğurlar arzulayıb.WhatsApp Image 2021 09 04 at
Diaspor təşkilatımızın ən fəal üzvlərindən biri olan Maarif Rəhimov da tədbirdə çıxış edərək, 44 günlük Vətən Müharibəsindən sonra mədəniyyət beşiyi olan Şuşa, ermənilər tərəfindən misli görünməmiş dağıntılara məruz qalmış Füzuli şəhərlərinə səfərindən danışıb, azad edilmiş bölgələrimizdə aparılan tikinti, quruculuq və bərpa işlərinin şahidi olduğunu və bundan çox təsirləndiyini bildirib.WhatsApp Image 2021 09 04 at 04.02.10

O, çıxışında onu da qeyd edib ki, Şuşa səfərindən geri dönərkən, özü ilə gətirdiyi torpağı MAK-ın sədri Elçin Bayramova, Azsərbaycan -- Moldova dostluq münasibətlərinin rəmzi olaraq, azad olunmuş bölgələrimizdə dalğalandırdığı Moldova bayrağını isə, MAK-a hədiyyə edib.WhatsApp Image 2021 09 04 at 04.02.11
Bu tədbirdə, Moldovada fəaliyyət göstərən müxtəlif icma rəhbərləri də yaddaqalan çıxışlar edib, MAK-ın illik fəaliyyətini yüksək qiymətləndiriblər. Bu diaspor təşkilatımızın istedadlı və bacarıqlı gənc üzvləri, vətənpərvər həmyerlilərimiz Zamir Qubadov, Ramiz Ənsərov, Yasin Seyidov, Allahverdi Xələfov və digərləri çıxış edərək, gələcəkdə daha da uğurlu işlər görməyə həvəsli olduqlarını bildiriblər.WhatsApp Image 2021 09 04 at 04.02.43
Tədbirin sonunda, MAK tərəfindən, ötən il ərzində bu təşkilatın uğurlu fəaliyyətinə hər zaman dəstək göstərən, onun daha böyük uğurlar qazanması naminə fəal olmaqdan, bu ülvi məqsədə çatmaq üçün yorulmadan çalışmaqdan rahatlıq tapan soydaşlarımız fəxri diplomlarla təltif ediliblər.WhatsApp Image 2021 09 04 at 04.02.43 1

Rəşad CƏFƏRLİ,
araz.az xəbər portalının xüsusi müxbiri.

Gorus-Qafan yolunun Qubadlıdan keçən hissəsində Rusiya postları varmı…

qubadli 620x330

araz.az virtualaz.org-a istinadən xəbər verir ki, Qubadlının Aşağı Cibikli kəndi yaxınlığında avqustun 25-də Azərbaycan sərhədçisinə edilmiş xain hücumun ardınca Ermənistanı İranla birləşdirən Gorus-Qafan yolunun Qubadlıdan keçən hissələri bağlanmışdı. Rusiya tərəfinin iştirakı ilə üç gün davam edən danışıqlardan sonra dünən axşam erməni tərəfi yolda hərəkətin bərpa edildiyini bildirib. Yolda hərəkətin bərpa edilməsinə dair Azərbaycan tərəfinin hansısa yeni şərtlər qoyduğu barədə erməni mənbələrində xəbərlərə rast gəlinir. Rəsmi Bakı hələlik nə yolun bağlanmasını, nə açılmasını şərh etməyib.

Xatırladaq ki, 10 noyabr 2020-ci il üçtərəfli bəyanatının və Ermənistanın kapitulyasiyasının ardınca Azərbaycan o cümlədən Qubadlı istiqamətində sovet dövrü sərhədlərini bərpa edib və orada möhkəmlənib. Hərbi əməliyyatlar dayandırılanda erməni bölmələri Qubadlının sərhədboyu yaşayış məntəqələrinin bəzilərini hələ nəzarət altında saxlayırdı və daha sonra danışıqlar nəticəsində bu ərazilərin

Azərbaycana döyüşsüz təhvil verilməsi baş tutdu. Nəticədə hələ sovet dövründə çəkilmiş Gorus-Qafan yolunun təxminən 21 kilometrlik hissəsi (Şahverdilər-Çayzəmin və Şurnux-Dərbənd kəndləri arasından keçən) Azərbaycanın nəzarətinə keçmiş oldu. Azərbaycan tərəfi xoş məram nümayiş etdirərək alternativ yol çəkilənə qədər bu yoldan gediş-gəlişə icazə verib, amma erməni tərəfinin təxribatları indiki situasiyanın yaranmasına gətirib çıxarıb.

Qafan meri Qorq Parsyan ötən axşam özünün Facebook səhifəsində bildirib ki, yolda hərəkətin təşkilində dəyişiklik yoxdur, amma yolun Şahverdilər-Çayzəmin kəndləri arasında keçən hissəsində nəqliyyatın hərəkətini yavaşıtmaq üçün beton bloklardan ziqzaqvari maneələr yaradılıb. “Rusiya sərhədçiləri yolun bu hissəsinə nəzarət edəcək”,-Parsyan bildirib.

