Tovuzda Qovlar şəhər İƏD üzrə nümayəndə əlili intihara sürükləyir- ŞOK FAKTLAR/VİDEO

       Faktdır ki, Azərbaycan Respublikasının ərazi bütövlüyünün müdafiəsi zamanı fiziki sağlamlığını itirən və döyüşən ordunun tərkibində hərbi xidmətdə olan müharibə iştirakçıları müharibə əlilləri hesab olunurlar və onlar qanunvericiliyə uyğun olaraq bir sıra sosial təminatlara da malikdirlər. Bəli, dövlətimiz hər zaman şəhid ailələrinin, qazilərin, Qarabağ müharibəsi əlillərinin sosial-rifah halının yaxşılaşdırılmasına xüsusi önəm verir, onlara verilən pensiya və müavinətlər artırılır, minik avtomobilləri verilir,mənzillə təminatları həyata keçirilir.Bu kimi səbəblər üzündəndir ki,dövlətimiz həmin insanlara və onların ailələrinə xidmətlərinin müqabilində maddi və mənəvi dəstək göstərməyə borcludur. WhatsApp Image 2021 11 27 at 20.49.33Həmçinin nəzərə alsaq ki, bu insanların bir qismi sağlamlığını ölkəmizin ərazi bütövlüyünün təmin olunması yolunda itirib, hal-hazırda geniş əmək fəaliyyəti ilə məşğul ola bilmirlər. Belə şəxslərdən biri də, Tovuz rayonu,Qovlar şəhəri, M. Ə.Sabir küçəsi,ev-14 ünvanında yaşayan Quliyev Ədalət Məmməd oğludur ki, o, üz-üzə qaldığı problemlə bağlı ölkə mediasına, həmçinin azaz.az saytının redaksiyasına şikayət ərizəsi təqdim edib. Bu şəxs təqdim etdiyi ərizəsində yazır: “Mən 1980-cı ildə Tovuz rayonunun Qovlar şəhərində anadan olmuşam və 1999-cu ildə könüllü həqiqi hərbi xidmətə getmişəm. Həmin ilin 04 oktyabr günü Füzuli rayonundakı “N” saylı hərbi hissədə xidməti borcumu yerinə yetirərkən, qəflətən erməni işğalçı qüvvələri ilə aramızda şiddətli atışma başladı. Davam edən atışmada 10 nəfər iştirak etsək də, çox keçmədi ki, mən qolunmdan, səngərdə olan 3 nəfər döyüşçü yoldaşlarım isə, bədənlərinin müxtəlif nahiyələrindən ağır yaralandılar. Atışma zamanı səngərdə iki saat təkbaşına qalsam da, səngəri tərk etmədim. Həmin an mənə ilk kömək əlini uzadan və yaralı vəziyyətdə səngərdən çıxaran, əslən Yevlax şəhərindən olan Ruslan Orucov adlı əsgər yoldaşım oldu. Qolumdan ağır yaralandığım üçün iki litr qan itirdim və dörd gün Füzuli rayonundakı hospitalda “narkoz” altında qaldım. Elə ki, vəziyyətim günü-gündən ağırlaşdı, o halda məni Bakı şəhərinə göndərdilər və üç dəfə ağır cərrahiyyə əməliyyatı olundum.WhatsApp Image 2021 11 27 at 20.51.08 Bir müddət müalicə olunduqdan sonra mənə Komissiyanın qərarı ilə 2-ci qrup əlillik dərəcəsi verdilər və əlil olduğuma görə, bu gün də dövlətdən pensiya alıram. Aldığım pensiya ilə dolanışığımı heç cür təmin edə bilmədiyimdən, dolanışığımı müəyyən qədər yaxşılaşdırmaq üçün ötən illər Tovuz RİH-nin başçısı cənab Məmməd Məmmədova, Tovuz rayonu, Qovlar şəhər İƏD üzrə nümayəndəsi Oruc Binnətova, Qovlar şəhər bələdiyyəsinin sədrinə və digər vəzifə sahiblərinə hansısa kiçik bir köşkün verilməsi, yaxud da bir neçə kvm-lik torpaq sahəsinin ayrılması məqsədilə müraciətlər etdim. Məqsədim kiçik ticarətlə məşğul olmaq, bir sözlə yaşayışımı qismən yaxşılaşdırmaq idi. Etdiyim müraciətlərdən sonra RİH-nin başçısının verdiyi tapşırıq əsasında Qovlar şəhər bələdiyyəsinin sədri İlham Qocayevin imzası ilə təsdiq olunmuş № 15-li müqavilə sənədi ilə, 22 sentyabr 2020-ci il tarixdə Qovlar şəhər Mərkəzi Parkı ərazisində, hansı ki, bələdiyyənin mülkiyyətində olan 9 kvm torpaq sahəsini 5 il müddətinə mənə icarəyə verdilər. Düzdür, həmin ərazidə şəxsi vəsaitim hesabına kiçik köşk quraşdırdım, müəyyən təmizlik işləri həyata keçirdim və qarşıdakı boş əraziyə stol və stul düzməklə, havaların isti keçdiyi vaxtlarda oradan səyyar çayxana kimi istifadə etdim. Bir neçə gün bundan öncə Qovlar şəhər İƏD üzrə nümayəndəsi Oruc Binnətov isə, məni olmazın oyuna salıb, bir növ dolanışığımı kəsməyə çalışır. Yəni, bu şəxs çayxana kimi istifadə etdiyim köşkə bitişik yerdə fəaliyyət göstərən kafenin və aptekin kanalizasiya sularının axıdılması üçün, bu obyektlərin sahibi Qurban adlı şəxslə hansısa məxfi sövdələşməyə gedir və stol- stul düzdüyüm ərazidə kanalizasiya quyusunun qazılmasına icazə verir. Elə ki, Oruc Binnətovun qol qoyduğu qanunsuzluq əməli haqda xəbərdar oldum, o halda ona hansı əsasla belə bir addım atmalarını sual etdim. Dərhal o, “Mən bir kimsəni “priznavat” etmirəm, hansısa şəxsdən də çəkinmirəm, Vətəni müdafiə etmək üçün səni mən göndərmişdim? Əlilsən, gözüm aydın! 150 ver işi dayandırım, vermirsən dayandırmıram. Sənin əliliyini əlindən aldıracağam, get şikayətini saxta saytlara yaz ver, görüm kim mənə nə edəcək” dedi.Bir media qurumu olaraq Qovlar şəhər İƏD üzrə nümayəndəsi Oruc Binnətovun 2-ci qrup əlil Ədalət Quliyevə qarşı bəslədiyi belə bir ögey münasibət, bu gün də bizi təəccübləndirməkdədir.

