Anar Kəramət Böyükçölün həbsindən danışdı: “Məni bu məsələyə görə narahat etməyin”

IMG 20200819 WA0039 950x500“Mən hazırda bağdayam. Məni bu məsələyə görə narahat etməyin”.
Bilgisel.az xəbər verir ki, bu sözləri Azərbaycan Yazıçılar Birliyinin sədri Anar Rzayev gənc yazıçı Kəramət Böyükçölün həbs edilməsi ilə bağlı bildirib.
O, bu xəbəri beş dəqiqə əvvəl öyrəndiyini qeyd edib: “Bu xəbəri beş dəqiqə əvvəl eşitmişəm. Buna görə heç nə deyə bilmərəm. Hazırda bağdayam. Məni bu məsələyə görə narahat etməyin”.
Qeyd edək ki, Kəramət Böyükçöl bir müddət əvvəl “Facebook” üzərindən canlı yayım açaraq tənqidi fikirlər səsləndirib. Canlı yayımda yazıçının evinə gələn polislər, qonşularının onu şikayət etdiyini bildirib və saxlanılıb.

Aytəkin Cəlali

Sahibkarlar məmur Sahib Quliyevin imzası ilə dövlət qurumlarına göndərilən məktuba etiraz edir – “Ağ yalan danışır”

s 600x330Redaksiyamıza Sumqayıt şəhərində abadlıq işləri aparıb, bunun müqabilində pullarını icra başçısı Zakir Fərəcovdan ala bilməyən bir qrup sahibkarın imzası ilə etiraz məktubu daxil olub. Sahibkarların başlıca etirazı Sumqayıt Şəhər İcra Hakimiyyəti başçısının müavini Sahib Quliyevin Azərbaycan Respublikası Kiçik və Orta Biznesin İnkişafı Agentliyinin (KOB) İdarə Heyəti sədrinin birinci müavini Natiq Həsənova rəsmi məktub vasitəsilə verdiyi cavabla bağlıdır. Qeyd edək ki, sahibkarların KOB-a ünvanladıqları şikayətin məzmunu Sumqayıt Şəhər İcra Hakimiyyəti tərəfindən onlara çatacaq vəsaitin ödənilməməsində yaranan süründürməçiliklə əlaqəlidir.

Sahibkarlar iddia edirlər ki, Sahib Quliyev həmin məktuba başdansovdu və məmur etikasına uyğun gəlməyən tərzdə cavab verib:

“Hörmətli redaksiya! Sizi həmin məktubda göstərilən rəqəmlərin təqdimatı ilə yormaq istəmirik. Məsələnin mahiyyəti çox sadədir. 2016-cı ildə Sumqayıtın abadlaşdırılmasında iştirak edən bir qrup sahibkar kimi biz Zakir Fərəcovdan öz pullarımızı ala bilmirik. Sahib Quliyev bu işlərdə xəbərsizdir və onun bu məktuba primitiv tərzdə cavab verməsindən görünür ki, Zakir Fərəcov öz məsuliyyətini işdən xəbəri olamayan adamlar arasında bölüşmək üçün belə adamları qabağa verir. Yazılan savadsız və böhtan xarakterli məktubda iddia olunur ki, güya Sumqayıtda görülən abadlıq işləri ilə bağlı sahibkar kimi bizlərə lazım olan vəsaitlər ödənilib. Sahib Quliyev ağ yalan danışır. Bizə pul ödənilibsə, zəhmət olmasa həmin pulun hansı hesab vasitəsilə bizə verildiyini açıqlasınlar.

Maraqlıdır ki, İH-nin rəsmi blankı ilə göndərilən məktubda yalanı bəzi qurumlara sırımaq üçün, nə qədər ağac əkildiyi, hansı sayda oturacağın quraşdırıldı və görülən digər işlərlə bağlı hesabat xarakterli məlumatlar verilir. Bizdə bilirik ki, həmin işlər görülüb. Ancaq Sahib Quliyev niyə özgənin pulu ilə görülən işləri öz adına bağlamaqla bu faktorla öyünmək istəyir?

