“Nazirlik müəllimin 50+ bal toplamasını yeni qitə kəşf etmiş kimi təqdim edir”

kamratesil“Qəbul imtahanlarının nəticələri açıqlanandan sonra ali təhsil müəssisələri plan yerlərinin nə qədər dolmasını, yüksək ballı abituriyentlərin onları seçməsini böyük uğur kimi təqdim edirlər. Bu təhsilə nə qədər bəsit, primitiv yanaşmağımızı göstərir. Və ya Elm və Təhsil nazirliyi sertifikasiyada uzun müddət ixtisasını öyrədən müəllimin 50+ bal toplamasını yeni qitə kəşf etmiş kimi təqdim edir. Bizdə universitetlər, ixtisaslar yüksək təhsil verir deyə abituriyentlər tərəfindən seçilmir, yüksək bal toplayan abituriyentlər DİM-in nəşr etdiyi abituriyent jurnalına baxırlar və ballarına uyğun ixtisas görən kimi onu seçirlər”.

araz.az-ın xəbərinə görə, bunu ekspert Kamran Əsədov bildirib.

“O plan yerləri 90 faizdən çox dolduğu üçün qurban kəsən, nəzir verən universitetlərin məzunlarını işlə təmin edə biləcək bilik verirmi? Məzunlarının neçə faizi işlə təmin olunur? Tələbənin təhsil aldığı müddətdə bir problemini həll edirmi? Bir faktı deyim, tutaq ki, bir ixtisas üzrə bu il keçid balı 680 olub, informasiya təhlükəsizliyi ixtisasında. Ekologiyada 150 bal. Gələn il yüksək bal toplayanlar bala görə ixtisas seçəcəklər. Hansısa bir il nəticələr zəof olsa, keçid balı aşağı olacaq və abituriyentlər o ixtisasları seçmək istəməyəcək. Sizin fəxr etdiyiniz o 90+ faiz plan yerinin dolması abituriyentin elektron ərizədə 15 yeri seçməyinə görədir. Təki kəsilməyim deyə bütün yerləri yazıb. Misal üçün, niyə bir 203 bal toplayan xanım abituriyent Qərbi Kaspi Universitetinin Meşəçilik, Koperasiya Universiterinin Şərabçılıq ixtisasını seçsin ki? Çünki o abituriyent 100 bal limitini keçməyib, kəsilməmək üçün seçir oranı. Bir də, I ixtisas qrupunda müəllimlik ixtisasının nüfuzu qalxmayıb, bu süni bir artımdır. Yüksək bal toplayanlar digər ixtisasları seçdiyi üçün onların da əlində bu ixtisaslar qalıb” – K.Əsədov qeyd edib.

araz.az xəbər portalı.

677 bal toplasa da, yenidən imtahan verib 1-ci oldu - Foto

MyCollages 2022 08 19T151538.136

Sumqayıt Təbiət Elmləri Təmayüllü Gimnaziyanın məzunu Ziya Məlikov buraxılış imtahanında 292,3, I qrup üzrə qəbul imtahanında isə maksimal 400 olmaqla ümumilikdə 692,3 bal toplayıb.

araz.az xəbər verir ki, bu barədə “Azərbaycan Universitetləri” feysbuk səhifəsi paylaşım edib.

Qeyd olunub ki, bu Sumqayıt üzrə ən yaxşı nəticə hesab olunur.

“Ziya həm 10, həm də 11-ci sinifdə Riyaziyyat fənni üzrə Respublika fənn olimpiadasının qalibidir. Belə olan halda Ziya imtahansız qəbul olurdu. Ziya Prezident təqaüdçüsü olmaq, hədəflədiyi Bakı Ali Neft Məktəbinin İnformasiya təhlükəsizliyi ixtisasının tələbəsi olmaq üçün qəbul imtahanlarında iştirak edir və 677,6 bal toplayır. Hədəfinə çatmaq üçün bu bal kifayət etmirdi və Ziya 2-ci dəfə imtahana qatılır və 692,3 bal toplayır”, - paylaşımda deyilir.

 
araz.az xəbər portalı.

