Korona 2 həftəyə məhv olur? – Açıqlama

1584617406308 HXLfAZ8V e1593874232769Səhiyyə Nazirliyinin COVİD-19 testi pozitiv çıxan və evdə müalicə alan şəxslərin 14 gündən sonra avtomatik olaraq sağalmış sayması barədə məlumat yayılıb. Maraqlıdır, koronaviruslu xəstə həqiqətənmi 14 gün ərzində sağala bilər və onların test vermədən sistemdə sağalmış hesab edilməsi nə dərəcədə doğrudur?

Məsələ ilə bağlı Axar.az-a açıqlama verən professor Adil Qeybulla bildirib ki, virusun sağalma müddəti onun orqanizmə nə qədər daxil olmasından asılıdır:

“Virusa yoluxan vətəndaşlar səhhəti ağırlaşmadığı halda 14 gündən sonra sağalmış hesab oluna bilər. Xəstədə virusun heç bir əlaməti olmasa, subklinik formada xəstəliyi keçirərsə, o, sağalmış hesab edilir. Evdə müalicə alan xəstələr müalicə bitdikdən sonra test edilməlidir. Virusun ətraf üçün yoluxuculuğu yoxlanılmalıdır. Virusa yoluxan insanın sağalma müddəti koronanın orqanizmə hansı miqdarda daxil olmasından asılıdır. Xəstə var ki, 1-2 ay müalicə alır, xəstə də var, 2 həftəyə virus yoxa çıxır. Əgər evdə müalicə alan xəstələrə 2 həftə vaxt qoyublarsa, hər halda 2 həftə ərzində nələrsə yoxlanılır. Ola bilməz ki, onlar yoxlanmadan sistemdə sağalmış kimi göstərilsin”.

araz.az

Səhiyyə Nazirliyindən absurd açıqlama: Evdə müalicə alanlar 14 gün sonra avtomatik sağalmış sayılır

sehiyyenazirliyiJurnalist Dünya Sakit koronavirusa yoluxmuş qardaşı oğlunun 15 gündən sonra təkrar test vermək istəyinə poliklinikadan “yox” cavabı verilməsindən narazılığını bildirib.

D.Sakit qeyd edib ki, qardaşı oğlu xəstəliyi simptomsuz evdə keçirib: “15 gündən sonra təkrar test olunmasını istədik. Yerli poliklinikadan dedilər ki, artıq ikinci test eləməyə icazə verilmir, 15 gündən sonra pozitivlərin hamısı sağalmış kimi qeydiyyata alınır”.

D.Sakit həmçinin qeyd edib ki, koronavirusa yoluxmuş həyat yoldaşının qan dəyərlərini yoxlatmaq istəyinə də “yox” cavabı verilib:

“Poliklinika və 103 xidmətindən dedilər ki, biz evdə heç kimdən analiz götürmürük, özələ gedin. Yaxşı, koronaviruslu xəstə evindən çıxanda 300 manat cərimə, yaxud cinayət işi açılır. Bu adam özəl klinikaya necə getsin? Özəl klinikalara zəng vurdum, dedim, qanını gətirim analiz edin, dedilər, qəti olmaz, siz xəstə ilə eyni evdə yaşayırsınız, kontaktda olursunuz, sizi klinikaya buraxa bilmərik”.

Səhiyyə Nazirliyinin Mətbuat Xidmətindən məsələ ilə bağlı “Qafqazinfo”ya bildirilib ki, vətəndaşa hər iki halda prosedura uyğun olaraq doğru cavab verilib:

“Qəbul edilmiş evdə müalicə proseduruna uyğun olaraq, COVİD-19 testi pozitiv çıxan və evdə müalicə olunan şəxslər 14 gündən sonra avtomatik olaraq sağalmış sayılır və onların adı sistemdən silinir. Həmin şəxslərdən təkrar test götürməyə ehtiyac yoxdur. Bu şəxslər artıq koronaviruslu xəstə sayılmadığı üçün evdən çıxmalarına görə də cinayət məsuliyyətinə cəlb olunmurlar.

Qan analizi götürülməsinə gəldikdə isə, COVİD-19 xəstələrinin evdə müalicə proseduruna evdə qan analizi götürülməsi daxil deyil”. (Qafqazinfo)

Təzyiqi dərmansız azaltmağa kömək edən üsullar

big 1596986170 tzyEkspertlər dərman qəbul etmədən qan təzyiqini azaltmağa kömək edən bir neçə yoxlanmış metodun adını açıqlayıblar. 

Bu barədə məlumat “MedikForum” saytında yer alıb.

Piyada gəzinti

Təxminən 400 tədqiqatdan əldə olunan göstəricilərə əsasən müntəzəm fiziki məşqlər, o cümlədən gəzinti (kifayət qədər sürətlə) qan təzyiqini azaltmaq üçün geniş istifadə olunan QT (qan təzyiqi) preparatları kimi effektli nəticələr verir. Həftənin əksər günlərində azı 30 dəqiqə gəzmək xüsusilə faydalı sayılır.