Məlumdur ki, ölkədə korrupsiya ilə mübarizə sahəsində ciddi işlər görülür. Anti-korrupsiya tədbirləri çərçivəsində bir sıra rayonların icra başçıları da həbs edilib. Həmin həbslərlə bağlı ictimailəşən rəsmi informasiyalardan biz gördük ki, həbs olunan icra başçılarının hamısı rayonlardan abadlıq işlərinin görülməsi adı ilə sahibkarlardan haqq toplayıblar. Bizim rastlaşdığımız vəziyyət daha acınacaqlıdır. Bizə gördüyümüz işin və abadlıq üçün təqdim etdiyimiz tikinti materiallarının pulunu ödəməyiblər.

Cənab Prezidenti dəfələrlə çıxışlarında bu amilə toxunub. Yeni təyin olunan gənc icra başılarını qəbul edərkən, iş adamlarının incidilməsinə tamamilə son qoyulmasını onların qarşısında vacib tapşırıq kimi qoyub. Ancaq təəssüflər olsun ki, Zakir Fərəcova hazırda mətbuat xidməti görəvini göstərən Sahib Quliyev iş adamlarına İH tərəfindən olunan bu haqsızlıqlara başqa don geyindirməklə, ictimai rəyi başqa samtə yönəltmək istəyir. Biz Sahib Quliyevin iş prinsipinə yaxşı bələdik. Onun Bakının Nizami rayonu və Gəncə şəhərindəki fəaliyyəti hamımızın gözünün önündə olub. Yaxşı olar ki, Sahib Quliyev həmin işlədiyi yerlərdə baş verən hadisələr barədə obyektiv şərhlər versin.

Hörmətli redaksiya! Biz öz halal pulumuzdan başqa nəsə istəmirik. Ancaq İH adından yazılan rəsmi məktubda bu halı kiminsə adı ilə bağlayıb, fərdiləşdirməyə can atılır. Cənab Prezident çıxışlarında dəfələrlə məmurlara vətəndaşların ağası yox, xidmətçisi olduqlarını xatırladıb. İndi siz Sahib Quliyevin yazdığı məktubun məzmumundakı ritorikaya fikir verin. Görün orada öz haqqını tələb edən sahibkarlar hansı formada aşağılanır. Bu, onu deməyə əsas verir ki, Sumqayıt İH Prezidentin verdiyi tapşırıqlara məhəl qoymadan fəaliyyət göstərir. Yenə ölkə başçısına istinad etmək istərdik. Son müşavirədə cənab Prezident iri vergi ödəyiciləri olan şirkətlərin fəaliyyətini kəskin tənqid etdi. Həmin çıxışda Prezident eyni zamanda bildirdi ki, ölkədə şəffaflığın artırılması üçün ictimai nəzarətin güclənməsinə ciddi ehtiyac var. Hətta bununla bağlı mediaya, QHT-lərə ziyalılara çağrış da etdi ki, ictimai nəzarətin güclənməsində fəallıq nümayiş etdirsinlər. Anoloji məzmunda müraciəti Prezident bundan əvvəl də vətəndaşlara xitabən etmişdi. İndi siz məmur olan Sahiq Quliyevin rəsmi məktubda seçdiyi tona fikir verin. O, rəsmi qurumlara şikayət ünvanlayan vətəndaşın əməlini dələduzluq kimi qiymətləndirir. Bir məmur nə qədər özünə və güvəndiyi adama araxyın olmalıdır ki, ölkə rəhbərliyinin qoyduğu tələbə belə öz ampluasından yanaşmağa cəsarət tapsın? Bununla bir daha sübut olunur ki, İcra Hakimiyyəti bizim pulumuzu verməmək üçün barəmizdə istənilən böhtanı uydurmaq, hətta bizi şantaj etmək yolunu belə tutub. Ancaq haqq nazilsə də, heç vaxt üzülən deyil. Əminik ki, ölkədə məmur özbaşınalığına qarşı aparılan tədbirlər çərçivəsində bizim də hüquqlarımıza təminat veriləcək. Bizi aldadanları isə bu gün həbsxanadakı icra başılarının aqibəti gözləyir” .

