"Belə tərbiyəsizlərın layiqli cəzalarını almalarının tərəfdarıyam. Əminəm ki, bu mütləq olacaq və onlar tezliklə qanun qarşısında cavab verəcəklər!" -- ASİF SAVALANOV

IMG 20220823 032810 183Milli Məclisin sədr müavini Adil Əliyevə dəstək verən iş adamı da, ona qarşı olanın, onu təhqir edənin layiqli cavabını verdi

          "Yəqin siz də yaxşı bilir və hər addımda buna şahidlik edirsiniz ki, son vaxtlar sosial şəbəkələr bizim üçün bəla dolu bir problemə çevrilib. Hətta “Facebook”, “Youtube”, "Tik-tok",.. kimi nüfuzlu və böyük platformalarda belə xaosun, anarxiyanın hökm sürdüyünü, əsl biabırçılığın olduğunu danmaq mümkün deyil. Ən dəhşətlisi odur ki, doğma Azərbaycanımızı sevən, xalqımızın mənafeyi naminə əllərindən gələni edən, yüksək nüfuz, hörmət-rəğbət sahibi kimi özlərini tanıdan ləyaqətli Vətən övladları belə sosial şəbəkələrdə hədəfə alınır, yeri gəldi-gəlmədi aşağılanır, təhqir olunurlar. Özlərinə bu şəbəkələrdə yer edənlər, konkret desək, söyüşçül bir kütlədə birləşənlər hədlərini o qədər aşıblar ki, hətta tanınmış ziyalıların, ağsaqqal-ağbirçəklərin məsləhətləri belə onlar üçün heç nəyə çevrilib.
          Avropada bloger kimi məskunlaşan həmyerlilərimizin bu yöndən etdikləri iyrəncliklər göz qabağındadır və dediklərimizin daha bir sübutudur. Onlar, sanki öz xalqımızı öz Vətənimiz əleyhinə qaldırmağa kökləniblər və bunun üçün, hətta ağızlarına gələni deməkdən, ardı-arası kəsilməz iyrəncliklər törətməkdən belə utanıb, çəkinmirlər. Bütün bunlarla bağlı, mövcud hakimiyyət səviyyəsində çoxdan ciddi təcili tədbirlər görülməliydi, daha doğrusu, bu vacib idi. Əks halda, tutulan bu yolun sonunun heç də yaxşı görünmədiyni hamı yaxşı bilirdi. Buna baxmayaraq, vacib olan heç nə edilmədi.  Elə, buna görə də, bu adamlar bütün milli dəyərləri tapdalayıb, hər şeyə tüpürürlər", -- deyə, bu ciddi məsələdən doğan hədsiz etirazını, araz.az-ın əməkdaşları olaraq, bizimlə görüşündə, tanınmış iş adamı Asif Savalanov da ortaya qoydu.
       Bizimlə söhbət zamanı, o, bu ciddi məsələyə media vasitəsi ilə çoxdan münasibət bildirmək istəyində olduğunu açıqladı. Lakin dünyanın bəlasına çevrilən COVİD-19  pandemiyasının ölkəmizə bütün sahələrdə hərtərəfli vurduğu ciddi ziyanın onun biznesindən də yan keçməyən fəsadlarının yaratdığı ortadakı problemlərinin aradan qaldırılması ilə məşğul olduğu üçün, buna vaxt imkanı tapmadığını bildirdi. Onu da xüsusi olaraq vurğuladı ki, Milli Məclisin sədr müavini Adil Əliyev təhqir olunandan sonra isə, buna dözməyib. Çünki onu yaxından tanıdığından, millət vəkili, vitse-spiker olanda, atdığı humanist addımlarına və nəcib əməllərinə, Vətənin mənafeyi naminə gördüyü böyük işlərə hər vaxt şahidlik etdiyindən, onun haqqında yalandan deyilənlərə heç cür haqq qazandıra və dözə bilməyib. 
         "Mən iş adamıyam və öz ölkəmdə istədiyimi əldə edə bilirəm. Öz işimdə nail olduqlarıma görə Ulu Öndərimizə və onun layiqli varisi, möhtərəm Prezidentimiz İlham Əliyev cənablarına minnətdaram. Xüsusi olan bu minnətdarlıq həm də ona görədir ki, onların rəhbərlik etdikləri gözəl dövlətimiz var! Böyük Allaha, Ulu Tanrıya min şükürlər ki, ən azından üstümüzə bombalar yağmır, Qarabağımızı uzun zaman əsarətində saxlayan qəddar düşmən belə artıq öz layiqli payını alıb.
          Bütün bunlara baxmayaraq, sosial şəbəkələrdə söyüşçül bir kütlə formalaşıb. Bu söyüşçül kütlədə birləşənlər hədlərini o qədər aşıblar ki, hətta qüsursuz işləyən nazir və məmurlarımızı belə hədəfə alırlar. Ən acınacaqlısı odur ki, vəzifə sahiblərini qanunlarımızın tələbələri çərçivəsində nədə suçladıqları belə sonadək məlum olmur. Bir sözlə, nazir, məmur, deputat, ziyalı... demədən hər kəsi təhqir edib, aşağılayırlar. Bunu edənlərin, demək olar ki, əksəriyyəti təhsilsiz, işsiz, cahil insanlardır. Bir çoxu Avropada məskunlaşan bu blogerlər, sanki kimlərinsə göstərişləri ilə, xalqı hökumət əleyhinə qaldırmaq istəyirlər. Qəti şəkildə bir daha deyirəm ki, bununla bağlı dövlət səviyyəsində vaxtında təcili tədbirlər görülməliydi. Əks halda, bu yolun sonunun heç də yaxşı olmayacağı və belə bir iyrəncliyin hər kəsin qarşısına çıxa biləcəyi çoxdan açıq-aydın görünürdü.
        Elə, Adil Əliyev də, sosial şəbəkələrdə şər, böhtan, şantaj və yalanlarla belə təhqir olunanlardan biri oldu. Dövlətin məmur postundakı yüksək vəzifə sahibləri olan layiqli Vətən övladları kimi, onun da əleyhinə yalan materiallar paylaşıldı. Cəmiyyət də bunu, ona qarşı olanlar tərəfindən düşünülmüş yaxşı bir metod kimi qəbul etmədi. Ən azından ona görə ki, ictimaiyyət arasında Adil Əliyevi, mənim kimi, Vətənin layiqli övladı olaraq qəbul edənlər çoxluq təşkil edir. Və mənim kimi, əksəriyyət də belə hesab edir ki, sanki bununla, həm də bizim hamımız təhqir olunuruq. Məhz bu səbəbdən, hər yerdə qəti şəkildə onu deyirik ki, belə əxlaqsıza güc verənlərin özləri də əxlaqsızdır! Və onlar da, bununla öz tərbiyələrini göstərirlər.
         Bu yerdə, Adil Əliyevin özünün mediaya açıqlamasındakı bəzi məqamları xüsusi vurğulamaqla, ortaya qoymaq kifayətdir: "Mən deputat olanda anamı, vitse-spiker olandan sonra isə, həyat yoldaşımı təhqir edirlər. Həyat yoldaşımı dostumla bir yataqda tutduğumu deyirlər... Bir sözlə, sosial şəbəkələrdə xaos, anarxiya hökm sürür.  Dostlarımdan, qohumlarımdan xahiş edirəm, mənim haqqımda videolar yayılanda izləmsinlər...  
      ...Nankor olmaq lazım deyil. Biz il boyu qanun layihələri hazırlayıb, gecə-gündüz demədən xalq üçün çalışırıq. Bu söyüşçüllərin bir məqsədi var: Parlamentin işinə xələl gətirmək! Vəssalam!..
      ...Xaricdə məskunlaşan, eyni zamanda xüsusi kəşfiyyat orqanlarının, mənfur, məlum istiqamətləndiricilərin əlində alət olan “söyüş müxalifəti” yenə öz ampluasındadır. Dayanmırlar, usanmırlar, günü-gündən daha da azğınlaşırlar, kəskinləşirlər, dezinformasiya siyasətlərini şaxələndirirlər, yuxuda gördüklərini həqiqət kimi ictimai rəyə sırımağa, insanlar arasında fikir ayrılığı yaratmağa çalışırlar. Amma məqsədlərinə nail ola bilirlərmi? Arzuladıqları alınırmı? Alınmır!! Mənim üçün onların sözləri murdar küçə itlərinin aciz hürüşü kimi bir şeydir. Çünki namərdlik, aşağılıq, ikiüzlülük, satqınlıq, nankorluq bunların alınlarına yazılıb. Hətta ara-sıra mədəni cümlə qurmaq istəyənlərin də maskası qısa müddət ərzində tezcə cırılır, əsl sima peyda olur, gerçək üzə çıxır. Gerçək də odur ki, bu yaramazlara, anaları evdə nə öyrədib, bunlar da cəmiyyət içində onu danışırlar...
       ...Plintus hündürlüyündə belə olmayan həmin vətən xainləri, təbii ki, müəyyən arxayınlıq, isti qucaq, böyük paralar müqabilində belə davranırlar. Heç şübhəsiz, onları danışdıran səbəb də xalq və millət sevgisi deyil. Onları danışdıran səbəb “verbovka” olduqları zaman üzərlərinə götürdükləri öhdəliklərdir, özlərini xarici hərraclarda 5 qəpik qiymətinə satışa çıxarmalarıdır, yarımçıqlıq, natamamlıq kompleksidir, Azərbaycanı sevməyən qüvvələrin əlində əsir-yesir qalmalarıdır. Hə, bir də “5-ci kolon”un yaramaz ünsürlərindən aldıqları əlavə güc və stimuldur! “5-ci kolon” mövzusunu isə, təsadüfən açmadım. Çünki hakimiyyətdəki postundan əlləri əsə-əsə, gövdələri səndələyə-səndələyə gedənlər hələ də qara ambisiyalarının ardınca sürünməkdədirlər. İməkləyə-iməkləyə qalıblar. Gedib evdə nəvələri, nəticələri ilə oynamaq əvəzinə, siyasətdə mənfur oyunlarına davam etdirirlər. Hikkələrini soyuda bilmirlər. İlana zəhər verən kərtənkələ obrazlarından əl çəkmirlər. Həmin haqqında danışdığım “söyüş müxalifəti” ilə əlbirlik nümayiş etdirirlər, dövlətin sütunlarını zədələməyə çalışırlar, bütün ləyaqətli insanlara qarşı cəbhə açırlar. Belələrinə qarşı susqun qalmaq olmaz. Hədəfə alınsaq da, yüz cür psixoloji təqiblərlə üzbəüz qalsaq da, videolarda, yazılarda, bloqlarda, statuslarda təhqir olunsaq da, yenə susqun qalmaz olmaz. Bir addım belə geri çəkilməməliyik. Bizi mənəvi aşınmaya məruz qoymaq istəyənlərin cavabını özümüzə, adımıza layiq şəkildə, peşəkarcasına, müdrikcəsinə verməliyik. Problem o zaman olar ki, həmin siyasi mürdəşirlər, namərdlər bizi tərifləsinlər, haqqımızda xoş söz söyləsinlər. Tənqid edirlərsə, üzərimizə gəlirlərsə, deməli, düz yoldayıq, dövlətin yanındayıq, alnımız açıq və vicdanımız təmizdir. Məncə, Azərbaycan məhkəmələri səsli-küylü proseslərə indidən hazırlaşsınlar. Çünki xaricdəki vətən xainlərinin “5-ci kolon”un aparıcı üzvləri ilə bərabər ədalət mühakiməsi qarşısında dayanacaqları gün uzaqda deyil”.
      Doğrudan da, hər şey Adil Əliyevin bu açıqlamasındakı kimidir. Ölkəmizi müxtəlif təxribatlara çəkmək üçün, ayrı-ayrı siyasi mərkəzlərdən ciddi göstərişlər var. Onların çoxu çalışır ki, bizi öz tərəflərində, öz səngərlərində görsünlər". 
        Söhbətimizin bu yerində, iş adamı açıqlamasına onu da əlavə etdi ki, bu millətin övladı olaraq, o, belə biabırçılıqlara heç vaxt dözə bilməyib: "Bir iş adamı olaraq, uzun müddətdir ki, gecə-gündüz olan bütün çalışmalarım, hər hansı bir cinayətə, korrupsiyaya yuvarlanmadan, şəffaflıqla bu millətin mənafeyi istiqamətində olub. Bunu ona görə deyirəm ki, bu ciddi məsələ ilə bağlı söylədiyim fikirlərimə görə, məni də, harasa bağlamasınlar. Vicdan çərçivəsində bu mövqedən fikir söyləyirəm. Kimisə harasa bağlamaqdansa, yüzlərlə müsbət reaksiyaları önə çəkmək lazımdır. 
        Bu ciddi məsələdir və bununla bağlı Adil Əliyevin özünün də dedikləri ilə tam razıyam. Onlar bütün məqbul sərhədləri keçiblər. Bu danılmaz bir həqiqətdir ki, artıq, güzəşt yeri də qalmayıb. Hərəkətləri heç bir çərçivəyə -- nə müxalifətçiliyə, nə tənqidə, nə də insanlığa sığır. Onların -- ölkəmizə düşmən ölkələr agenturalarının ayrı-ayrı təmsilçilərinin, yaxud bir neçə nəfər cahilin təhqirinə, elə təhqir ortaya atılan anında yüzlərlə, minlərlə insan, çox vaxt Azərbaycan xalqı cavab verir. Hesab edirəm, bu cavablar kifayət deyil. Təhqir etməklə, tərbiyələrini göstərənlər mütləq öz layiqli cəzalarını almalıdırlar. Mən də, Adil Əliyevin dediyi kimi, bütün hüquqi vasitələrdən istifadə etməklə, onların məhkəmə qarşısında cavab vermələrinin tərəfdarıyam".
         Bizimlə söhbətinin sonunda Asif Savalanov onu da qeyd etdi ki, bir vaxtlar Heydər Əliyevin və İlham Əliyevin seçki kampaniyalarında yaxından iştirak etdiyinə görə, o da belələrinin, onlara qulluq edən media vasitələrinin yersiz təzyiq yazıları ilə üzləşib. Lakin buna fikir verməyib və hər yerdə səbr və öz əqidəsinə sadiqlik nümayiş etdirib. Elə, Adil Əliyevə də, səbrli və güclü olmağı arzu edib: "Xaricdə məskunlaşan, eyni zamanda, xüsusi kəşfiyyat orqanlarının, mənfur düşmən obrazlı məlum istiqamətləndiricilərin əlində alət olan “söyüş müxalifəti” yenə öz ampluasındadır. Dayanmırlar, susmurlar, etdiklərindən usanmırlar, getdikcə daha da azğınlaşırlar, kəskinləşirlər. Çünki namərdlik, aşağılıq, ikiüzlülük, satqınlıq, nankorluq bunların alınlarına yazılıb. Elə, insanlığa yaraşmayan, vicdan çərçivəsinə sığmayan bu xüsusiyyətlərinə görədir ki, bu yaramazlar, cəmiyyət içində də, onların beyinlərinə sırıdılan yalanları danışırlar.IMG 20220823 033014 026
         Məhz bunlara görə, məsləhət görürəm ki, "aclıqdan ağızları qoxub, ilənənlərin" yersiz rəylərinə fikir verməsin Adil müəllim! Ataların bir misalı var: "İt hürər, karvan keçər"! Fikir verməsin bunlara, hürüb-hürüb susacaqlar! Bir də ki, bu dünyada hərənin öz missiyası var. Yalana, şərə, böhtana, iftiraya, təxribat xarakterli çıxışlara qarşı dayanmaq da, xüsusi bir missiyadır!”.