 Çünki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev cənabları şəhid ailələrinin, əlillərin, müharibə veteranlarının sosial müdafiələrinin yaxşılaşdırılması yöndə, daim aiddiyatı dövlət qurumlarının rəhbər şəxslərinə lazımi tapşırıqlarını verir və bəlli münasibətini də ortaya qoyur. Bu belə olduğu halda Qovlar şəhər İƏD üzrə nümayəndəsinin ortaya qoyduğu yanaşmaya nə ad vermək olar? Axı, lazımi sənədlər təsdiq edir ki, Ədalət Quliyev hərbi xidmət dövrü qolundan güllə yarası alır, bir neçə dəfə ağır cərrahiyyə əməliyyatı olunur və sonra Komissiyanın qərarı ilə ona 2-ci qrup əlillik dərəcəsi verilir. O halda sual oluna bilər ki, hansı əsasla Oruc Binnətov hərbi hissə komandanlığının verdiyi arayışı, HHK-nın Ədalət Quliyevlə bağlı verdiyi qərarı şübhə altına alır və onu əlilliyini ləğv etdirəcəyi ilə hədələyir? Əslində Oruc Binnətov İƏD üzrə nümayəndəsi olaraq ölkə rəhbəri İlham Əliyev cənablarının verdiyi tapşırıqları əsas tutmalı və ərazidə yaşayan hər bir əlilə, o cümlədən Ədalət Quliyevə qarşı da diqqətcil olmalıdır. Bu gün Oruc Binnətov nə edir? Ölkə rəhbərinin verdiyi tapşırıqları saya salmır və ötən 22 il ərzində 2-ci qrup əlil adını daşıyan Ədalət Quliyevi “gözümçıxdıya salmaq”la məşğul olur.Digər tərəfdən, Qovlar şəhər İƏD üzrə nümayəndəsi Oruc Binnətov ölkəmizin ərazisində fəaliyyət göstərən xəbər portallarını “saxta saytlar” adlandırmaqdan da çəkinmir. Bu cür yanaşma da, məhz ortaya çoxsaylı sualların çıxmasına səbəb olur. Yəni, sual oluna bilər ki, görəsən adı çəkilən bu vəzifə sahibinin informasiya təminatında xüsusi rolu olan saytları “saxta saytlar” adlandırmasının kökündə nələr durur? Axı, Prezident İlham Əliyev “Jurnalistlər bəlkə də özləri də bilmədən mənim köməkçilərimdir” deyə yanaşmasını ortaya qoyur, Oruc Binnətov isə, ölkə rəhbərinin özünə dost hesab etdiyi şəxslərin çalışdıqları redaksiyaları saxta adlandırır.Bütün bunlar onu sübut edir ki, hələ də Qovlar şəhər İƏD üzrə nümayəndəsi Oruc Binnətov “ərköyün məmur” olaraq öz ampuluasındadır. Düşünürük ki, Tovuz RİH-nin başçısı cənab Məmməd Məmmədov tabeliyində çalışan bu şəxsin yanaşmasına, atdığı addımlarına nəzər-diqqət yetirib, ona oturduğu “kreslo” dan “dur” deməyi bacaracaq.