Şikayətdə adları qeyd olunan şəxslərin də fikirlərinə yer verməyə hazırıq.

Azinforum.az

Göygöl “Qranit Beton” MMC vergidən necə yayındırılır? – FAKT

456Görəsən,Mənzil İnşaatı Dövlət Agentliyini külli miqdarda vəsaiti vergidən yayındıran “Qranit Beton” MMC ilə hansı maraqlar bağlayır???

Respublikamızda aztəminatlı ailələrin yaşayış sahələrinə olan ehtiyacını ödəmək, onların mənzil-məişət şəraitini yaxşılaşdırmaq məqsədi ilə Bakıda və Gəncədə sosial evlərin tikintisi aparılır. İnşaat işlərini Mənzil İnşaatı Dövlət Agentliyini tərəfindən tenderlə müəyyənləşdirilmiş tikinti şirkətləri həyata keçirir. Ancaq burada iki diqqət yetiriləsi vacib məqam var. Birincisi, elan edilmiş tenderlərin şəffaflığı və tenderləri qazanan şirkətlərin kimlərə məxsus olması, ikincisi isə tenderi udmuş şirkətlərin mal-materiallarla təminatını həyata keçirən firmaların, MMC-lərin yuxarılanın tapşırığı əsasında seçilməsi və onların külli miqdarda vergidən yayınmalarıdır.
Hazırkı məqamda birinci məsələnin hüquqi sənədləşməsi başa çatdığından kiməsə nəyisə sübut etnək çətindir. Ancaq ikinci məsələyə,yəni vergidən yayınma məsələsinə müvafiq qurumların müdaxilə etməsi və ciddi hüquqi tədbirlər görməsi mümkündür və mütləqdir.
RealMedia.az xəbər verir ki,etibarlı mənbədən Dunyaninsesi.info saytının redaksiyasına daxil olan məlumatlara görə, külli miqdarda vəsaiti vergidən yayındıran firmalardan biri də Göygöl rayonu ərazisində fəaliyyət göstərən “Qranit Beton” MMC-dir. Adıçəkilən MMC Gəncədə sosial evlərin tikintisini aparan şirkətlərin beton təminatını həyata keçirməklə yanaşı, tikintini otsep, qum, sement, müxtəlif ölçülü çınqıllar və qatqı kimi komponentlərlə də təmin edir. Amma, məsələnin başqa maraqlı bir tərəfi var. “Qranit Beton” MMC yuxarıda sadalanan komponentləri istehsal edə bilmədiyi halda, bu təminatı necə həyata keçirir. Bunu müəyyən etməyin yolu isə “Qranit Beton” MMC bu materialları hansı təşkilatdan alınması barədə rəsmi sənədləri hüquqi şəkildə araşdırmaqdır. Əks halda bunu müəyyən etmək çətin olacaq. Çünki “Qranit Beton” MMC sosial evləri tikən iş icraçısı şirkətlərə betondan əlavə satdığı məmulat və materialları şəxsi istifadəsi qismində alır və onlara necə deyərlər “çöldən-çölə” satır.
Bununla da “Qranit Beton” MMC və digər istehsalçı şirkətlər bu məhsulların alqı-satqısını rəsmiləşdirmir və dövlət büdcəsinə ödəniləcək milyonlarla vəsaiti gizləyir. Konkret desək, öz ciblərinə qoyur. Əgər “Qranit-Beton” MMC-nin mal-materiallar üzrə qaiməsinə, idxal və ixrac sənədlərinə vergi və audit yoxlaması tətbiq edilərsə, müəssisədə çox ciddi qanun pozuntuları üzə çıxacaqdır.Hətta, ekspertiza təyin edilməklə enrji və digər kommunal sərfiyyatlar üzərə hesabat aparılarsa, iddia edilən vergi ödəməkdən yayınma halları öz təsdiqini tapar.