Malik MİRZƏ,
Rüfət RƏHMANOĞLU,
araz.az xəbər portalının xüsusi müxbirləri.

Peşə Bayramınız Mübarək, Dəyərli Həmkarlar! -- BAYRAM TƏBRİKİMİZ

 

 

 

WhatsApp Image 2021 07 22 at 00.09.35 1kode3

Azərbaycanda ilk mətbu orqanın -- əsası Həsən bəy Zərdabi tərəfindən qoyulan "Əkinçi" qəzetinin nəşrə başladığı 22 iyul, hər il ölkəmizdə Milli Mətbuat Günü kimi qeyd olunur. Doğma Vətəndə mətbu orqanın əsasının qoyulduğu bu tarix biz jurnalistlər üçün əlamətdardır. Çünki "Əkinçi"nin 1875-ci ilin iyul ayının 22-dən, 1877-ci ilin sentyabrınadək çap olunmasına baxmayaraq, onun Azərbaycan milli mətbuatının təşəkkül tapmasında və inkişafında əvəzsiz rolu olub. Əsasən maarifçilik missiyasını üzərinə götürən "Əkinçi", az müddət ərzində həm ziyalı təbəqə, həm də sadə insanlar arasında çox məşhurlaşıb. Konkret desək, "Əkinçi"ylə doğan mətbu ənənələr indiyədək Azərbaycanda mətbuatın inkişafına ciddi təkanlar verib. Ötən illər ərzində bütün media nümayəndələri jurnalistikamızın banisi Həsən bəy Zərdabinin əsasını qoyduğu təməl ideyalara daim sadiq qalaraq, onun yolunu ləyaqətlə davam etdiriblər. Bir sözlə, 147 illik tarixi ərzində çətin və şərəfli yol keçən, ağır sınaqlarla üzləşərək, bu günə gəlib çatan milli mətbuatımız, daim cəmiyyətin proseslərə baxışını əks etdirən güzgü rolunu oynayıb. Elə, buna görə də, ölkəmizdə bu əlamətdar tarixin qeyd olunması artıq bir ənənəyə çevrilib. Həm də ona görə ki, dəyərli jurnalist həmkarlarımızın daim yüksək qiymətləndirilən və təqdir edilən ölkəmizin sosial-iqtisadi cəhətdən qüdrətlənməsi yolundakı, davamlı inkişafin təmin edilməsi sahəsindəki xidmətləri əvəzsiz olub. Bunlar isə, mətbuatın bütün nümayəndələri üçün, daim fərəhləndirici olub. Bu fərəhi bizə bəxş edən jurnalist həmkarlarımızı bu əziz bayramları -- Milli Mətbuat Günü münasibətilə səmimi qəlbdən təbrik edir, ölkəmizin hər sahədə qüdrətlənməsi yolunda, bundan sonra da, uğurlu fəaliyyət göstərmələrini arzulayır, onların hər birinə
"Qələminiz daha iti, yaradıcılığınız daha uğurlu olsun!" istəyimizi çatdırırıq!

Dərin hörmət və səmimi duyğularla,

"Araz" Qəzetlər Qrupunun və araz.az xəbər portalının əməkdaşları adından:

Hüseyn ƏZİZOĞLU, təsisçi və Baş redaktor.

"Araz" Qəzetlər Qrupunun və araz.az xəbər portalı kollektivinin öz oxucularına və ölkə vətəndaşlarına QURBAN BAYRAMI TƏBRİKİ

WhatsApp Image 2022 07 09 at 00.38.50

Uca Yaradanın bəşəriyyət üçün hidayət yolu seçdiyi İslamın əsas bayramı --Müqəddəs Qurban Bayramı münasibəti ilə, "Araz" Qəzetlər Qrupunun və araz.az xəbər portalının kollektivi adından, bu media orqanının dəyərli oxucularına və bütün Azərbaycan xalqına bayram təbriki ünvanlanıb. Dərin hörmət ifadələri ilə və səmimi duyğularla zəngin həmin təbrik bu sözlərlə başlayır: 

"Dəyərli Vətən övladları, əziz oxucular və dostlar! Dünya müsəlmanlarının mənəvi birliklərinin, həmrəyliklərinin və qardaşlıqlarının rəmzi olaraq tarixdə əbədiləşən, yüksək bəşəri amalları və ilahi mərhəməti özündə ehtiva edən Müqəddəs Qurban Bayramı münasibəti ilə, doğma və yaxınlarınızla bərabər, hər birinizə ürəkdən gələn ən səmimi təbriklərimizi, ən xoş arzu və diləklərimizi çatdırırıq. Ulu Tanrı mərhəmətinin böyüklü-kiçikli heç birinizin üstündən əskik olmaması diləyiylə:

"Müqəddəs Qurban Bayramınız mübarək olsun!" -- deyirik".

