Azərbaycanlı gənc dizayner “Zəfər” adlı avtomobilin dizaynını hazırladı

Screenshot 2 19masın

Azərbaycanlı gənc dizayner Ramil Nəcəfov yeni layihə üzərində işini başa çatdırıb.

Onun budəfəki layihəsi Vətən müharibəsində qazandığımız şanlı qələbəyə həsr olunub.

Dizayner AZƏRTAC-a bildirib ki, hazırladığı avtomobil layihəsi “Zəfər” adlanır.

Avtomobilin 3d formatda dizaynını işləyən Ramil qeyd edib ki, yeni layihənin hazırlanmasında estetik və modern üslubdan, eləcə də müasir texnologiya və vizual səhnələrdən istifadə olunub:

“Qarabağımızda qazandığımız möhtəşəm qələbə məni bu işə sövq etdi. Şuşanın azad olunması, qısa müddətdə bu mədəniyyət beşiyimizə avtomobil yolunun çəkilişinə başlanması məni hədsiz sevindirdi. Ona görə də vizual səhnələrdə “Zəfər” avtomobilini Şuşaya çəkilməkdə olan avtomobil yolunda göstərməyə çalışmışam”, – deyə gənc dizayner bildirib.

Ramil Nəcəfovun sözlərinə görə, bu layihə təkmilləşdirilərək gələcəkdə yerli avtomobil sənayesinə, həmçinin dünya bazarına çıxarıla bilər. Bunun üçün investisiya lazımdır. O, bu layihəni işləməklə avtomobil istehsalı ilə məşğul olan şirkətlərin, investorların diqqətini çəkmək istəyir.

İyirmi səkkiz yaşı olan gənc dizayner bu sahə üzrə təhsilini xaricdə davam etdirmək, avtomobil istehsalçıları ilə əməkdaşlıq etmək arzusundadır.





Peyvənd insanı neçə müddət qoruyur? — “Moderna” açıqladı

peyvendd

“Moderna” şirkətinin istehsal etdiyi koronavirus peyvəndi insanda bu virusa qarşı ən az bir illiyə immunitet yaradır.

Turkustan.info-nun məlumatına görə, Novator.az saytı “Reuters” agentliyinə istinadla xəbər verir ki, peyvəndin istehsalçısı bunu yanvarın 11-də açıqlayıb.

“Moderna” (“Modified RNA”nın qısaldılmış forması) ABŞ-ın Massaçusets ştatının Kembric şəhərində yerləşən biotexnologiya şirkətidir. 2010-cu ildə təsis olunub.

Şirkət koronavirus əleyhinə vaksinin hazırlanması prosesinə 2020-ci ilin yanvarından başlayıb.

Mart ayında ABŞ-da qida məhsullarının və dərman preparatlarının keyfiyyətinə sanitar nəzarəti həyata keçirən administrasiya (FDA) “Moderna”nın koronavirus vaksini üzrə klinik sınaqlara keçməsinə icazə verib. Klinik sınaqların yüksək mərhələsi (üçüncü mərhələ) iyul ayında start götürüb.

“Moderna”nın peyvəndi ABŞ-da dövlətin klinik sınaqların üçüncü mərhələsində maliyyələşdirdiyi ilk COVİD-19 vaksini olub. Klinik tədqiqatlar zamanı “Moderna” peyvəndi ümumilikdə COVİD-19-a yoluxma hallarının və xəstəliyin ağırlaşmasının qarşısının alınmasında 95 faiz effekt verib.

Bu vaksin həm kişilərdə, həm də qadınlarda, bütün yaş qruplarında, irqi və etnik cəhətdən fərqli qruplarda, həmçinin yanaşı xəstəliyi olduğu üçün risk qrupuna aid edilən şəxslərdə effektiv nəticə göstərib.

“Moderna” vaksini mRNT əsaslıdır. Vaksin orqanizmə koronavirusun səthində yerləşən peplomerlərdən müdafiə yaratmaq üçün genetik resept olan mRNT ötürür. Peyvənd inyeksiya edildikdən sonra orqanizmdə immunitet sistemi peplomerlərə qarşı anticisimlər formalaşdırır. Peyvənd olunmuş şəxs sonradan koronavirusa məruz qaldığı zaman bu anticismlər virusa hücuma keçir.

“Moderna”nın vaksini xüsusilə virusun “birləşmə öncəsi stabilləşdirilmiş peplomer qlikoproteini” adlandırılan struktur üçün nəzərdə tutulmuş sintetik mRNT ehtiva edir.

Vaksinin tərkibində lipidlər adlanan yağlı maddələr, trometamin, trometamin hidroxlorid, sirkə turşusu, natrium asetat və saxaroza da var.