Bir sözlə,Gəncədə tikilən sosial evlərin tikintisində istifadə olunan sement, mişar daşı, kərpic, qum, və sair materialların hansı təşkilatdan alınması yoxlanılarsa yenə də külli miqdarda vəsaitin vergidən yayınma halı çılpaqlığı ilə müəyyən olunacaqdır.
Şübhəsiz ki, bu cür hallar büdcənin gəlir hissəsindən əhəmiyyətli dərəcədə itkilərin müşahidə olunması ilə nəticələnir. Bununla əlaqədar hüquq-mühafizə orqanlarının qarşısında vergidən yayınanlarla mübarizə kimi mühüm bir vəzifə durur. Çünki statistika göstərir ki,vergi cinayətləri azlmaq əvəzinə artmaqdadır. Daha doğrusu, Dövlət Vergi Xidməti İqtisadiyyat nazirliyinin tabeliyinə veriləndən sonra (Hətta,Mikayıl Cabbarov Vergilər naziri olan vaxdan) “kıraşası” olan “yatağan” müəssisə və şirkətlərin uzun illədir ki,külli miqdarda vergidən yayınmaları üzə çıxarıldı.Və proses davam edir…
Başqa bir diqqətçəkən məqam isə Azərbaycan Respublikasının Prezidenti yanında Mənzil İnşaatı Dövlət Agentliyinin Gəncədə tikilən sosial evlərin inşaasına heç bir yerli tikinti şirkətinin iştirakını təmin etməməsidir. Baxmayaraq ki, tenderə həm Gəncədən, həm yaxın bölgədən onlara şirkət qatılıb. Deməli, görünən odur ki, dövlətin müyyən sturukturlarında yüksək vəzifə tutan “yekə dayı”ların çətiri altında olan Bakı şirkətləri milyonlar qazanmalı,ancaq yerli şirkətlər pandemiyanın bu ağır dönəmində iqtisadi baxımdan tam çökməlidir…
Bütün bunları təhlil edən zaman ortaya bir sıra suallar çıxır. Görəsən,Mənzil İnşaatı Dövlət Agentliyini “Qaranit Beton” MMC ilə hansı maraqlar bağlayır ki, sosial evlərin tikintisinə sərf edilən sement və betonu həm ondan alınır, həm də sözügedən MMC-nin texniki vastələri ilə daşınır? Bu hal ölkənin ikinci ən böyük şəhəri olan Gəncə sahibkarlarına qarşı ayrı seçkilik və inhisarçılıq deyilmi?
Qeyd edək ki, Gəncədə Mənzil İnşaatı Dövlət Agentliyi tərəfindən tikintisi aparılan ərazidə vətəndaşlara məxsus olan torpaq sahələri sabiq icra başçısı Elmar Vəliyev tərəfindən alınmış və hazırki, başçısının dönəmində belə torpağın mülkiyyətçilərinə bu günə qədər bir manat da olsun kompensaiya ödənilmməmişdir. Bu ölkə vətəndaşlarının konustitusiyada təsbit olunmuş mülkiyyət hüququnun pozulması demək deyilmi?
Məlumat üçün onu da qeyd edək ki,28 iyul 2020-ci il tarixdə “Araz İnşaatçı” MMC-nin tikdiyi binadan Tağızadə Allahverdi Xasay oğlu yıxılaraq ölüb. Bu hal həm də onun göstəricisidir ki, sözgedən tikinti sektorunda fəaliyyət göstərən şirkətlər vətəndaşların texniki təhlükəsizliyini təmin etmədən tikinti aparır.
İqtisadiyyat naziri Mikayıl Cabbarovun vergi cinayətləri ilə bağlı barışmaz mövqeyini nəzərə alaraq, ümid edirik ki,külli miqdarda vəsaitin vergidən yayındırılmasını müəyyən etmək üçün Vergi Cinayətlərinin İbtidai Araşdırılması Baş İdarəsi tərəfindən “Qranit Beton” MMC-nin fəaliyyəti yoxlanılacaq.
*****
Hal-hazırda Göygöl “Qranit Beton” MMC Şəmkir rayonu ərazisində yerləşən Yenikənd “su” anbarının yenidən qurulmasına 35 min kub metr beton məhlulu müqaviləsinin icrasına başladığı gələn xəbərlər sırasındadır.