Bundan sonra təbrikin mətnində Qurban Bayramının əsas mahiyyəti açıqlanıb, onun müqəddəslik səbəbləri xüsusi vurğulanıb: "Böyük Allah yolunda hər cür fədakarlığa hazırlığın, mənəvi kamilliyin, sarsılmaz vəhdətin rəmzi kimi əbədiləşən bu Müqəddəs Bayram, doğrudan da, İslam dininin mənəvi-əxlaqi qurtuluş yolu olaraq bəşəriyyətə göndərilməsini özündə xüsusi təcəssüm etdirir. Təşəkkül tapdığı gündən, həm də insanları mərhəmətə və mehribançılığa dəvət edərək, cəmiyyətdə milli-mənəvi həmrəyliyin, xeyirxah əməllərin, şəfqət və mərhəmət duyğularının təntənəsinə çevrilib".

Bu Mübarək Bayram münasibəti ilə, arzu və istəklərini xalqımızın hər bir vətəndaşına, dəyərli oxucularına ürəkdən çatdırmağa çalışan təbrik müəllifləri, daha sonra qeyd ediblər:

"Qurban Bayramı günlərində dünyanın müsəlman övladları haqq yolunda, nəcib amallar uğrunda hər cür fədakarlığa hazır olduqlarını nümayiş etdirib, Ulu Yaradana daha yaxınlığın sevincini yaşayıblar. Çünki tarix boyu bəşər mədəniyyətinin möhtəşəm mərhələsini təşkil edən İslam sivilizasiyası ayrı-ayrı xalqların da dünyagörüşünün formalaşmasında və milli-mədəni inkişafında müstəsna rol oynayıb. Elə, buna görədir ki, mütərəqqi İslamın adət-ənənələrini və mənəvi-əxlaqi dəyərlərini Azərbaycan xalqı da, hər zaman uca tutub. Bunun məntiqi nəticəsi olaraq, Azərbaycan, İslam dünyasının tarixi-mədəni mərkəzlərindən biri kimi formalaşıb, dünya mədəniyyətinə və elmi-fəlsəfi fikrinin inkişafına misilsiz töhfələr bəxş edib. Üstəlik, Azərbaycan xalqının qəhrəman övladları doğma Vətənin müstəqilliyi və ərazi bütövlüyü uğrunda da canlarından keçməyə hazır olduqlarını bütün dünyaya nümayiş etdiriblər. Bunun ən bariz nümunəsi, 44 günlük möhtəşəm Vətən Müharibəsində əldə olunan Böyük Qələbə ilə də ortaya qoyulub. Məhz buna görədir ki, Azərbaycan xalqının şəhid qəhrəman övladlarının nurlu xatirəsini bu Mübarək Bayram günlərində daha dərin ehtiramla yad edib, şərəfli adlarını heç zaman unutmayacağımızı, onların ailələrini, eləcə də qəhrəman qazilərimizi daimi diqqətimizdə saxlayacağımızı bir daha bəyan edirik".

Müəllifləri, Mübarək Qurban Bayramı təbriklərinin sonunda, hər bir Azərbaycan vətəndaşına, araz.az-ın dəyərli oxucularına dünya müsəlmanlarının bu əziz günlərində Böyük Allaha yaxınlığın fərəhini yaşamaq fürsəti əldə etməyi, ölkəmizin rifahı və firavanlığı üçün etdikləri dualarının, torpaqlarımızın işğaldan azad olunmasının doğurduğu Qələbə ovqatının və Böyük Allaha şükranlıq hissi ilə kəsdikləri qurbanlarının cəmiyyətimizdə milli-mənəvi həmrəylik ruhunu daha da gücləndirməsini, xeyirxah əməllərin, şəfqət və mərhəmət duyğularının təntənəsinə çevrilməsini səmimi qəlbdən gələn bu duyğular ifadəsiylə bir daha arzulayıblar: WhatsApp Image 2022 07 09 at 00.32.04

"Bu nurlu bayram günlərində Böyük Allah adına kəsdiyiniz qurbanlarınızın, gördüyünüz xeyirxah işlərinizin, dövlətimizin tərəqqisi və xalqımızın əmin-amanlığı naminə etdiyiniz dualarınızın, ülvi arzularınızın, pak niyyətlərinizin Ulu Tanrı dərgahında qəbulu və çin olması diləyiylə, Uca Yaradandan hamınıza möhkəm cansağlığı, ailələrinizə xoşbəxtlik və əmin-amanlıq, süfrənizə bol ruzi-bərəkət də arzulayırıq!".

araz.az xəbər portalı.

"MAGNA TRANS”da iki ildir şəriklər arasında gedən qalmaqal, bu MMC-ni tam müflisləşdirmə həddinə çatdırıb -- İTTİHAM

4fb3335a 1ed1 48a5 8401 c9fbb147ea83

Şərikləri tərəfindən payına “göz dikilən" və qurduğu biznesi pis günə düşən Qarabağ Müharibəsi qazisi nə edəcəyini bilmir

Dəyərli oxucularımıza təqdim etdiyimiz araz.az-ın bu yazısı da, linkləri bunlar olan ( http://araz.az/index.php/zhuend-m/20915-mazhna-trans-in-s-rik-s-hmdarlari-arasinda-galmagal-h-d-fd-lil-garabazh-muharib-si-gazisidir-i-tti-ham), (http://araz.az/index.php/dizh-r/saenin-statusun/23-redaktorun-secimi/21065-mazhna-trans-in-iki-gohum-s-hmdarinin-s-rikl-ri-leyhin-tor-tdikl-ri-b-d-m-ll-r-idztimai-ginazha-tus-zh-lir-i-tti-ham) ötən iki yazısının davamıdır və ölkə iqtisadiyyatının sürətli inkişafına nail olmaq üçün, ana xəttdəki ciddi islahatların yüksək səviyyədə həyata keçirilməsi qarşısında illərdi keçilməz əngələ çevrilən və tez-tez rastlaşılan, vergi və büdcə daxilolmalarının artırılmasında önəmli rola malik biznes qurumlarındakı səhm sahibi şərik iş adamları arasındakı səs-küylü qalmaqallardan biri barəsindədir. Ölkə iqtisadiyyatının əsasını təşkil edən biznes sahəsinə aid mühitdə indiyədək qalmaqda davam edən bu xoşagəlməz halın nə demək olduğunu bilmək üçün, elə, bu qalmaqalın doğurduğu dəhşətləri tam çılpaqlığı ilə açıb göstərən bu yazıları oxumaq kifayətdir. Yeri gəlmişkən, bir daha qeyd edirik ki, doğrudan da, biznes şərikləri arasında tez-tez baş verən səs-küylü belə qalmaqallar da, günü bu günədək bir çox problemlər məngənəsindən çıxa bilməyən dövlət iqtisadiyyatının daha bir bəlasına çevrilib. Ölkənin özəl sektorunun biznes mühitində məhz bu neqativ halın indiyədək qalmasına görədir ki, iqtisadiyyatın sürətli inkişafının təmin olunmasında önəmli rola malik vergi və büdcə daxilolmalarının artırılmasından yayınma və qeyri-şəffaflıq halları indiyədək hökm sürməkdədir və belə gedişlə, elə, belə də qalacaq.

Mövcud qanunlarımızın aliliyinə tabe olmayan, qazandıqları böyük pullara rəğmən, dövlətə cüzi miqdarda vergi ödəyən özəl sektorlardakı belə qurumların reallıqda böyük vəzifələrdə çalışan, geniş əlaqələrə malik məmurlara və yaxud onlarla yaxın ayrı-ayrı iş adamlarına aid olması faktı danılmazdır. Məhz bu səbəbdəndir ki, saysız-hesabsız belə neqativ halları biznes mühitində qalmaqda davam edən özəl sektorlardan ciddi özbaşınalıq, talançılıq, saxtakarlıq və maxinasiya halları hələ də yığışdırılmayıb, hətta getdikcə artmaqda davam edir. Belə qalmaqallı biznes qurumlarından biri də, uzun illər Azərbaycanın Baş prokuroru vəzifəsində çalışan Zakir Qaralovun kölgəsinə sığınaraq, "AKKORD” şirkətinə də, icraçı direktor kimi uzun illər rəhbərlik etmiş Bürhan Həmidovun həmtəsisçisi olduğu "MAGNA TRANS” MMC-dir.

Ötən yazılarımızda da qeyd etdiyimiz kimi, belə bir xoşagəlməz problemlə üzləşən bu MMC-nin 3 nəfər həmtəsisçisinin və səhmdarlarından birinin Əfqanıstan Müharibəsi veteranı, Qarabağ Müharibəsi qazisi, III qrup müharibə əlili Ağasəf İsmayılovun olması hədsiz təəssüf doğursa da, bu, bu qalmaqalın yaranmasında günahkar olan digər iki şərikinin -- yeznə-qayın yaxın qohum Bürhan Həmidovla Namiq Hacıyevin heç veclərinə də deyil. Dəhşət ondadır ki, hələ əvvələr bu 3 nəfərin çox yaxın olmaları faktı da, günü bu günədək, əsl günahkarlar üçün utanc verəcək bir amilə çevrilməyib. Ümumiyyətlə, aralarındakı əvvəlki xoş və səmimi münasibətlərə görə, bu özəl qurumun yaradılmasının əsas təşəbbüsçüsü, işinin yüksək səviyyədə qurulmasında böyük rolu və əməyi olan Ağasəf İsmayılovun bərabər paylarda şərik olduğu “MAGNA TRANS” MMC-nin digər həmtəsisçilərinə və səhm sahiblərinə -- Bürhan Həmidovla Namiq Hacıyevə inam və etibarı güclü olub. Məhz buna görə də, hər bir işə rəhbərliyi, faktiki olaraq, Bürhan Həmidovun həyata keçirməsinə əvvəllər heç vaxt etirazını bildirməyib. Qohum pul hərisi şəriklər isə, bundan sui-istifadə etməklə, ona vicdan, milli adət-ənənələr və mövcud qanunlarımız çərçivələrinə sığmayan sarsıdıcı maddi-mənəvi zərbələr vurmaqdan heç vaxt çəkinməyiblər.WhatsApp Image 2022 07 07 at 16.22.41

Etibarlı mənbə məlumatlarından və bizim də apardığımız araşdırmalar nəticəsində üzə çıxardığımız həqiqət və reallıqlar da sübut edir ki, yeganə fəaliyyət növü şəhərlərarası və şəhərdaxili avtobuslarla sərnişin daşınması olan bu MMC, doğrudan da, Ağasəf İsmayılovun təşəbbüsü və həmtəsisçiliyi ilə, özünün yüksək məbləğdə -- milyonlarla manata yaxın halal pulu müqabilində qoyduğu səhmlə qurulub, bilavasitə onun iştirakıyla müvafiq marşrutlar, maddi-texniki bazası hesab edilən müxtəlif markalı bahalı avtobuslar alınıb. Hətta “MAGNA TRANS”ın 2010-cu ildən başlayan fəaliyyətinin yüksək səviyyədə formalaşmasında da, rentabelli bir özəl müəssisəyə çevrilməsində də, daha çox əziyyəti Ağasəf İsmayılov çəkib. Amma nə olsun!..