Ermənistan parlamentinin hakim “Vətəndaş müqaviləsi” partiyasından deputat Armen Xaçatryan isə ötən axşam Gorus-Qafan yolundan çəkdiyi videonu paylaşıb. Yolun “tam təhlükəsiz” olduğunu bildirib, amma əlavə təhlükəsizlik tədbiri kimi Azərbaycan sərhədçilərinin beton bloklardan ziqzaqvari maneə qurduqlarını da göstərib.

Rusiya sərhədçilərinin məhz həmin beton blokların qarşısında (yəni Qubadlı ərazisində) öz postlarını qurduqları bildirilib.

Lakin Ermənistan Milli Təhlükəsizlik Xidmətinin sərhəd qoşunlarının komandanı, polkovnik Arman Maralçyan bildirib ki, KİV-lərdə yayılan bu məlumatlar düzgün deyil. Gorus-Qafan yolunda Rusiya sərhədçilərinin nəzarət-buraxılış məntəqəsi yaradılmayıb və hərəkət əvvəlki qaydada davam edir.

“Heç bir nəzarət-buraxılış məntəqəsi yoxdur. Yol açıqdır. Hərəkət bütün növ nəqliyyat üçün bərpa edilib”,-Maralçyan bildirib.

Xatırladaq ki, yolun açılması haqda xəbərlərdən sonra Rusiya prezidenti Vladimir Putinlə Ermənistanın baş naziri Nikol Paşinyan arasında telefon danışığı barədə məlumat açıqlanıb. Bildirilir ki, tərəflər Ermənistan-Azərbaycan sərhədindəki vəziyyəti , 10 noyabr 2020-ci il və 11 yanvar 2021-ci il üçtərəfli bəyanatları kontekstində Qarabağ nizamlanmasını müzakirə ediblər.

 

araz.az xəbər portalı. 

Samir Şərifovdan NARAZILIQ VAR – Hökumətyönümlü QHT-lər pulsuz qalıb

samir

 

Bir neçə aydır ki, Azərbaycan hökumətindən maliyyə alan QHT-lər pulsuz qalıb.

araz.az Gununsesi.info-ya istinadən bildirir ki, bu barədə iqtidara yaxınlığı ilə seçilən həmin QHT təmsilçilərinin sosial şəbəkələrdə yazdığı qeydlərdə bildirilir. Problemə baiskar kimi isə Maliyyə Nazirliyi günahlandırılır.

Araşdırmamız zamanı bəlli olub ki, Prezident fərmanı ilə QHT-lərə Dövlət Dəstəyi Şurasının balansında yaradılmış Qeyri-Hökumət Təşkilatlarına Dövlət Dəstəyi Agentliyinin fəaliyyəti üçün prezident fərmanından irəli gələn müvafiq işləri aparılmayıb. Agentliyin fəaliyyətə başlaması üçün Nazirlər Kabineti müvafiq addımları atsa da ancaq Maliyyə Nazirliyi öz ürərinə düşən prosesi etməkdə yubanır.

QHT təmsilçiləri isə bildirir ki, Maliyyə Nazirliyini, ümumiyyətlə, QHT sektoruna “ögey övlad” münasibəti bəsləyib.

Məsələ ilə bağlı Maliyyə Nazirliyinin mövqeyini öyrənmək cəhdlərimiz isə həmişəki kimi uğursuz oldu.

Mövzuya qayıdacağıq.

 

araz.az xəbər portalı.

Keçmiş məmurlara NİYƏ TOXUNAN YOXDUR?.. – Onlar öz keflərində, tutulansa…

memur 540x330

Hakimiyyət aşağı rütbəli çinovnikləri cəzalandırmaqla yuxarıları ən pis halda “ev dustağı”na çevirir. Bunu isə korrupsiya ilə mübarizənin ən parlaq mərhələsi adlandırır. Lakin həbslər nazirləri əhatə etmədiyi üçün ikinci və üçüncülərin mühakimə olunması cəmiyyətdə ikrah hissi doğurur.


Sonuncu belə fakt – keçmiş mədəniyyət naziri Əbülfəs Qarayevin həbs edilən müavini Rafiq Bayramova 8 il cəza verilməsi bu mövzunu şərtləndirir. Artıq neçənci belə antikorrupsiya əməliyyatıdır ki, balığın iylənən başı həbsə göndərilməyib, ətrafı “günah keçisi” çıxarılıb.