Qəbulda yüksək bal toplayan abituriyentlər - FOTOLAR

1655489127 1641371231 t 3

Bu gün ali məktəblərə qəbul imtahanlarında I və IV ixtisas qrupları üzrə ən yüksək nəticə göstərən abituriyentlər məlum olub.

Qəbul imtahanında I ixtisas qrupu üzrə ən yüksək nəticəni (400 bal) 10 nəfər – Bakı şəhər 53, 111 və 258 saylı orta məktəblərinin, Bakı Türk Liseyinin (Türkiyə Dəyanət Vəqfi) və Kimya-Biologiya Təmayüllü Liseyin, Sumqayıt şəhər 13 saylı orta məktəbinin, Abşeron rayon Saray qəsəbəsi 1 saylı orta məktəbinin, Qəbələ şəhər 1 saylı orta məktəbinin, İsmayıllı şəhər 5 saylı orta məktəbinin, Biləsuvar şəhər internat orta məktəbinin məzunları göstəriblər.

Ümumilikdə I ixtisas qrupu üzrə ən yüksək nəticəni Bakı şəhəri 111 nömrəli məktəbin məzunu Qurbanov Fuad Polad oğlu əldə edib. O, ümumilikdə 695 bal toplayıb.  IV ixtisas qrupu üzrə isə rekord göstərici 125 nömrəli məktəbin məzunu Ağazadə Nigar Əhədulla qızına məxsusdur. O, 697 bal yığıb.

Modern.az qəbul imtahanlarında yüksək nəticə göstərən abituriyentlərdən bir neçə barədə məlumatları təqdim edir:

İsmayıllı şəhər 5 saylı orta məktəbin məzunu Aydın Aydınov blok imtahanlarında maksimal 400 bal toplayan 10 nəfərdən biridir. O, I qrup üzrə iki mərhələ üzrə 673,2 bal toplayıb.

Biləsuvar şəhər internat orta məktəbinin məzunu Aysel Rəhimli I qrup üzrə 674 bal yığıb. O, blok imtahanında 400 bal toplayıb. Bakı Ali Neft Məktəbində təhsil almağı planlaşdırır.

I qrup üzrə ən yüksək nəticə göstərənlərdən biri (400 bal) Sumqayıt şəhər 13 nömrəli tam orta məktəbin məzunu Leyla Eynullazadədir.

Bakı şəhəri 258 nömrəli məktəbin məzunu Fərid Quliyev də blok imtahanında 400 bal toplanlar sırasındadır. O Bakı Ali Neft Məktəbinin informasiya təhlükəsizliyi ixtisasında təhsil almağı hədəfləyir.

Bakı şəhəri 53 nömrəli məktəbin yetirməsi Aslanlı Zakir Zaur oğlu I qrup üzrə qəbul imtahanlarında yüksək nəticə göstərən (400 bal) abituriyentlər arasındadır.

araz.az xəbər portalı.

“Dərslikləri dəyişmək baxımından vaxta ehtiyac var” - Emin Əmrullayev

eminemrulla5

“Builki tədris ili mahiyyəti baxımından əvvəlkilərdən bir neçə xüsusiyyətinə görə fərqlənir”.

araz.az  xəbər verir ki, bunu AzTV-yə müsahibəsində təhsil naziri Emin Əmrullayev deyib.

Nazir qeyd edib ki, bu il Azərbaycan məktəblərində tədris ölkənin ərazi bütövlüyü təmin olunduqdan sonra ilk dəfədir açılır:

“Buna qədər biz Qarabağ və ölkənin ərazi bütövlüyü mövzusunda şagird və tələbələri təlimatlandırırdıqsa, hazırda Zəfərdən sonrakı dövrdə təhsilin məzmununu, dərslikləri dəyişmək baxımından bizim daha çox vaxta ehtiyacımız var”.

 

 

araz.az xəbər portalı.