2020-ci ilin əvvəllərindən qızışmağa başlayan ortadakı səs-küylü mövcud qalmaqal ətrafında baş verən mübahisələrdən, əvvəlki yaxınlarıyla üz-göz olmaq abır-həyasından qurtarmaq üçün, haqq uğrunda dirəşmələr zamanı anlaşa bilməyə görə, onun tərəfindən ədalət naminə edilən dostyana çağırışlar da çıxış yolu olmayıb. Əksinə, “MAGNA TRANS”dakı durum getdikcə daha da gərginləşib. Şəriklərinin yanlış qərarlarının qarşısını səs-küysüz ala bilmədiyinə görə, buradakı mövcud əlverişiz mənəvi-psixoloji və dostlarla mübarizə aparmağın yaratdığı iyrənc mühitlər onun səhhətinə, enerjisinə də ciddi təsir göstərib. Və məcburiyyətdən, əvvəlki dostları olan şərikləri Bürhan Həmidovla və Namıq Hacıyevlə xoş münasibətlərə heç vaxt son qoymaq istəməyən Ağasəf İsmayılov aidiyyatı dövlət qurumlarına, hüquq-mühafizə orqanlarına, məhkəmələrə... şikayət xarakterli müraciətlər etməli olub. Di gəl ki, yuxarı dövlət qurumlarının bu ciddi məsələyə biganə və səhlənkar yanaşmaları ucbatından, həm digər şəriklərinin özləri ilə bağlı, həm də onun özünün ətrafında baş verən bu qalmaqaldan sonra, iflasa doğru gedən biznesini qurtarmaq üçün yollar arayan sahibkar indiyədək səs-küysüz heç nəyə nail ola bilməyib. Çünki müstəqil mütəxəssislərin təxmini hesablamalarına görə, 2010-2020-ci illər üzrə “MAGNA TRANS” MMC-nin 24.152 000,00 (iyirmi dörd milyon yüz əlli iki min) manat civarında olan mənfəət məbləği iki qohum həmtəsisçi tərəfindən gizlədilərək, hər hansı bir maliyyə-hesabat sənədlərində öz əksini tapmayıb, vergiyə cəlb olunmayıb, məcburi dövlət sosial sığorta haqlarını ödəməkdən yayındırılıb, yəni cinayət yolu ilə mənimsənilərək, talanıb.

Ötən yazılarımızda olduğu kimi, bu yazımızda da, öncə onu xüsusi olaraq qeyd etmək istəyirik ki, bu gedişlə, 2010-cu ildə iqtisadiyyatımızın mühüm sahələrindən biri olan nəqliyyat vasitələri ilə sərnişindaşıma üzrə yaradılan və indiyədək bu işlə məşğul olan "MAGNA TRANS” MMC-nin ətrafında, daha doğrusu, səhmdarları arasında xeyli müddətdir başlayan və bu özəl qurumu olduqca çətin duruma salan bu qalmaqal da, ölkə biznesinin tarixinə yazılan səs-küylü qalmaqallardan birinə çevriləcək. Çünki bu qalmaqalın başlamasının əsas günahkarları olan intriqaçı iki qohum səhmdarın qanunlarımızın tələbələri çərçivəsinə sığmayan bəd əməlləri həm də getdikcə ona bir işarəyə çevrilir ki, doğrudan da, Azərbaycanda ortaq iş qurub, yüksək məbləğdə səhm qoymaq böyük risk tələb edir. Həm də ona görə ki, biznes sahəsindəki belə qanunsuzluqlar, özaşınalıqlar və çəkişmələr ucbatından, yüksək səhm sahiblərinin üzləşdikləri ağrı-acılarla və dəhşətlərlə dolu uzunömürlü bu və buna bənzər digər problemlərin çözülüb yoluna qoyulması mümkünsüz görünür həmişə. Ən dəhşətlisi odur ki, bütün bunlar aidiyyatı dövlət qurumlarında olan məsul vəzifə sahiblərinin belə veclərinə olmur.WhatsApp Image 2022 07 07 at 16.23.37

79 ədəd müxtəlif markalı avtobuslarla fəaliyyətə başlayan, 113, 208, 209, 213 saylı şəhərdaxili marşrutlarla Bakı şəhərində, həmçinin iritutumlu reys avtobusları ilə Bakı -- Lənkəran -- Bakı və Bakı -- Astara -- Bakı rayonlararası marşrut xətləri ilə, gündəlik sərnişindaşıma həyata keçirən "MAGNA TRANS” MMC-nin bu qalmaqal yarandığı vaxtdan hər keçən günü "göy əskiyə bükülüb". Bütün bunlar barədə, ötən yazılarımızda ətraflı yazılıb. Bu yazımıza isə, bu MMC-nin bu kökə düşməsində əsas günahkarların qanunsuz əməllərinə rəvac verən əsas səbəb ətrafında -- aidiyyatı dövlət qurumlarının bu ciddi məsələyə biganə münasibətləri ilə bağlı mövzu seçmişik. Bu yerdə, öncədən onu qeyd etmək istəyirik ki, Ağasəf İsmayılovun bu qanunsuzluqlarla və başına gətirilən digər xoşagəlməzliklərlə bağlı aidiyyatı dövlət qurumlarına ünvanladığı şikayət xarakterli çoxsaylı bütün müraciətləri indiyədək cavabsız qalıb və yaxşı heç bir nəticə verməyib. Hətta ortada "MAGNA TRANS MMC-nin bu həmtəsisçisinin və səhmdarının qarşılaşdığı qanunsuzluqlarla bağlı, Abşeron və Sabunçu rayon məhkəmələrinə bir iddiaçı olaraq cavabdeh şəriklərindən tələb müraciətlərinə görə, xeyrinə çıxarılan məhkəmə qərarı, qətnamə və qərardadı da olsa da, indiyədək, bütün bunlar belə günahkarların veclərinə deyil və hüquqi tələbləri də saya saymırlar. Halbuki "MAGNA TRANS"ın direktoru və qanuni təmsilçisi Mirzahid Ağayevin, MMC-nin digər həmtəsisçiləri Namiq Hacıyevin və Bürhan Həmidovun cavabdeh qismində tanındığı Abşeron Rayon Məhkəməsinin hakim Elman Məmmədovun sədrliyi ilə keçən iclasında qəbul edilən 19.04.2021-ci il tarixli Qətnaməsində deyilir: ""MAGNA TRANS MMC-nin indiyədək və bundan sonra təsərrüfat fəaliyyəti və maliyyə vəziyyəti barədə bütün məlumatların müraciəti əsasında iddiaçı İsmayılov Ağasəf İslam oğluna verilməsi, eləcə də iştirakçıların növbəti və növbədənkənar ümumi yığıncaqlarında iştirakının təmin edilməsi vəzifəsi cavabdehlər üzərinə qoyulsun".

Pula hərislik günahkarların "gözlərini elə qapadıb" ki, göstərilən marşrutlar üzrə işləyən avtobusların vaxtaşırı bərpa-təmir işləri belə onların yadlarına düşmür. Əlavə qazanc əldə etmək üçün, onlar, hətta istismara yararlı avtobusları sökdürərək, metallom kimi satdırmaqdan belə çəkinmirlər. Ən dəhşətlisi odur ki, araşdırmalarımız zamanı, Ağasəf İsmayılova kələk gələn şəriklərinin, qorxub-cəkinmədən, “MAGNA TRANS”a aid marşrutlardan birini -- 113 saylı marşrutu dəyəri olduqca yüksək qiymətləndirilən avtobusları və digər qiymətli əmlakları qarışıq satmaları barədə deyilənlərin də, həqiqət olduğu sübut olunub. Hətta bundan xəbər tutan Ağasəf İsmayılov, şəriklərinin bu qanunsuz hərəkətlərin qarşısını almaq üçün, Bakı Şəhər Sabunçu Rayon Məhkəməsinə iddia ilə müraciət edib. Beləliklə, hakim Əşir Səmədovun sədrliyi ilə keçirilən məhkəmənin 19.08.2021-ci il tarixli iclasında da, müəyyən olunur ki, həmin marşrutun avtobuslarının və digər əmlaklarının satışı müvafiq qaydada digər həmtəsisçi ilə razılıq əldə edilmədən, qanunvericiliyin tələbi qəsdən və kobud şəkildə pozulmaqla həyata keçirilib, alğı-satqı müqavilələrində bazar dəyəri çox yüksək olan avtobuslar isə, çox ucuz qiymətə satılıb. Həmin avtobusların zavod istehsalı illəri ilə, satıldıqları tarix arasında yaranan aşınma nəzərə alınsa belə, müqavilə qiymətləri qəsdən çox aşağı göstərilib ki, bu da vergidən yayınma və digər qeyri-qanuni hallarla bağlı əsaslı şübhələr yaradır. Eyni zamanda, cavabdehlər tərəfindən həmin məbləğlərin “MAGNA TRANS” MMC-nin bank hesabına keçirilməsi və ya kassasına mədaxil edilməsi barədə məhkəməyə sübut təqdim etməyiblər. Bundan əlavə, satılmış həmin avtobuslar yenidən bu MMC-yə məxsus Bakı şəhərindəki 113 saylı sərnişindaşıma marşrutunda işlədilir. Cavabehlər həmin avtobusların digər şəxslərə satılığı halda, hansı əsasla (icarə
müqaviləsi və s.) yenidən MMC-yə məxsus olan marşrutlarda işlədildiyi barədə hər hansısa bir sənəd və ya sübut məhkəməyə təqdim etməyiblər, habelə həmin avtobusların formal alğı-satqı yolu ilə MMC-nin balansından niyə çıxarıldığını izah edə bilməyiblər.