Yazıda adı çəkilən hər kəsin mövqeyini dinləyə bilərik. Mövzuya qayıdacağıq.

araz.az xəbər portalı.

Əvəz Həsənov dəfn edilidi - FOTO

EVEZ44Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü, Humanitar Tədqiqatlar Cəmiyyətinin sədri Əvəz Həsənov Biləcəri qəbiristanlığında dəfn olunub.

araz.az xəbər verir ki, mərhumun 7-ci mikrorayonda yerləşən evinin önündəki cənazə namazında və qəbiristanlıqdakı dəfn mərasimində mərhumun doğmaları ilə yanaşı Azərbaycan Prezidentinin köməkçisi Hikmət Hacıyev, Prezident Administrasiyasının Qeyri-hökumət təşkilatları ilə iş və kommunikasiya şöbəsinin məsul əməkdaşı Vüsal Quliyev, Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının sədri, deputat Azay Quliyev, DİN yanında İctimai Şuranın sədri Əliməmməd Nuriyev, Novella Cəfəroğlu, Mehriban Zeynalova, Səidə Qocamanlı, Dilarə Əfəndiyeva, Hafiz Həsənov, Mirəli Hüseynov, Zaur İbrahimov və başqaları iştirak ediblər.

Qeyd edək ki, 50 yaşlı Ə.Həsənov noyabrın 26-da ürəktutmadan vəfat edib.

araz.az xəbər portalı.

ƏVƏZSİZ ƏVƏZ!!!

evez hes

Yarım əsrlik adamın 50 yaşına söz ardı

Bu bir balaca dünyada, bir balaca dünyanı kiçiltsək, Azərbaycanda çox az adam var ki, əvəzsiz olsun!

Bu bir balaca dünyada, bir balaca dünyanı kiçiltsək, çox az adam var ki, ƏVƏZsiz olsun

Əvəzin ƏVƏZliyi də, elə ƏVƏZSİZliyi də bundadır.

Əvəzin ƏVƏZliyi də, elə ƏVƏZSİZliyi də bundadır ki, özü, sözü bir adamdır!

Onu tələbə yataqxanasında qaldığım günlərdən tanıyıram.

Aramızda bir az yaş fərqi, bir xeyli dünyagörüş fərqi vardı, amma bizim üçün çox dəyərli, maraqlı, öyrəniləsi adamdı.

Təvazökarlıqdan uzaq çıxmasın, mən öz üzərimdə işləyən, oxuyan, araşdıran, nəsilləri geridə qoymağa çalışan adamam, amma günü bu gün də eynilə o tələbə yataqxanasının inadkar cocuğu kimi Əvəz Həsənovdan öyrənən, öyrənməyə çalışan adamam.

Mənim bu dünyada öyrəndiyim, öyrənməyə çalışdığım nə qədər adam var?

Bəli var, sayları az deyil, amma o adamların içində Əvəz mənim üçün ƏVƏZsiz adamlardan biridir!

Niyə əvəzsizdir?- deyim Sizə!

Azərbaycanda Ermənistanı, Ermənistandakı və Ermənistandan kənardakı erməni toplumunu tanıyan, o toplumun dib axınlarından sosial şəbəkə trendlərinə qədər cikini-bikini bilən nadir insanlardan biridir.