RealMedia.az olaraq yazıda adı keçənlərin, eyni zamanda MİDA-nın mövqeyini dərc etməyə hazırıq.

MÜQƏDDƏS QURBAN BAYRAMINIZ MÜBARƏK, GÖZƏL XALQIMIZIN GÖZƏL ÖVLADLARI!

qurban bayramiƏziz qardaş və bacılarımız!                    

Uca Yaradan İslamı bəşəriyyət üçün hidayət, mənəvi-əxlaqi qurtuluş yolu seçdiyi vaxtdan öz saflığını qoruyub, saxlayan QURBAN BAYRAMI münasibəti ilə, doğma və yaxınlarınızla bərabər, hər birinizə səmimi duyğularla zəngin təbriklərimizi çatdırırıq.  Təşəkkül tapdığı gündən, həm də Böyük Allah yolunda hər cür fədakarlığa hazırlığın, mənəvi kamilliyin, vəhdətin rəmzinə, eləcə də cəmiyyətdə milli-mənəvi həmrəyliyin, xeyirxah əməllərin, şəfqət və mərhəmət duyğularının təntənəsinə çevrilən, insanları birliyə, qardaşlığa dəvət edən bu  bayramın əziz günlərində ən xoş arzu, istək və diləklərimizi sizlərə yetirir, dövlətimizin tərəqqisi və xalqımızın əmin-amanlığı naminə etdiyiniz duaların, Böyük Allah adına kəsdiyiniz qurbanların, gördüyünüz xeyirxah işlərin Tanrı dərgahında qəbulunu arzulayırıq. 

Dünya müsəlmanlarının bu Əziz Bayramında ən vacib arzularımızdan biri də budur ki, qoy, müxtəlif səbəblərdən dünyanın dörd bir yanına səpələnən hamınıza əziz soydaşlarınızla bərabər, bütün materik və qitələrdəki din qardaş-bacılarınız da, Uca Tanrıya yaxınlığın fərəhini yaşamaq fürsəti əldə etsinlər!

Bu mübarək bayram günlərində bir daha hamınıza Ulu Tanrıdan möhkəm cansağlığı, ailə xoşbəxtliyi, süfrələrinizə bol ruzi-bərəkət arzulayırıq.                       

QOY, ƏSAS MAHİYYƏTİ  MÜQƏDDƏSLİYİNDƏ OLAN BU ƏZİZ BAYRAMIMIZ, MİLLİ-MƏNƏVİ HƏMRƏYLİYİN, QARDAŞLIĞIN, BİRLİYİN RƏMZİ KİMİ,   AZƏRBAYCANIMIZ ÜÇÜN HƏSSAS OLAN BU MƏQAMLARDA, BÜTÜN SINAQLARDAN ÜZÜAĞ ÇIXMAĞI BACARAN MÜBARİZ XALQIMIZIN  SARSILMAZ BİRLİYİNİN DAHA MÖHKƏM TƏMƏLİNİ QOYARAQ, CƏMİYYƏTİMİZDƏKİ TÜRK MİLLƏTİNƏ XAS OLMAYAN BÜTÜN UMU-KÜSÜLƏRİN, DEDİ-QODULARIN SONUNA ÇIXSIN! TANRI RUZİSİ BÜTÜN XOŞLUQLARIN EHTİVASI OLAN TƏBRİKLƏRİMİZİ ÜRƏKDƏN QƏBUL EDİN, GÖZƏL XALQIMIZIN GÖZƏL ÖVLADLARI! KEŞMƏKEŞLİ TARİXİMİZİN MƏMLƏKƏTİMİZ ÜÇÜN OLDUQCA ÇƏTİN KEÇƏN SINAQ MƏRHƏLƏLƏRİ  DƏ SÜBUT EDİB Kİ, DOĞMA VƏTƏNİNİ SİZİN QƏDƏR QƏLBDƏN SEVƏN HƏR BİR VƏTƏN ÖVLADI BUNA LAYİQDİR! TANRI MƏRHƏMƏTİ BÖYÜKLÜ-KİÇİKLİ HƏR BİRİNİZİN ÜSTÜNDƏN ƏSKİK OLMASIN!                