Bakı Şəhər Sabunçu Rayon Məhkəməsinin hakim Əşir Səmədovun sədrliyi ilə keçirilən həmin iclasında, iddiaçı Ağasəf İsmayılovun cavabdehlər --"MAGNA TRANS” MMC-nin direktoru (qanuni təmsilçisi) Mirzahid Ağayevə, MMC-nin iştirakçıları Bürhan Həmidova, Namiq Hacıyevə və digər şəxslərə, eləcə də “ŞİNKAR HOLDİNG” MMC-yə qarşı “alqı-satqı müqavilələrinin etibarsız hesab edilməsi” barədə, Azərbaycan Respublikası MPM-nın müvafiq maddələri rəhbər tutularaq, çıxarılan Qərardadda deyilir: "Qərardadın təsviri hissəsində göstərilənlərə əsasən, Azərbaycan Respublikası MPM-in 265.4-cü maddəsinə əsasən məhkəmə işə baxarkən, tərəflərin və ya digər şəxslərin hərəkətlərində cinayətin əlamətlərini aşkara çıxararsa, o, bu barədə xüsusi qərardad çıxarmaqla prokurora xəbər verir. Məhkəmə hesab edir ki, mülki mübahisəyə baxılması zamanı müəyyən olunmuş yuxarıda göstərilən faktlrla bağlı xüsusi Qərardad çıxarılmaqla, MMC-nin direktoru (qanuni təmsilçisi) Ağayev Mirzahid Mirsahib oğlunun, "MAGNA TRANS” MMC-nin iştirakçıları (təsisçiləri) Həmidov Bürhan Əhməd oğlunun və Hacıyev Namiq Gülosman oğlunun əməllərində cinayət əlamətlərinin olub-olmadığı məsələsi araşdırılması üçün prokurora göndərilməlidir. Onların əməllərində cinayət əlamətlərinin aşkara çıxarılması barədə prokurora xəbər verilsin. Xüsusi Qərardad və müvafiq sənədlərin surətləri Azərbaycan Respublikası Baş Prokurorluğuna göndərilsin".

Ortada, ədalət naminə Ağasəf İsmayılovun xeyrinə çıxarılan belə məhkəmə sənədlərinin də olmasına baxmayaraq, bu ciddi məsələ ilə bağlı, onun aidiyyatı dövlət qurumlarına və hüquq-mühafizə orqanlarına çoxsaylı müraciətlərinə biganə yanaşılması təəssüf doğurur. Dəhşət ondadır ki, Ədliyyə Nazirliyi İcra Baş İdarəsinin icra qurumları da, belə bir məhkəmə sənədlərinin icrası üçün, bu günədək barmaqlarını belə tərpətməyiblər. Məhz buna görədir ki, Bürhan Həmidov və başına topladığı talançı dəstədə olanlar bu MMC-nin "altından girib-üstündən çıxırlar". Bunun sübutu kimi, yalnız aşağıda verdiyimiz iki məktubda göstərilənləri oxumaq kifayətdir:

"Azərbaycan Respublikası Vergilər Nazirliyinə İsmayilov Ağasəf İslam Oğlu tərəfindən

                                           Ş I K A Y Ə T

Bildirirəm ki, təsisçilərindən biri olduğum «MAGNA TRANS» MMC-nin qanunun mənə verdiyi səlahiyyət çərçivəsində maliyyə vəziyyəti ilə maraqlanmışam. Lakin dəfələrlə müraciət etməmə baxmayaraq, maliyyə vəziyyəti barədə, MMC-nin direktoru mənə hər hansı məlumat verməmişdir. Məcbur olub, özüm araşdırma aparmışam. Müəyyən etmişəm ki, nəqliyyat xidmətindən gündə cəmiyyətin 6000 manatdan 8000 manatadək əldə etdiyi gəlir, MMC-nin hesabına mədaxil
olunmur. Nəticədə, gəlir uçota alınmadığından, mənə dividend ödənilmir, büdcəyə isə, ödəmə mənbəyində vergi düzgün hesablanıb ödənilmir. Pul gəliri MMC hesabına mədaxil olunmadığından, dövlət büdcəsinə olan borc, hesaba sərəncam qoyulmasına baxmayaraq, ödənilməyib. Bir sözlə, belə nağdsız hesablaşmalara görə, mövcud qanunlarımızın tələbləri kobud şəkildə pozulur.
«MAGNA TRANS» MMC-nin faktiki gəlir dövruyyəsinin müəyyən edilməsi üçün, xronometraj qaydasında yoxlama təyin edilməsinə və gəlirin bank hesabına ödənilməsinin təmin edilməsi məqsədi ilə, müvafiq tədbir görülməsinə göstəriş verilməsi üçün müraciət etmişdim. Lakin uzun müddət keçdikdən sonra, 2 saylı ƏVBİ-dən mənə cavab gəldi ki, Müraciətim icra üçün Kiçik Sahibkarlarla iş Departamentinə göndərilmişdir. İcra tarixçəsinə baxarkən, hazırda Müraciətimin hansı qurumda olduğu görünmür. Belə çıxır ki, mənim Müraciətimlə heç kim məşğul deyildir.
Bir daha bildirirəm ki, bu MMC tərəfindən vergi qanunverciliyi ciddi surətdə pozulur, əmək haqqı nağd ödənilir, yanacaq, ehtiyat hissələri nağd pulla alınır, xidmətdən əldə edilən gəlir uçota alınmır, bank hesabına mədaxil edilmir, sərnişin daşımaları zamanı ciddi uçot blanklarından istifadə olunmur, işçilər tam uçota alınmadan, əmək müqaviləsiz işlədilir. Göründüyü kimi, nağdsız hesablaşmalar barədə də, qanun tələbləri kobud şəkildə pozulur. Məndən vergi orqanı bu pozuntuları təsdiq edən sənəd istəyir. Bir daha bildirirəm ki, mənim təsisçi kimi bütün hüquqlarım pozulur. Mənə heç bir sənəd təqdim edilmir. Hesabatların surətinin mənə təqdim edilməsi üçün, 2 saylı ƏVBİ-nə müraciət etdim. Mənə sənəd vermədilər ki, bu kommersiya sirridir. Sadəcə, vergi orqanı MMC-nin hesabları üzrə bankdan çıxarış alsa, görər ki, dediklərim düzdür.
Mən heç cür başa düşmürəm: Qanunvericiliyin ciddi pozulduğu barədə müraciətimə, niyə, bu qədər laqeyd yanaşılır. Şikayətimə ciddi və Vergilər Nazirliyində baxılmasını xahiş edirəm!".

""MAGNA TRANS" MMC-nin təsisçisi Ağasəf İsmayılova

Araşdırmanın aparılması barədə, Sizin, 24.04.2020-ci il tarixli müraciətinizə Vergilər Nazirliyinin Bakı şəhəri Kiçik Sahibkarlıqla İş üzrə Baş İdarəsində baxılır. Koronavirus (COVİD-19) infeksiyasının Azərbaycan ərazisində yarada biləcəyi təhlükənin qarşısının alınması, habelə dövlət müəssələrində tibbi-profilakti dezinfeksiyaedici və digər qabaqlayıcı tədbirlərin davam etdirildiyini nəzərə alaraq, müraciətinizdə qeyd olunanlara dair ətraflı izahatınızı və müvafiq təsdiqedici sənədləri (poçt və ya onlayn qaydada) 15.05.2020-ci il tarixədək Baş İdarəyə göndərməyiniz tövsiyə olunur. Bundan başqa, müraciətinizdə göstərilənlərlə bağlı zəruri hesab etdiyiniz məlumatları bu məktubda qeyd olunan iş və ya mobil telefon nömrələrinə zəng edərək, izah edə bilərsiniz. Bildiririk ki, müraciətinizə qanunla müəyyən edilmiş müddətdə baxılacaq və nəticəsi barədə Sizə məlumat veriləcəkdir.

Vergilər Nazirliyinin Bakı şəhəri Kiçik
Sahibkarlıqla İş üzrə Baş İdarəsinin inzibati binası, Baş İdarə rəisinin müavini,
baş vergi xidməti müşaviri Vüqar Qurbanov".