“Moderna”nın peyvəndi bir adama 28 günlük intervalla 100 mikroqram dozada iki dəfə inyeksiya edilir. İkinci dozadan sonra ən azı 14 gün ərzində peyvəndin COVİD-19-a qarşı effektivliyi 95 faiz təşkil edir.

Bu vaksin 18 yaşdan yuxarı şəxslərin istifadəsi üçün nəzərdə tutulub.

“Moderna” vaksini təxminən mənfi 20 dərəcədə, yəni məişətdə istifadə olunan adi soyuducuların yaratdığı temperaturda saxlana bilər.

Peyvənd olunan adamda ortaya çıxan əks təsirlərə inyeksiya nahiyəsində ağrı, yorğunluq, baş ağrısı, əzələ ağrısı, oynaqlarda ağrı və üşütmə daxildir. Əlavə təsir kimi limfa düyünlərində şişmə də ola bilər.

2020-ci ilin noyabrında “Moderna” şirkəti öz vaksininin kütləvi istifadəsinə icazə verilməsi üçün FDA-ya müraciət edib.

Dekabr ayında FDA “Moderna”nın vaksininə yaşıl işıq yandırıb.

Hazırda ABŞ-da, Kanadada, Böyük Britaniyada və bir sıra başqa ölkələrdə əhalinin koronavirus əleyhinə peyvəndlənməsi prosesində bu vaksindən də istifadə olunur.

“Moderna” şirkəti 2021-ci ilin sonunadək 600 milyon dozadan çox, 1 milyard dozayadək vaksin istehsal etməyi planlaşdırır. Həmin dozaların satışından şirkətin 11 milyard 700 milyon dollar qazanc əldə edəcəyi gözlənir.

“Üçüncü şəxslər görmür” – “WhatsApp”dan yeni gizlilik müqaviləsi ilə bağlı VACİB AÇIQLAMA

vatsap123

“WhatsApp” tətbiqetmənin davamlı istifadəsi üçün 8 fevral tarixinə qədər təsdiqlənməsi ilə bağlı yenilənmiş gizlilik müqaviləsi barədə açıqlama verib.

araz.az  konkret.az-a istinadən xəbər verir ki, bu barədə “Haber Global” məlumat yayıb.

Bildirilir ki, “WhatsApp” insanların tətbiqetmədən alış-veriş etməsini və müəssisələrdən dəstək almasını asanlaşdırmaq istəyir:

“Şəffaflığı daha da artırmaq və müəssisələrin “WhatsApp” vasitəsilə müştəriləri ilə ünsiyyət qurmasına kömək etmək üçün gizlilik siyasətimizi yeniləyirik. Bu sayədə müəssisələr ana şirkətimiz “Facebook” vasitəsilə etibarlı hostinq almaq imkanı qazanacaqlar.

Bu yeniləmə “WhatsApp”ın “Facebook”la məlumat paylaşmasını dəyişdirmir, insanların dünyanın harasında olursa-olsun, dostları və ya ailəsi ilə xüsusi ünsiyyət qurmalarına təsir göstərmir”.

Qeyd edilir ki, “WhatsApp”da dostlarınız və ailənizlə etdiyiniz söhbətlər və mesajlar şifrələmə ilə qorunur. Şifrələmə məlumatın yalnız sizin və söhbət etdiyiniz şəxs tərəfindən oxunub dinlənilməsini təmin edir. Üçüncü şəxslər hətta “WhatsApp” və ya “Facebook”da bu məzmuna baxa bilmir. 

Siqareti tərgitməyin asan yolu

EMCode 474b00fdbaf9a69479c8a635ac0250e7

“Əgər hər hansı bir şəxs siqareti tərgitmək istəyirsə, öncə davranış və vərdişlərinə, həmçinin ətrafdakılarla ünsiyyət formasını dəyişməlidir”.

araz.az Aktual.ge-ə istinadən xəbər verir ki, bu barədə “RT”yə Narkoloji Sağlamlıq İnstitutunun direktoru Oleq Zıkov məlumat verib. Onun sözlərinə görə, siqaretin digər asılılıqlardan heç bir fərqi yoxdur. Eyni zamanda, problem insanın yaşadığı və onu pis vərdişə təhrik edən həyat tərzindədir.

Direktor bildirib ki, insanın siqaret çəkmək istəyinin fizioloji ehtiyacla və ya sosial davranışla əlaqəli olub-olmadığını analiz etmək lazımdır: “Bu əlaqələr pozulmalıdır. Hər şeydən əvvəl, nikotin istifadə etməyə təhrik edən situasiyalardan uzaq durun. Yalnız bundan sonra bu düşünülmüş proses insanın siqareti atmasına kömək edəcək”. Mütəxəssis eyni zamanda elektron siqaretlərin əleyhinə olduğunu da qeyd edib.