 Səmimi duyğularla,

"ARAZ" MEDİA QRUPUNUN KOLLEKTİVİ.

Tərtərdə RİH-i başçısının sürücüsü hansı əsasla məcburi köçkünə məxsus mənzildə yaşayır?—ŞOK FAKTLAR

1595690969 received 889024784940786

 

Ölkəmizdə qaçqınların və məcburi köçkünlərin yaşayış şəraitinin yaxşılaşdırılması ilə bağlı kompleks tədbirlərin görülməsinə, mərhum prezident Heydər Əliyevin təşəbbüsü və rəhbərliyi ilə başlanılması danılmaz həqiqətdir. Məlum olduğu kimi, illər keçdikcə neft strategiyasının uğurla həyata keçirilməsi səbəbindən, əldə olunan gəlirlər hesabına qaçqın və məcburi köçkünlərin mənzil-məişət şəraitinin yaxşılaşdırılmasına yönəlik addımlar atıldı və mərhələli şəkldə çadır düşərgələrinin ləğvi də həyata keçirildi. Bu istiqamətdə həyata keçirilən tədbirlər Prezident İlham Əliyev tərəfindən də davam etdirildi və çox keçmədi ki, çadır düşərgələrinin ləğvi tam şəkildə başa çatdırıldı. Yəni, fakt budur ki, hazırda məcburi köçkünlərin çoxu müasir tipli yeni qəsəbələrə köçürülüblər, onlara məşğulluq və təsərrüfatçılıq imkanları və s. yaradılıb. 2004-cü ildə cənab Prezident tərəfindən təsdiqlənmiş “Dövlət Proqramı”na ​ əsasən, məcburi köçkünlərin daha çox hissəsinin mənzil-məişət şəraiti, məşğulluğu və digər tədbirlərin əksəriyyətinin icrası təmin olunub, qalanlarının icrası üzrə işlər isə, bu gün də yerinə yetirilməkdə davam edir. Bütün bunlara baxmayaraq, hal-hazırda Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin struktur vahidlərində çoxsaylı vəzifə sahibi olan​ şəxslər var ki, onlar atılan addımlardan sui-istifadə edir, ​ maddi maraqlarının təmin olunmasına çalışır və digər qanunsuzluq əməllərinə qol qoyurlar. Məsələn, adicə bir faktı qeyd edək ki, Qaçqınların və Məcburi Köçkünlərin İşləri üzrə Dövlət Komitəsinin nəzdində yaradılmış Mənzil İstismar Departamentinə, müasir üslubda inşa olunmuş 112 qəsəbənin saxlanılması üçün dövlət büdcəsindən təqribən 7 milyona yaxın vəsait ayrılır. O halda sual oluna bilər ki, görəsən həmin qəsəbələrin saxlanılması üçün bu qədər məbləğdə ayrılan vəsaitlərin xərclənməsindən Mənzil-İstismarı sahələri rəislərinin xəbəri varmı?​ Yəni, həmin vəsaitlər​ ​ ​ ​ yolların təmiri, binaların bloklarının təmiri, parkların saxlanması və s. kimi işlərin görülməsinə xərclənməlidir.

​ ​ ​ Bundan əlavə, görəsən dövlətin məcburi köçkünlərə verdiyi mənzillərin kirayə verilməsi haqda jek rəislərinin də xəbərləri varmı?. Məsələn, faktdır ki, Tərtərdə yeni salınmış qəsəbələrin bəzi mənzilləri kirayə verilib və həmin mənzillərdə məcburi köçkün statusu olmayan ailələr yaşayırlar. Məsələn, bir neçə faktın varlığını qeyd edək.

1.​ Alışanov Elsevər Məhəmməd oğlu- Laçın rayonundan məcburi köçkündür və ​ bu şəxsin 4 nəfərlik ailə üzvlərinin məcburi köçkün statusları olduğundan, onlara dövlət tərəfindən Tərtərdə inşa olunmuş 28-ci binanın 1-ci mənzili verilib. Bu gün həmin mənzildə adını və soyadını qeyd etdiyimiz məcburi köçkün ailəsinin üzvləri deyil, məhz Tərtərin RİH-nin başçısı Müstəqim Məmmədovun sürücüsü yaşayır. Bu haqda icra başçısı lazımı məlumatlara da malikdir.