Gerçəkdən siyasətçidir, gerçəkdən diplomatdır, gerçəkdən vətəndaş cəmiyyəti lideridir, amma gerçəkdən İNSANdır!

Çox etibarlı dostdur, çox gözəl yol yoldaşıdır, o qədər gözəl yol yoldaşıdır ki, onunla hara desən, çay içməyə getmək olar!

Bir də çox məsuliyyətlidir!

Bir gün Belarusda, Belarusun paytaxtı Minskdəyik, araya salıb bir-iki qəlyanaltı, təbii ki, o qəlyanaltıları soyuq havada, şaxtada, sazaqda nuş eləmək üçün Belarusun gözəl nemətlərindən də bir şüşə almışam.

Tam qonşu otaqda Əvəz qalır.

Zəng edirəm, götürür:

- Bəy, bir biz tərəfə təşrif buyursana!

- Hesabat yazıram!

Üzərindən on dəqiqə, on beş dəqiqə, bir saat keçir, bir də zəng edirəm, yenə qonşu otağa qonaq dəvət edirəm, əlüstü hazırlanmış süfrəyə işarə ilə, day keçib, deyəcəm, mızıldana-mızıldana gəlir və:

- Baho, bayaqdan bunu mənə demirsən?

Əslində, Əvəz o adamlardandır ki, ona söz deməyə, hətta çox söz deməyə ehtiyac yoxdur. Deyirlər ha, arifə bir işarə də bəsdir, o ariflər cərgəsindədir mənim kəlbəcərli qardaşım.

Mənim rus danışıq dilim zəifdir, zəif demək bir az abırlıdır, bərbaddır, rusca ancaq oxuduğumu və dinlədiyimi anlayıram, o üzdən bu dildə danışmağa cəhd eləmirəm, çünki bütün cinsləri bir-birinə qarışdırıram.

Yenə haradasa beynəlxalq tədbirdəyik, Azərbaycan adına danışacaq heyət rəhbəri Əvəz limitini keçib, ermənilər kirimir. Rus dilini tum kimi çırtlayan uşaqlar qalıb qıraqda, Əvəz mənə him edir ki, ver bunların payını, bu işi sən yaxşı bacararsan, söz mənə veriləndə tərcüməçiliyi öz boynuna götürür.

Nəticə?

Bütün zal ayağa qalxır, ermənilər də məcburən onlara qoşulub bizi ayaqda alqışlayır.

Bunu ona görə yada salıram ki, Əvəz “paslaşmağı” o qədər gözəl bacarır ki, qolun vurulması artıq əhəmiyyət kəsb eləmir.

Əminəm ki, Əvəzin ötürmələri ilə bu dünyada çox adam qol, hətta qaz vurub, qazan da doldurub, amma o, öz missiyasının təvazökarlığından bir addım da olsun geri çəkilməyib.

Çünki Əvəz sözün bütün mənalarında dərin adamdır, təvazökar adamdır, sol demokratik, hətta mənə qalarsa, sol mərkəzçi dəyərlərin əsl daşıyıcısıdır.

Paula Koelin məşhur bölgüsü var, o bölgüyə görə Əvəz Həsənov dağ adamıdır, dağ adamlarının bütün müsbət keyfiyyətlərini özündə əks etdirən, intellektlə, inteqrasiya ilə çağdaş dünya bilincini mənimsəmiş bir sol mərkəziyyətçidir.

Bu adamın indi yarım əsrin adamıdır, amma 50 illik ömründə mənə elə gəlir ki, əsl yerini tapmamış, daha doğrusu, haqq etdiyi mənsəbdə olmayan adamdır.

Amma öz yerində olmaması nə özünün, nə cəmiyyətin, nə də dövlətin problemi deyil, çünki bizim 70-cilər elə bir dövrə düşdü ki, hər kəs axtarışda oldu, hər kəs bir-birini axtara-axtara bir-birini görmədi.

Amma artıq axtarış bitməli, soraqlaşma bitməli, QHT və media sektorunda, lap elə bu müxalifət partiyalarında yetişən isimlərə meydan verilməlidir.

Əvəz Həsənov bu baxımdan bir yaş nəslinin ən savadlı, ən təcrübəli, ən haqqaniyyətli nümayəndəsidir.