araz.az Anaxeber.info-ya istinadən  bildirir ki, ən dişsiz nazirlik olan MN-nin sabiq rəhbəri Əbülfəs Qarayev evdə istirahət etdiyi halda, müavini 8 il iş alır. Bu, bütün qanunsuz hərəkətləri üzə çıxan keçmiş xarici işlər naziri Elmar Məmmədyarova da şamildir.
Eks-nazir dincəlməkdədir, XİN-də vəzifə tutmuş şəxslər qandallanır, bir neçə ay sonra ev dustaqlığına buraxılmaqla yenə cinayət işinin istintaqı gedir. Eyni sözləri Prezidentin keçmiş köməkçisi Əli Həsənovla bağlı söyləmək olar; ləğv edilmiş KİVDF-nin direktoru olmuş Vüqar Səfərli həbsdədir, onu idarə edən “Göbbels” isə azadlıqda gəzir.
Yəni nə R.Bayramov Ə.Qarayevin, nə XİN məmurları E.Məmmədyarovun, nə V.Səfərli Ə.Həsənovun xəbəri olmadan hansısa qanunsuzluğa, mənimsəməyə, rüşvətxorluğa getməzdi.
Və yaxud MTN generalı Eldar Mahmudov böyük və səs-küylü prosesdən kənarda saxlanır, bandası həbsə gedir, bir müddət sonar odioz Akif Çovdarov və digərləri azadlığa çıxır.
Əgər dövlətin ana sütunlarından biri olan MTN kimi strukturda quldurluq etmiş generallar azad olunursa, “mədə niyyətli” korrupsioner R.Bayramova 8 il hökm oxunması, yaxud hansısa əyalətin – Biləsuvarın, Neftçalanın başçısının həbsi ilə hansı sistemli dəyişikliyə, islahata nail olmaq mümkündür?!
Əlbəttə, bu kosmetik görünən tədbirlər olmasa da, yəni həbslər kifayət qədər məmurların canına vəlvələ salsa belə, yenə ölkənin müxtəlif strukturlarında korrupsiya, özbaşınalıq, məmur harınlığı halları davam edir.
Deməli, nə başçıların həbsi həmkarlarını, nə nazirliklərdə gedən tuthatut və “təmizləmə”lər digər orqanların vəzifəli şəxslərini yetərincə qorxuda bilib. Əksinə, bəzən çağırışlar səslənir ki, amnistiya elan olunsun, məmurlar gəlir bəyannaməsi versin, onların mənimsədiyi pullar geri alınaraq Qarabağın qurulmasına yönəldilsin, özləri isə evinə buraxılsın.
Çünki məsələ fiqurların tək-tək cəzalandırılması ilə həllini tapmır, islahatlar və korrupsiya ilə mübarizədə yanaşma dəyişməlidir. Əgər hakimiyyət gömrük sistemində heç nəyin dəyişmədiyini görürsə, səhiyyənin Şirəliyevdən sonra da rüşvət şirəsinin çəkilmədiyini və xəstəliyinin tüğyan etdiyini bilirsə, idarəçilikdə tam xaosdursa, təhsildə Əmirullayev sələflərindən də betərdirsə, heç bir inkişaf yoxdursa, ən əsası Babayev sosial təminat sektorunda az qala xalqı dövlətin üzərinə üsyana qaldırmaqla, sabotaj etməklə, kütləvi şəkildə pensiyaların ləğvi ilə məşğuldursa, Sarbonna təhsilli Kərimov kənd təsərrüfatında heç bir innovativ siyasət aparmırsa, ASAN Xidmətdəki gənc xanımları nazirliyə toplayırsa, o zaman bu dəyişikliklərin islahatlarla və bizim həyatımıza təsirləri ilə hansı bağlantıları var?
Və ən ümdə nüans – ölkənin sadaladığımız bu sektorlarında rüşvət yığışmayıbsa, hansısa Səlim Müslümovu, Rafiq Bayramovu, Vilyam Hacıyevi həbsə göndərməklə biz Azərbaycanı qura bilmərik.
Ələlxüsus, postmüharibə dönəmi, regionda yaranmış yeni reallıqlar, birgəyaşayışla bağlı rəsmi çağırışlar fonunda daxildə idarəçilik mütləq şəkildə bu situasiya ilə ahənglik təşkil etməlidir.
Biz insan haqları, korrupsiya və rüşvətxorluq, monopoliya və inhisarçılıq, məmur qudurğanlığı, talançılıq kimi ən idbar halların kökünü kəsmədən, şəffaflıq, sosial təminat, rifah səviyyəsinin yüksəldilməsini təmin etmədən Azərbaycan cəmiyyətini irəli apara bilmərik. Hakimiyyət əsla bu problemləri yoluna qoymamış xalqdan dəstək ala bilməyəcək. Əksinə, Qarabağda qələbə ilə qazanılmış divident və xallar daxili idarəçilikdəki eybəcərliklər ucbatından xərclənməkdədir.
Elə təkcə gömrükdəki rəzil vəziyyətin davam etməsi və pensiyaların kütləvi şəkildə kəsilib vətəndaşların narazı salınması kifayət edir ki, iqtidar içəridən sosial dayaqlarını itirsin.
Sahibkarlığın inkişafı üçün monopoliyanın ləğvi ən qaçılmaz zərurətdir. Bunları etmədən hansısa nazir müavinlərin, icra başçılarını həbsə göndərmək problemləri fundamental şəkildə həll etməyəcək.

 

araz.az xəbər portalı.

3 -dən səhifə 40

Əlaqəli xəbərlər