Dərindən nəfəs almaq

 Həkimlər gündə iki dəfə bir neçə dəqiqə (ən azı beş dəqiqə) yavaş nəfəs verməyi və nəfəs çəkməyi məsləhət görürlər. Bütün bunlar, bədəndə qan təzyiqini, ürək döyüntüsünü artırmaqla qan damarlarını daraldan stres hormonlarını nəzarətdə saxlamaq üçün mühüm rol oynayır.

Kaliumla zəngin olan qidalar

 Mineralın sidik vasitəsilə böyrəklərdən daha çox natrium ifraz etməyə səbəb olması qan təzyiqini dərmansız azaltmağa kömək edir. Banan, kartof, pomidor, portağal suyu, lobya, noxud, qovun, gavalı, kişmiş kaliumla zəngin olan mənbələr sırasındadır.

Tünd şokolad

Cənubi Kaliforniya Universitetinin alimləri qeyd edirlər ki, tünd şokoladın orta hesabla müntəzəm olaraq qəbulu sistolik arterial (yuxarı) təzyiqi 5 bal, diastolik (aşağı) təzyiqi isə demək olar ki, 3 bal azaltmağa kömək edə bilər. Belə effektli nəticənin əldə olunması onun flavanol komponentlərinin qan damarlarını rahatlaşdırması ilə izah olunur.

Bir stəkan süd 

Alimlər iddia edirlər ki, bəzi hallarda yüksək qan təzyiqinə qidada saflaşdırılmış karbohidratlardan çox istifadə olunması nəticəsində yaranan iltihab səbəb olur. Bu sürətli karbohidratların bəzilərinin qismən süd proteini ilə əvəz edilməsi hipertoniya və hipertoniya öncəsi ərəfədə sistolik qan təzyiqini aşağı sala bilər.


Koronavirusa qarşı peyvənd hazırdır

sehiye103Rusiyada dünyada ilk olaraq COVİD-19 koronavirusuna qarşı peyvənd hazırlayıb.


milli.az xəbər verir ki, N.F.Qamaley adına Rusiya Epidemioloji və Mikrobioloji Tədqiqatlar Mərkəzində hazırlanmış peyvənd avqustun 12-də rəsmi qeydiyyatdan keçiriləcək.


Hazırda son sınaqlar mərhələsi başa çatır. Peyvənd Rusiyada ilk əvvəl qocalara və səhiyyə sisteminin əməkdaşlarına vurulacaq.


Mərkəzin direktoru Aleksadr Ginzburqun dediyinə görə, peyvənd vurulandan sonra pasiyentdə bədən temperaturu qalxa bilər.

"Bu orqanizmə yad antigenin yeridilməsi kimidir. İmmun sistemi işə düşür və bədən hərarəti təbii yolla artır. Klinik sınaqların nəticələrinə görə, peyvənd vurulandan sonra bədən temperaturu 38 dərəcəyə çata bilər. Bu, normaldır və temperaturun artımı problemi adi "parasetamol" həbi ilə həll olunur", - A.Ginzburq deyib.


“İkinci dalğa daha yüngül formada baş verəcək” - Professordan AÇIQLAMA

sehiye1035Azərbaycanda gündəlik koronavirusa yoluxanların sayı sürətlə aşağı düşür. Bundan əlavə gündəlik sağalanlar yoluxanların sayından 3 dəfə çoxdur. Yoluxanların dinamikası bu cür müsbət davam edərsə, Azərbaycanda ümumi karantin rejimi oktyabrda bitə bilərmi?

Yenisabah.az xəbər verir ki, bununla bağlı danışan professor Adil Qeybulla bildirib ki, vəziyyətə uyğun olaraq karantin rejimi yumşalmağa doğru gedir: “Xəstəxanalara müraciət edən xəstələrin sayının azalması, sağalanların sayının çoxalması müsbət dinamikadır. Qeyd edim ki, evdə müalicə olunanlar və qeydiyyatda olmayanlar da var. Ona görə də tam arxayın ola bilmərik. Amma bununla yanaşı epidemoloji vəziyyət yaxşılaşdıqca karantin rejimi də tədricən yumşaldıla bilər. Söhbət bizdə ikinci dalğanın olub-olmamasından gedir. Bunun üçün də gərək birinci dalğa sönsün ki, biz payız ayı üçün ikinci dalğadan danışa bilək.

Proqnozlaşdırılan odur ki, ikinci dalğa daha yüngül formada baş verəcək. Sadəcə payızda digər soyuqdəymə kimi bildiyimiz xəstələr də koronavirusa qoşula bilər. Ona görə də bir müddət karantin davranışları, yəni sosial məsafənin qorunması, maskanın taxılması və əllərin dizenfeksiya edilməsi kimi qaydalara payızın sonun kimi əməl edilməlidir. Pandemiyanın son zəngi vurulana kimi, Ümumdünya Səhiyyə Təşkilatı tərəfindən pandemiyanın bitməsi ilə bağlı açıqlama verilənə qədər karantin qaydalarına əməl edilməsi vacibdir. Amma karantin rejiminin yumşalması vacindir. Təkliflərimizi vermişik, mexanizmləri göstərmişik. Yəqin ki, zaman-zaman buna gediləcək. Amma ümumi karantin rejiminin nə zaman bitəcəyi ilə bağlı bir söz demək çətindir”.

araz.az

1 -dən səhifə 32

Əlaqəli xəbərlər