Hətta bu şans ona verilməsə də, fərq etməz, ƏVƏZ ƏVƏZSİZ ADAMDIR!

Taleh ŞAHSUVARLI.

Əsl Vətəndaş Haqqında -- BAŞSAĞLIĞI ƏVƏZİ

WhatsApp Image 2021 11 27 at 00.21.24

Əsl Vətəndaş Əvəz Həsənovun qəfil vəfatına çox üzüldüm. Bir də ki, biz xalq olaraq, istənilən şəxsin vaxtsız ölümünə üzülüb, xoş sözlərlə yad edirik. Azərbaycanda isə, tanınmış, peşəkar... şəxslər həddindən artıq çox, Vətəndaş isə, həddindən artıq azdır. Ona görə, mənim üçün, bu, çox fərqli bir üzüntüdür. Dost olmasaq da, tez-tez görüşməsək də, Əvəzin fəaliyyəti ilə uzun illərdir ki, yaxından tanışam, çünki heç kimə, heç nəyə baxmayan, lazım bildiyini edən, cəmiyyət üçün çox faydalı işlər görən və çox nadir işıqlı insan, əməlində israrlı olan bir şəxsiyyət idi.
Təmsil olunduğu dedi-qodularla, intriqalarla bol olan dairədə öz mənliyini, səmimiliyini, peşəkarlığını, doğulduğu Kəlbəcərin təbiəti kimi saflığını qoruyan bir ziyalının vəfatı tək öz doğmaları, yaxınları üçün yox, cəmiyyət üçün ağır bir itkidir. Çox təəssüf ki, həmişə olduğu kimi, sağlığında gördüyü işlərə dəyər vermədilər, bir çox hallarda haqqında qarayaxma kampaniyası apardılar. Təbiətcə sakit, təvazökar, səbrli, mülayim təbiətli insan olan Əvəz bəy barəsində olan haqsızlıqlara heç vaxt etiraz etmədi, narazılığını bildirmədi, şəxsi problemlərini qabartmadı -- gücü hər şeyi saf olan ürəyinə sığışdırmağa çatdı!

Nə qədər çətin olsa da, bu yaşımda məndən çox-çox cavan vəfat edən Əvəzə Uca Allahdan rəhmət, ailəsinə, doğma və yaxınlarına səbr diləyirəm! Nə qədər qısa olsa da, Əvəz kimi cəmiyyətə faydalı, ailəsinə başucalığı gətirən həyat yaşamaq, 100 il mənasız yaşamaqdan şərəflidir!aslan ismayilov 101219 02

Aslan İSMAYILOV,
hüquqşünas.

Paşinyan etiraf etdi: Qarabağ Azərbaycanındır, Zəngəzur dəhlizinə əngəl olacaq gücümüz yoxdur

FotoJet 66

Ötən gün Ermənistan Baş naziri Nikol Paşinyan Zəngəzurun icra orqanlarının rəhbərləri ilə görüş keçirib.

Ermənistanın “Hraparak” qəzetinin məlumatına görə, görüş zamanı Nikol Paşinyan Qarabağla bağlı etiraflar səsləndirib.

O, Qarabağın Azərbaycanın olduğunu söyləyib və görüşdə iştirak edənlərdən də bu fikri qəbul etmələrini istəyib.

“Qarabağ Azərbaycanındır, bizi 30 il ərzində aldadıblar, məsələnin sonu da baş verənlər kimi olmalıydı”, - deyə o qeyd edib.

Görüş çərçivəsində Nikol Paşinyanın erməni ictimaiyyətində sensasiya kimi qarşılanan daha bir etirafı da diqqətdən yayınmayıb. O, faktiki olaraq Ermənistanın Zəngəzur dəhlizinin açılmasına əngəl olacaq gücdə olmadığını etiraf edib.

Nəşr qeyd edir ki, Nikol Paşinyan görüş zamanı ölkəsinin yolları bağlaya bilməyəcəyini, Azərbaycana Naxçıvana gediş-gəliş üçün yol verməyə məcbur olduğunu vurğulayıb. Çünki Azərbaycan Prezidenti İlham Əliyev bu məsələni hərb yolu ilə də həll edə bilər.

“Bizim isə buna müqavimət göstərmək üçün resurslarımız yoxdur”, - deyə N.Paşinyan bildirib.

araz.az xəbər portalı.

2 -dən səhifə 150

Əlaqəli xəbərlər