“Məktəb “əks göstəriş” istəyir, Səhiyyə Nazirliyi “sıxlıq” var deyir – Müəllim nə etsin?!

media f03a307dddaf16e9a0c9d97769f8c5e3 vgrt5oa07mlxk8jzqeiw 620x326

Ölkəmizdə ənənəvi tədris bərpa olunur. Bu barədə təhsil naziri Emin Əmrullayev Operativ Qərargahın brifinqində məlumat verib.Nazir tədrisin həftədə 5 gün olmaqla təşkil ediləcəyini qeyd edib:”22 sentyabr 1-4-cü siniflər, 29 sentyabrdan 5-11-ci siniflər, 29 sentyabrdan ali təhsil müəssisələrində tədris ənənəvi formada bərpa olacaq”.

Məlumdur ki, vaksin olunmayan şəxslərdən əks-göstəriş sertifikatı tələb olunur. Ancaq bununla bağlı müəyyən nöqsanlar var. Məsələn, Səhiyyə Nazirliyi əks-göstəriş vərəqəsinin verilməsində müəyyən sıxlığın müşahidə olunduğunu bildirir. Təhsil Nazirliyi isə ənənəvi tədris zamanı bu sertifaktın önəmli olduğunu vurğulayır.

Mövzu barədə fikirlərini “Sherg.az”la bölüşən Təhsil Nazirliyi yanında İctimai Şuranın sədr müavini, təhsil üzrə mütəxəssis Nadir İsrafilov qeyd edib ki, ənənəvi təhsilin bərpasına dair qərarın qəbul edilməsi gözlənilən idi. Çünki Nazirliyin dayanıqlı təhsilə mövqeyi həmişə pozitiv olub:

“Əsas odur ki, uzun sürən intizara son qoyuldu, çoxlarını maraqlandıran suallara aydınlıq gətirildi. Ən başlıcası isə böyük əksəriyyətin arzu və istəyinə uyğun olaraq tədrisin ənənəvi formada başlanmasına kollegial qərar verildi. Hesab edirəm ki, verilən qərar bu gün üçün ən optimal variantdır”.

“Tədrisə niyə sentyabrın 15-i deyil, məhz 22-si və 29 başlanılır?” sualına gəlincə, ekspert diqqətə çatdırıb ki, bu, işə mərhələli keçidin təmin edilməsi ilə bağlı məsələdir:

“Bir də ki, tədrisin bir-iki həftə geriyə çəkilməsi, müddət baxımından elə də bir mahiyyət daşımır».

N.İsrafilovun sözlərinə görə, ənənəvi tədrisə başlanılması,heç də əyani təhsilin bütün il boyu davamlı və dayanıqlı olacağı barədə kimlərdəsə arxayınlıq yaranmasına əsas vermir:

“Hər şey mətbuat konfransında da xüsusi olaraq vurğulandığı kimi, vaksinasiyadan, təhsil müəssisələrində sanitar-epidemioloji qaydalara və digər təhlükəsizlik normalarına necə riayət olunmasından asılı olacaq.

Yoluxmanın səviyyəsinə müvafiq olaraq lokal yanaşma tətbiq oluna bilər, ayrı-ayrı siniflərin distant təhsilə cəlb olunması, ayrı-ayrı məktəblərin müvəqqəti qapanması da istisna olunmur.

Bu kimi halların qarşısının alınması üçün, orta ümumtəhsil məktəblərində müəyyən məhdudiyyətlər, ali məktəblərdə müəyyən limit tətbiq edilməsi nəzərdə tutulur. Əyani təhsilin davamlılığı – təhsil və təhlükəsizliyin vəhdətinin təmin edilməsindən asılı olacaq.Sual doğuracaq müəyyən məqamlara bunlar yeri gəldikcə nəzərə alınacaq və tənzimlənəcək.

Vaksinasiya və əks göstəriş sertifikatı ilə əlaqədar hər hansı bir problemə görə heç kəs təhsildən kənar qalmayacaq. Yəqin ki, yaxın vaxtlarda ictimailəşəcək qaydalarda bütün bu məqamlar öz əksini tapacaq”.

 

araz.az xəbər portalı.

1 -dən səhifə 27

Əlaqəli xəbərlər