Yeri gəlmişkən, onu da qeyd edək ki, Ağasəf İsmayılovun aidiyyatı dövlət qurumlarının və hüquq-mühafizə orqanlarının rəhbərləri adlarına ünvanladığı şikayət xarakterli bir məktubun da, bu ciddi məsələnin aradan qaldırılmasına və onun özünə də, indiyədək, heç bir xeyri olmayıb. Halbuki bu məktubda yazdıqları çox ciddi olduğundan, bu barədə, təcili olaraq ölçü götürülməliydi.
Həmin məktubda şikayətçi xüsusi olaraq bunları yazıb: "Onu da diqqətinizə çatdırmaq istəyirəm ki, "MAGNA TRANS” MMC-nin gündəlik gəliri 10.800 manatdır. Bu, ayda 324.000 manat təşkil edir. Belə bir dövriyyənin uçota alınmaması, bilavasitə, mənim dividend kimi gəlirimin yayındırılması deməkdir. Bu məbləğ ildə 3.888000 manat edir ki, nəticə etibarı ilə, mən ildə ən azı 641.000 manat dividenddən oluram.WhatsApp Image 2022 07 07 at 16.23.26 1
Konkret desəm, MMC-nin gəliri uçota alınmır. Eyni zamanda, vergidən yayınırlar. Hazırda MMC-nin 20.000 manat vergi borcu var. Müəssisənin gəlirinin uçota alınıb, banka ödənilməsi təmin edilmir. Vergi orqanı dövriyyəni müəyyən edilməsi məqsədi ilə, səyyari yoxlama təşkil edib, xronometraj yoxlaması təşkil etməlidir.
Onu da qeyd edim ki, qnunsuz yolla satılmış avtobusların ümumi dəyər məbləği də, MMC-nin xalis aktivlərinin dəyərinin əlli faizindən artıqdır. Göründüyü kimi, MMC-nin direktoru Mirzahid Ağayev, təsisçi kimi mənim və digərlərinin qərarlarımız olmadan, müəssisənin aktivlərinin mütləq əksəriyyətini təşkil edən, onun yeganə fəaliyyət növünün həyata keçirilməsi üçün, mövcudluğu zəruri olan avtobusları satmaqla, MMC-nin fəaliyyətinin iflic vəziyyətə salınması, onun qəsdən müflisləşməsi məqsədini güdmüşdür. Avtobusların qanunazidd alqı-satqısı MMC-nin digər təsisçisi Bürhan Həmidovun tapşırığı ilə olmuşdur ki, bu yolla da, o, MMC-ni qəsdən müflisləşdirərək, məni təsisçilər sırasından uzaqlaşdırmağa, əmlakımı ələ keçirməyə və nəticədə, MMC-nin bütün əmlakına sahib olmağa çalışır.
Azərbaycan Respublikası Cinayət Məcəlləsinin 211.2-ci maddəsinə əsasən,
kommersiya təşkilatının rəhbəri və ya mülkiyyətçisi, habelə fərdi sahibkar
tərəfindən özünün və ya digər şəxslərin manefeyi naminə qəsdən ödəmə
qabiliyyətsizliyinin yaradılması və ya artırılması külli miqdarda ziyan vurduqda və ya digər ağır nəticələrə səbəb olduqda, bu, qəsdən müflisləşmə hesab olunur.
Bütün dediklərimdən əlavə, avtobus satışlarından əldə edilmiş 2.600.500 manat da, MMC-nin hesabına keçirilməmiş və təsisçi Bürhan Həmidov tərəfindən
mənimsənilmişdir. Azərbaycan Respublikası Cinayət Məcəlləsinin 179.4-cü maddəsi ilə, xüsusilə külli miqdarda ziyan vurmaqla, mənimsəmə və ya israf etmə, yəni təqsirkara etibar edilmiş özgə əmlakını talama xüsusilə ağır cinayət əməli kimi təsbit edilib.
Eyni zamanda, bildirirəm ki, MMC-nin sərnişindaşıma fəaliyyətindən əldə edilən gəlirlər üzrə hesablaşma, Bürhan Həmidovun tapşırığı ilə nağd şəkildə həyata keçirilir və rəsmi bank sənədlərində əks etdirilmir, bununla da, külli miqdarda məbləğ qəsdən vergidən yayındırılaraq, onun tərəfindən mənimsənilir. Belə ki, müstəqil mütəxəssislərin təxmini hesablamalarına görə 2010-2020-ci illər üzrə “MAGNA TRANS” MMC-nin mənfəəti 24.152 000,00 (iyirmi dörd milyon yüz əlli iki min) manat civarında olmuşdur ki, bu məbləğ də hər hansı bir maliyyə-hesabat sənədlərində öz əksini tapmamış, vergiyə cəlb olunmamış, məcburi dövlət sosial sığorta haqlarını ödəməkdən yayındırılmışdır, yəni cinayət yolu ilə mənimsənilərək talanmışdır.
Azərbaycan Respublikası Cinayət Məcəlləsinin 213.3-cü maddəsində xüsusilə külli miqdarda vergiləri, işsizlikdən sığorta və ya məcburi dövlət sosial sığorta haqlarını ödəməkdən yayınma cinayət əməli kimi nəzərdə tutulmuşdur. "MAGNA TRANS” MMC-nin direktoru Mirzahid Ağayevin, digər təsisçisi Bürhan Həmidov və onlarla əlbir olmuş digər şəxslərin uzun illər boyunca yol verdikləri və hələ də cəzasız qalan cinayət xarakterli əməlləri araşdırılmalıdır. Xahiş edirəm, bütün bunları törədənlərin qanun çərçivəsində məsuliyyətə cəlb olunmasına ciddi göstəriş verəsiniz!".

Yuxarıda qeyd olunanlardan da açıq-aydın görünür ki, "MAGNA TRANS MMC tam müflisləşmə həddindədir -- 79 ədəd sərnişin daşıyan avtobuslarının yarıdan çoxu, sənədləri saxtalaşdırma yolu ilə satılaraq, pulları da "həzmi-rabe"dən keçirilib, yerdə qalanları da, sökülüb talanır. Başına olmazın oyunlar açılan, müsibətlər gətirilən təsisçi və yüksək səhm sahibi Ağasəf İsmayılov üçün, onların qanunsuz bəd əməllərinin və özbaşına hərəkətlərinin gətirdiyi dəhşətlərin qarşısını almaq artıq gec olub. Həm də ona görə ki, MMC-nin bütün gəlir gətirən işlərinin başında da, Bürhan Həmidova yaxınlar durub. Ağasəf İsmayılovun onlar tərəfindən törədilən çoxsaylı qanunsuzluqlarla və hədə-qorxularla, başına gətirilənlərlə bağlı aidiyyatı dövlət qurumlarına ünvanladığı şikayət xarakterli müraciətləri isə, indiyədək cavabsız qalıb. Müraciətlərinə yuxarılardan verilən bir-neçə başdansovdu cavab məktubları isə, onun üçün yaxşı heç bir nəticə verməyib.

Ümumiyyətlə, dövlət iqtisadiyyatının mühüm sahələrindən biri olan nəqliyyat vasitələri ilə sərnişindaşıma üzrə yaradılan "MAGNA TRANS” MMC-nin fəaliyyətinin qanuni məcraya qaytarılmasında tədbir görülməsi zəruridir. Ancaq nə şəriklərinin əməlləri ilə bağlı, nə də ətrafında baş verən qalmaqaldan sonra iflasa gedən biznesini qurtarmaq istiqamətində, xeyli müddətdir Ağasəf İsmayılov heç nəyə nail ola bilməyib. Çünki aidiyyatı dövlət qurumları, hüquq-mühafizə orqanları tədbir görmürlər deyə, külli miqdarda pulunu xərcləyərək, özünə iş quran Qarabağ müharibəsi qazisi, "başına oyun açan” şərikləri ilə bacarmır. Böyük ziyana düsən bu iş adamı, bundan sonra da nə edəcəyini bilmir.

Bu yazımızın sonunda da, bir daha qeyd edirik ki, etibarlı mənbələr tərəfindən redaksiyamıza ötürülən və dəqiqliklərinə zərrə qədər şübhəmiz qalmayan faktlara görə apardığımız araşdırmaların nəticələri də, yuxarıda deyilənlərin həqiqət olduğunu bir daha sübut etdi. Məhz buna görə də, bu ciddi məsələni daim diqqətdə saxlayacaq, tezliklə bu barədə araşdırma yazılarımızı dərc edəcəyik.

Məhi ELSEVƏR,
Səməndər QURBANOV,
araz.az xəbər portalının xüsusi müxbirləri.

"MAGNA TRANS”ın iki qohum səhmdarının şərikləri əleyhinə törətdikləri bəd əməllər ictimai qınağa tuş gəlir -- İTTİHAM

38621 1068x587

Şərikləri tərəfindən payına “göz dikilən" və biznesi pis günə düşən Qarabağ Müharibəsi qazisi nə edəcəyini bilmir

Bu bir həqiqətdir ki, ayrı-ayrı biznes şərikləri arasında tez-tez baş verən səs-küylü qalmaqallar da, yarandığı gündən problemlər məngənəsindən çıxa bilməyən ölkə biznesinin daha bir bəlasına çevrilib. Bu barədə, araz.az-ın linki bu olan ( http://araz.az/index.php/zhuend-m/20915-mazhna-trans-in-s-rik-s-hmdarlari-arasinda-galmagal-h-d-fd-lil-garabazh-muharib-si-gazisidir-i-tti-ham) ötən yazısı da, biznes mühitindəki bu xoşagəlməzliyin doğurduğu dəhşətləri tam çılpaqlığı ilə açıb göstərir. Bunun nə demək olduğunu bilmək üçün, bu yazını oxumaq kifayətdir.

Bəli, ötən yazımızda xüsusi olaraq vurğuladığımız kimi, bu gedişlə, 2010-cu ildə iqtisadiyyatımızın mühüm sahələrindən biri olan nəqliyyat vasitələri ilə sərnişindaşıma üzrə yaradılan və indiyədək bu işlə məşğul olan "MAGNA TRANS” MMC-nin ətrafında, daha doğrusu, səhmdarları arasında bir müddətdir başlayan və bu özəl qurumu olduqca çətin duruma salan qalmaqal da, ölkə biznesinin tarixinə yazılan səs-küylü qalmaqallardan birinə çevriləcək. Bu qalmaqalın başlamasının əsas günahkarları olan intriqaçı iki qohum səhmdarın qanunlarımızın tələbələri çərçivəsinə sığmayan bəd əməlləri həm də ona bir işarədir ki, doğrudan da, Azərbaycanda ortaq iş qurub, yüksək məbləğdə səhm qoymaq böyük risk tələb edir. Biznes sahəsindəki belə qanunsuzluqlara, özaşınalıqlara və çəkişmələrə görədir ki, yüksək səhm sahiblərinin üzləşdikləri ağrı-acılarla və dəhşətlərlə dolu uzunömürlü belə problemlərin çözülüb yoluna qoyulması da, mümkünsüz görünüb həmişə.

Ötən yazımızda qeyd etdiyimiz kimi, belə bir xoşagəlməz problemlə üzləşən səhmdarlardan birinin Əfqanıstan Müharibəsi veteranı, Qarabağ Müharibəsi qazisi, III qrup müharibə əlili olması, təəssüf doğuran bir fakt olsa da, bu, bu qalmaqalın yaranmasında günahkar olan şəriklərinin heç veclərinə belə deyil. Dəhşət ondadır ki, hələ əvvələr onların çox yaxın olmaları faktı da, günü bu günədək, əsl günahkarlar üçün utanc verəcək bir amilə çevrilməyib. Ümumiyyətlə, aralarındakı əvvəlki xoş və səmimi münasibətlərə görə, bu özəl qurumun yaradılmasının əsas təşəbbüsçüsü və işinin yüksək səviyyədə qurulmasında böyük rolu və əməyi olan Ağasəf İsmayılovun bərabər paylarda şərik olduğu “MAGNA TRANS” MMC-nin digər təmsilçilərinə -- Bürhan Həmidovla Namiq Hacıyevə inam və etibarı güclü olub. Məhz buna görə də, hər bir işə rəhbərliyi, faktiki olaraq, Bürhan Həmidovun həyata keçirməsinə əvvəllər heç vaxt etiraz bildirməyib.