Liftlərə niyə güzgü yerləşdirilir? - Bilmədiyiniz 12 fakt

photo 119773

araz.az Publika.az-a istinadən əvvəllər eşitmədiyiniz və ya öyrənəndə təəccüblənəcəyiniz bir-birindən maraqlı məlumatları sizlərlə bölüşür.

1.) Bütün yeni doğulmuş körpələr irqindən asılı olmayaraq, 440 hz (hertz) səs gücündə ağlayır.

2.) Dünyada 4300 fərqli din mövcuddur.

3.) Ən parlaq obyekt olan Ayın işığının bizə çatması 1,3 saniyə çəkir.

4.) Fillərin rəngi əslində boz deyil. Tam olaraq qırmızı, torpaq rəngidir. Boz görünmələrinin səbəbi vaxt keçirməyi sevdikləri palçıqlı sulardan çıxdıqdan sonra həmin suyun üzərlərində qurumasıdır.

5.) Kapitan piratların taxdıqları tək göz bantının məqsədi qaranlığa alışma müddətini yox etməkdir.

6.) Santa klausun paltarı əslində yaşıldır. Ancaq bir "Kola" markası bunu dünyaya qırmızı və ağ rəngdə təqdim edib.
7.) Göytürklər qatığın turşuluğunu azaltmaq üçün üzərinə su tökəndə təsadüfən ayranı kəşf edib.
8.) İnsan saçı üç kilo ağırlıq qaldıra biləcək elastiklik gücdədir.

9.) Ölüm anında toxunma və görmə hissindən sonra eşitmə bacarığı itirilir. Ürək dayandıqdan sonra 2 dəqiqə ərzində səslər qəbul edilə bilir.

10.) İnsan yuxuda olarkən, qoxu alma qabiliyyətindən müvəqqəti məhrum olur. Ən bərbad qoxunu belə burnunuza yaxınlaşdırsalar, bu, sizin yuxunuza mane olmayacaq.

11.) Bobi Leç Niaqara şəlaləsindən bir silindr içində tullanan ilk insan olub və sağ qalıb. Amma sonradan bir portağal qabığını tapdalayaraq yıxılıb və daxili qanaxmadan dünyasını dəyişib.

12.) Liftlərə yerləşdirilən güzgülər qalstukunuzu və ya saçınızı düzləltmək üçün nəzərdə tutulmayıb. Qapı açılanda liftin yerində olduğunu bilməyiniz üçündür. 

“WhatsApp” yeni ildən bu smartfonlarda işləməyəcək

whatsapp

“WhatsApp” 1 yanvar 2021-ci ildən etibarən köhnə smartfonlarda işləməyəcək.

araz.az  konkret.az-a istinadən bildirir ki, bu barədə “Mirror” nəşri yazıb.

Mesencer əməliyyat sistemini iOS 9 və ya Android 4.0.3-ə qədər yeniləməyən istifadəçilərin cihazlarında çalışmayacaq. Bu, ilk növbədə iPhone 4 və daha əvvəlki modellərə aiddir.

WhatsApp”ın iPhone 4S, iPhone 5, iPhone 5S, iPhone 5C, iPhone 6 və iPhone 6S-də yenidən işləməsi üçün isə proqram təminatını iOS 9-dək yeniləmək lazımdır. Bundan başqa, mühüm məlumatları itirməmək üçün yazışmaların nüsxəsini çıxarmaq məsləhətdir. 

Xiaomi dünyanın üçüncü ən böyük smartfon istehsalçısı oldu

894746SsS

Xiaomi üç əsas bazar məlumat təminatçısı Canalys, IDC və Counterpoint Research-ə görə, 2020-ci ilin iyul, avqust və sentyabr ayları üzrə üçüncü ən böyük smartfon istehsalçısı oldu.

araz.az ted.az-a istinadən bildirir ki, Xiaomi üçüncü rübdə 46,5 milyon cihaz satıb. Şirkətin bu mövqeyi tutmasında Hindistandakı əhəmiyyətli qazanclar və üçüncü rübdə ümumi satış həcminin 53%-ni təşkil edən Çin mərkəzidir.

Counterpoint Market Monitor Service-in son araşdırmasına görə, Xiaomi bazar payını əvvəlki rüblə müqayisədə 75% artıraraq, ümumi göstəricidə 13%-ə yüksəldib.

Xüsusilə Xiaomi-nin Redmi 9 seriyasının giriş səviyyəli cihazları, həm Hindistan, həm də Çində yaxşı performans göstərib.

araz.az

1 -dən səhifə 41

Əlaqəli xəbərlər