2.​ Quliyev Şöhrət Əjdər oğlu-Ağdərə rayonundan məcburi köçkündür və bu şəxsin məcburi köçkün statusu olduğundan, ona dövlət tərəfindən Tərtərdə inşa olunmuş 2-ci binanın 14-cü mənzili verilib. Onu da qeyd edək ki, bu şəxs Tərtər rayonunda qeydiyyatdadır və onun adına rayonun Qaradağlı kəndində torpaq sahəsi və ev var.

3.​ Sailov Rəhman Allahverdi oğlu- Kəlbəcər rayonundan məcburi köçkündür və bu şəxsin 4 nəfərlik ailə üzvlərinin məcburi köçkün statusları olduğundan, onlara dövlət tərəfindən Tərtərdə inşa olunmuş 5-ci binanın 24-cü mənzili verilib. Bu gün həmin mənzildə adını və soyadını qeyd etdiyimiz məcburi köçkün ailəsinin üzvləri deyil, məhz rayondakı “Yeni qəsəbənin” bağça müdirəsi yaşayır.

​ ​ ​ ​ Sadaladıqlarımız belə bir faktlardan əlavə, hazırda Abşeron rayonunun Mehdiabad qəssəbəsindəki “Gənclər şəhərciyi”ndə də, məhz məcburi köçkünlər üçün inşa olunmuş mənzillərdə yerli sakinlər kirayədə yaşayırlar. Sual oluna bilər ki, görəsən dövlət tərəfindən məcburi köçkünlərə müvəqqəti sığınacaq məqsədilə verilmiş mənzillərdə kirayədə yaşayanlara şəraiti yaradanlar kimlərdir və belə bir ​ qanusuzluqlardan MİS-i rəislərinin xəbərləri varmı?. Əgər varsa, həmin vəzifə sahibləri tərəfindən niyə lazımi ölçü götürülmür? Hansı əsasla hər ay kirayə verilmiş mənzillərdən 50 manat pul alınır? Dolaşan söz-söhbətlərə görə, bu gün Qaçqınların və Məcburi Köçkünlərin İşləri üzrə Dövlət Komitəsinin sturukturlarında elə bir qanunsuzluqlar, elə bir həngamlər, elə bir haqsızlıqlar yaşanır ki, qaçqın və məcburi köçkünlərin çoxu Rövşən Rzayevin bugünkü idarəçiliyinə etiraz edib, sabiq komitə sədri Əli Həsənovun ölənlərinə rəhmət oxuyurlar. Belə olan halda deyirlər: “Yağışdan çıxıb yağmura düşdük”.

​ ​ ​ Bundan əlavə, görəsən sayı-hesabı bilinməyən sayda qanunsuzluqlara qol qoyan vəzifə sahiblərinin Azərbaycan Respublikası Nazirlər Kabinetinin 24 fevral 2017-ci il tarixli 65 saylı qərarı ilə təsdiq edilmiş “Məcburi köçkünlərin müvəqqəti yerləşdirilməsi fondunun yaşayış sahələrinin verilməsi Qaydası”ndan xəbərləri yoxdurmu? Necə olur ki, hər ay kirayə verilmiş mənzillərdən təqribən 100 min manatdan çox vəsait yığılır və o halda sual oluna bilər ki, görəsən həmin vəsaitlər hansı sahələr üzrə xərclənir, yaxud da xərclənirmi? ​ ​ ​

​ ​ ​ Ümumiyyətlə, bu cür qanunsuzluqların bütün qaçqın qəsəbələrində yaşanması haqda xeyli məlumatlar əldə etmişik. Bütün bunlar haqda növbəti saylarımızda geniş açıqlamalarla çıxış edib, çoxsaylı oxucularımızı yaşananlarla bağlı məlumatlandırmağa da çalışacağıq.

araz.az

3 -dən səhifə 116

Əlaqəli xəbərlər