Araşdırmalarımız zamanı üzə çıxardığımız həqiqətlərdən də məlum oldu ki, fəaliyyətə başlayandan az sonra bu MMC-nin işinin yüksək səviyyədə getməsi, bu biznes sahəsinin yüksək gəlir gətirməsi pula həris digər iki yaxın qohum -- yeznə-qayın həmtəsisçi şərikləri olduqca şirnikləndirib. Məhz bu səbəbdən də, onlar Ağasəf İsmayılovu yaratdığı bu biznes işindən uzaqlaşdırmaq üçün, xüsusi planlar düşünüblər. Beləcə, qazanc hərisliyinin yaratdığı bu təhlükə əvvəllər aralarında mövcud olmuş yaxşı hər şeyin üstündən qara xəttlər çəkib. Yeznə-qayın bu şəriklər, əvvəlcədən düşündükləri iyrənc planlarını işə saldıqdan sonra, MMC-də həmtəsisçi və yarım milyon manata yaxın səhm sahibi olan Ağasəf İsmayılovu bu özəl quruma nəzarətdən kənarlaşdıra biliblər. Bundan sonra isə, istəklərinə nail olmaq üçün, istədikləri kimi də hərəkət edərək, fırıldaq qoxulu "oyunlardan çıxıblar". Bütün bunların lap pis nəticəsi isə, çox keçməmiş ortada açıq-aydın görünüb. Daha doğrusu, bu və digər müəyyən subyektiv səbəblər ucbatından, təsis edib, yaratdıqları bu MMC-nin fəaliyyətinə nəzarət etmək imkanı olmayan əlil Qarabağ Müharibəsi qazisinə məlum olub ki, Bürhan Həmidov qohumu ilə bərabər, onlara olan etibarından və MMC-nin fəaliyyətinə nəzarət edə bilməmək imkanından sui-istifadə etməklə, bütün təsərrüffat işlərini qanunvericilikdə nəzərdə tutulmuş qaydada və MMC-nin Nizamnaməsinə uyğun aparmırlar. Onun etibar, inam, səmimiyyət və xoş münasibətindən sui-istifadə edən şərikləri, aralarında olan şifahi razılaşmanın şərtlərini belə kobud şəkildə pozaraq, onun "başına olmazın oyunlar açıb, müsibətlər gətirməkdən" çəkinmirlər. Bütün bunları biləndə isə, Ağasəf İsmayılov üçün, onların qanunsuz bəd əməllərinin və özbaşına hərəkətlərinin gətirdiyi dəhşətlərin qarşısını almaq artıq gec olub. Həm də ona görə ki, MMC-nin bütün gəlir gətirən işlərinin başında da Bürhan Həmidova yaxınlar olub.

Yeri gəlmişkən, ötən yazımızda olduğu kimi, bu yazımızda da, bir daha onu qeyd etməyi vacib bildik ki, bu MMC-nin faktiki qanuni təmsilçisi -- direktoru kimi işə götürülən Mirzahid Ağayev də, Bürhan Həmidov tərəfindən çoxdan bu vacib vəzifəyə təyin edilənlərdəndir. Lakin bu məsul vəzifə başında onun fəaliyyəti tam formal xarakter daşıyıb həmişə. Faktiki olaraq, indiki kimi, əvvəllər də, bütün işlərdə yenə söz sahibi də, göstəriş verən də məhz Bürhan Həmidov olub. Ağasəf İsmayılov həmtəsisçi, böyük həcmdə səhm və pay sahibi kimi, bu qanunazidd əməlləri araşdırmaq məqsədi ilə, MMC-nin direktorundan bir-neçə dəfə izahat tələb edib. O isə, bu barədə heç bir məlumatı olmadığını deyərək, hər bir məsələnin Bürhan Həmidov tərəfindən həll edildiyini bildirib. Bürhan Həmidov isə, bu ciddi faktlara aydınlıq gətirmək üçün, indiyədək, Ağasəf İsmayılovla heç bir danışığa gəlmək istəməyib. Fakitiki olaraq, o, indiyə kimi edilən bütün görüş təkliflərini qəbul etməyib. Bütün bunlar azmış kimi, şərikinin telefon zənglərinə belə cavab verməyib. Bütün bunlar belə daha bir sübutdur ki, o, doğrudan da, “MAGNA TRANS” MMC-nin fəaliyyətini qanunsuz yolla tam ələ keçirib. Elə, qanunsuz yolla da, MMC-nin adında olan külli miqdarda pul vəsaitini, xeyli müddətdir ki, tam olaraq mənimsəməklə məşğuldur. Üstəlik, Bürhan Həmidovun, onun qohum şərikinin, eləcə də burada yaradıb, başçılıq etdiyi talançı mütəşəkkil təhlükəli dəstənin qanunazidd əməlləri ucbatından, sahibkar Ağasəf İsmayılova, uzun müddətdir ki, ölçüyəgəlməz maddi və mənəvi ziyanlar vurulur. Bununla bərabər, külli miqdarda məbləğ -- müvafiq hesabatlardan gizlədilən pul vəsaitləri büdcəyə ödənilmir.
Konkret desək, bu mütəşəkkil dəstənin belə qanunazidd bəd əməllərini bu günün özündə belə davam etdirməsi olduqca təhlükəlidir. Elə, buna görədir ki, indiyədək, külli miqdarda pulunu xərcləyərək, özünə iş quran Qarabağ Müharibəsi qazisi, "başına oyun açan” şərikləri ilə bacarmır. Böyük ziyana düşdüyü üçün, nə edəcəyini də bilmir. Çünki başına gətirilənlərlə bağlı aidiyyatı dövlət qurumlarına etdiyi çoxsaylı şikayətlər də, indiyədək, heç bir nəticə verməyib. Bu barədə, növbəti yazımızda daha ətraflı məlumat verəcəyik. Bu yazımızda isə, etibarlı mənbələr tərəfindən redaksiyamıza ötürülən faktlar ətrafında apardığımız dərin mətbu araşdırmaların tükürpədici yekun nəticələrini əsas mövzuya çevirməyi qərara aldıq. Və ilk olaraq, “MAGNA TRANS”ın adıyla bağlı olan bütün xoşagəlməzliklərin yaranmasının əsas səbəbi kimi qələmə verilən və hədsiz təəssüf doğuran ciddi bir fakt ətrafında apardığımız araşdırmamızın yekun nəticəsinin əsas nüanslarını qabartmağı lazım və vacib bildik.

Bəli, araşdırmalarımızın yekun nəticəsi də bunu sübut etdi ki, çox qazanca hədsiz hərislikləri olan MMC-nin iki qohum həmtəsisçisi, eləcə də ətraflarında yaratdıqları talançı mütəşəkkil qrupda birləşənlər “MAGNA TRANS”ın balansındakı qiymətli əmlaklara qarşı da aqressivlik nümayiş etdirirlər. Danılmaz faktdır ki, etibarlı mənbə məlumatlarında adları aqressiv talançılartək xüsusi vurğulananların, hətta “MAGNA TRANS”ın balansındakı, ölkənin nəqliyyat sektorunda daşımaların həcminə görə ən böyük paya malik və hər gün minlərlə insanın ictimai nəqliyyat vasitəsi kimi istifadə etdiyi avtobusların pis kökə düşməsində də günahları böyükdür. Araşdırmalarımızın yekun nəticəsində də həqiqət və reallıq kimi özünə yer tapan bu fakta görədir ki, işinin yüksək səviyyədə qurulması üçün, yarandığı vaxtdan MMC-nin adına yüksək qiymətə alınan, 113, 208, 209, 213 saylı şəhərdaxili, həmçinin iritutumlu reys avtobuslarıyla Bakı --Lənkəran -- Bakı və Bakı -- Astara -- Bakı bölgələrarası marşrut xətləri üzrə, gündəlik sərnişindaşıma həyata keçirən 79 ədəd müxtəlif markalı avtobusların sayı getdikcə azalır. Pula hərislik günahkarların "gözlərini elə qapadıb" ki, bu avtobusların vaxtaşırı bərpa-təmir işləri belə onların yadlarına düşmür. Əlavə qazanc əldə etmək üçün, onlar, hətta istismara yararlı avtobusları sökdürərək, metallom kimi satdırmaqdan belə çəkinmirlər. Ən dəhşətlisi odur ki, araşdırmalarımız zamanı, Ağasəf İsmayılova kələk gələn şəriklərinin, qorxub-cəkinmədən, “MAGNA TRANS”a aid marşrutlardan birini, dəyəri olduqca yüksək qiymətləndirilən avtobusları və digər qiymətli əmlakları qarışıq satmaları barədə deyilənlərin də, həqiqət olduğu sübut olunub.
Təsis olunduğu gündən bu günə kimi, “MAGNA TRANS”ın balansında olan, hətta texniki cəhətdən istismara tam yararlı olmaqla, paytaxt Bakıda yuxarıda göstərdiyimiz şəhərdaxili marşrut xətlərində işlədilən, lakin müxtəlif vaxtlarda sökülüb-satılmaq yolu ilə talanan xeyli sayda nəqliyyat vasitəsi də ortada yoxdur. Bu işlə məşğul olan biznes qurumlarının işlərinin tənzimlənməsini həyata keçirməyə məsul dövlətin aidiyyatı icra qurumları isə, hədsiz narazılıq yaradan bu ciddi faktları görsələr də, ya rəhbər laqeydliyi ucbatından, ya da məqsədli şəkildə susmağa üstünlük verirlər. Bizim onlarla əlaqə yaratmaq, ictimai narazılıq yaradan bu ciddi məsələ ilə bağlı yaranan suallara cavab tapmaq cəhdlərimiz də, məhz, bu kimi səbəblərdən nəticəsiz qalır. Sosial məsələlər üzrə ekspertlər də hesab edirlər ki, belə qalmaqalların bu dərəcədə şişməsi və qızışması isə, sonda, birbaşa, ictimaiyyatın hədsiz dərəcədə narahat olmasına səbəb olur. Onlar da deyirlər ki, indi, ölkəyə avtobusların gətirilməsi ilə bağlı ciddi tələblər var. Bu tələblərə baxmayaraq, bu MMC-nin məsul şəxsləri isə, balansdakı avtobusları qorxub-cəkinmədən sökərək, satırlar. Halbuki təmirə ciddi ehtiyacı olan avtobusları belə onlar tam təmir etdirməyə borclu və məsuldurlar, nəinki söküb, satdırmalıdırlar. Bir sözlə, cavabdeh həmtəsisçilər, hətta marşrut xətləri üzrə hərəkət edən avtobuslarda tünlük olmasın deyə, bu avtobuslara yüksək səviyyəli xidmət göstərməlidirlər ki, tez-tez təmirə dayanıb, sıradan çıxmasınlar. Çünki bu sahəyə aid mövcud qanunlarımız da, MMC-nin özünün Nizamnaməsində qoyulan şərtlər də, bunu tələb edir. Di gəl ki, günahkar bu tələblərə əməl etmirlər. Onların belə neqativ hərəkətləri, daha çox, çoxsaylı ictimaiyyət nümayəndələri arasında hakimiyyətin nüfuzuna ciddi xələl gətirir.WhatsApp Image 2022 06 30 at 12.00.11

Araşdırmalarımızdan da açıq-aşkar göründüyü kimi, şəriklərini hədsiz narahat edən "MAGNA TRANS”ın iki qohum səhmdarının törətdikləri bəd əməllər, çoxdandır ki, hədsiz ictimai qınağa da tuş gəlib. Elə, bu fakt ətrafında bir neçə gün öncə araz.az xəbər portalının əməkdaşları olaraq, araşdırmaya başlayan zaman da, hər addımda sərinişin narazılıqlarına şahid olduq. Şübhəsiz ki, ictimaiyyətin çoxsaylı nümayəndələrinin, avtobus sərnişinləri arasında hər sahədən və hər təbəqədən olan insanların -- fəhlə, ziyalı, tələbə, uşaq, qadın, yaşlı, polis... və jurnalistlərin bu narazılıqlarının əsas səbəbi, 113, 208, 209, 213 saylı marşrut xətləri üzrə istifadə olunaraq, hərəkət edən avtobusların azlığı ilə bağlıydı. Eyni fikirləri bölüşən və bu marşrutlarla bağlı ürəkləri yaman dolu olan
bu sərnişinlərin əksəriyyəti adətən bu marşrutlardan istifadə edirlər. Açıq-aydın görünürdü ki, bu ciddi məsələ ilə bağlı bizimlə təəssüratlarını bölüşən ictimaiyyətin çoxsaylı bu nümayəndələri, bu avtobus marşrutları ilə bağlı, tezliklə yaxşı heç nə olmayacağına görə çox narahatdırlar. Narahat sərnişinlər onu da bildirirlər ki, bu marşrutlarda avtobusların sayı çox az olduğu üçün, təkcə günün pik saatlarında deyil, bütün gün ərzində həmin marşrutların avtobusları dop-dolu olur. Nəfəs almaq belə mümkünsüzdür. Ümumiyyətlə, bu marşrutlar üzrə gedən bütün avtobuslarda səhər saatlarında belə hədsiz sıxlıq olur. Buna baxmayaraq, marşrut avtobuslarının sayı artırılmır. Məhz buna görədir ki, dayanacaqda gözləyən insanlar işə, mənzilbaşına çatmaq üçün məcburən taksilərdən istifadə edirlər.

"Bu istiqamətlərdə gedən bütün avtobuslardakı son vaxtların vəziyyəti olduqca acınacaqlıdır. Həmişə basabasda gedib, gəlirik. Hər gün pik saatlarında avtobusa minmək üçün, hətta son dayanacağa qədər piyada gedirik ki, heç olmasa, ayaq üstə səhər işə, axşam evə çata bilək. Bu avtobuslarda tək ayaq üstə getdiyimiz günlər də az olmayıb. Ən pisi isə, qış aylarında düz qapının ağzında, qapısı açıq vəziyyətdə getməyimiz olub. Heç gecə saat 12-də də, basabassız avtobus tapmağımız mümkün olmur!.." -- deyə, hər gün basabasda, ağır vəziyyətdə getməyə məcbur çoxsaylı ictimaiyyət nümayəndələri narahatlıq dolu təəssüratlarını bizimlə bölüşərək, bu işə cavabdehləri məsuliyyətsizliklərinə görə qınayaraq, onların məsuliyyətə cəlb olunmalarını da tələb edirlər.

Göründüyü kimi, “MAGNA TRANS”la bağlı olan bu ciddi məsələlər təkcə MMC-nin həmtəsisçisi, Qarabağ Müharibəsi qazisi Ağasəf İsmayılovu narahat etmir. Bu MMC adı altında, yuxarıda göstərdiyimiz marşrut xətləri üzrə işləyən, gündəlik sərnişin daşıyan avtobuslarda yaranan tünlük günü-gündən artmağa başlayır və ictimai nəqliyyatda yaranan belə xoşagəlməz hal ictimaiyyətin də hədsiz narahatlığına səbəb olur. Bu səbəbdən, xeyli müddətdir ki, bu avtobus marşrutlarının adları da, paytaxt Bakıda ən çox narazılıq yaradan avtobus marşrutların adları ilə qoşa çəkilir. Bir sözlə, MAGNA TRANS”ın iki qohum sahibinin bəd əməlləri təkcə şəriklərinin yox, artıq, çoxsaylı ictimaiyyət nümayəndələrinin də hədsiz narazılıqlarına tuş gəlir. Onlar tərəfindən törədilən bütün qanunsuzluqların ən pis nəticəsi isə ondadır ki, nəqliyyat vasitələri ilə sərnişindaşıma üzrə yaradılan və indiyədək bu işlə məşğul olan "MAGNA TRANS”ın sahibləri tərəfindən, bu sahəyə aid mövcud qanunlarımızın və MMC-nin özünün Nizamnamə tələblərinə uyğun üzərlərinə götürdükləri öhdəliklər belə kobud şəkildə pozulur. Bütün bu qanunsuz bəd əməllərinə və özbaşına hərəkətlərinə görə, onlar birbaşa məsuliyyət daşıyırlar və belə gedişlə, elə, qanunlarımızın tələbələrinə uyğun da məsuliyyətə cəlb olunmalıdırlar.

Bu marşrutlarla işləyən avtobusların sərnişinləri arasında əksəriyyət hədsiz dərəcədə narazıdır və şikayətlərini həmişə yuxarılara çatdırmaq istəyiblər. Lakin bunu edənlərə hədə-qorxu gələnlər də az olmur. Araşdırmalarımız isə, hədə-qorxu gələnlərin Bürhan Həmidovun burada yaratdığı mütəşəkkil dəstənin üzvləri olduğunu da sübut edir. Elə, bu hədə-qorxulara görədir ki, sərnişinlər şikayətlərini yuxarılara çatdırmaqdan çəkinirlər. Ümumiyyətlə, hədə-qorxu gəlməkdə mahir olan qohum şəriklərin, vaxtilə, çəkinmədən belə qanunsuz hərəkətlər etmələrinə həmişə ölkənin sabiq Baş prokuroru Zahid Qaralova yaxın olmaları rəvac verib və onlar bütün bəd əməllərini bu adla "sığortalayıblar". Bürhan Həmidovun özünün uzun zaman sabiq Baş prokurora aid olduğu deyilən "Akkord" şirkətində rəhbər vəzifədə olması faktı da, bu yöndən onu hərtərəfli qoruyub. Yeri gəlmişkən, onu da qeyd edək ki, Bürhan Həmidov bizneslə məşğul olmağa da, “Akkord" şirkətinin rəhbərliyindən azad edildikdən sonra qərar verib. Ancaq Zakir Qaralovun himayəsində qalıb. Məhz onun keçmiş statusuna və hazırkı əlaqələrinə güvənərək, şəriki Ağasəf İsmayılovu məhkəməyə verəcəyi, hətta aralarında rəsmi şəkildə bağlanan müqaviləni və digər çoxsaylı sənədləri belə ləğv etdirəcəyi, bu vaxta qədər ona ödənilən məbləği belə geri tələb edəcəyi ilə hədə-qorxu gələrək, təhdid edib. Ağasəf İsmayılovun bu qanunsuzluqlarla və hədə-qorxularla, başına gətirilənlərlə bağlı aidiyyatı dövlət qurumlarına ünvanladığı şikayət xarakterli müraciətləri isə, indiyədək cavabsız qalıb və yaxşı heç bir nəticə verməyib.

Dövlət iqtisadiyyatının mühüm sahələrindən biri olan nəqliyyat vasitələri ilə sərnişindaşıma üzrə yaradılan "MAGNA TRANS” MMC-nin fəaliyyətinin qanuni məcraya qaytarılmasında tədbir görülməsi zəruridir. Ancaq nə şəriklərinin əməlləri ilə bağlı, nə də ətrafında baş verən qalmaqallardan sonra iflasa gedən biznesini qurtarmaq istiqamətində, Ağasəf İsmayılov heç nəyə nail ola bilməyib. Çünki aidiyyatı dövlət qurumları, hüquq-mühafizə orqanları tədbir görmürlər deyə, külli miqdarda pulunu xərcləyərək, özünə iş quran Qarabağ müharibəsi qazisi, "başına oyun açan” şərikləri ilə bacarmır. Böyük ziyana düsən iş adamı nə edəcəyini bilmir. Bir daha qeyd edirik ki, bu və digər ciddi məsələlərlə bağlı daha ətraflı növbəti yazımızda məlumat verəcəyik.

Bu yazımızın sonunda isə, bir daha qeyd edirik ki, etibarlı mənbələr tərəfindən redaksiyamıza ötürülən və dəqiqliklərinə zərrə qədər şübhəmiz qalmayan faktlara görə apardığımız araşdırmaların nəticələri də, deyilənlərin həqiqət olduğunu bir daha sübut etdi. Məhz buna görə də, bu ciddi məsələ daim diqqətimizdə olacaq.

Yazıda adları keçən hər kəsin mövqeyini dərc etməyə də hazırıq.

Məhi ELSEVƏR,
Səməndər QURBANOV,
araz.az xəbər portalının xüsusi müxbirləri.

1 -dən səhifə 21

Əlaqəli xəbərlər