"Bayden və Harrisin ermənilərlə əlaqələri var, amma..." - Qubad İbadoğlu

thumb600x0co

“ABŞ-ın yeni Prezidenti Co Bayden vəzifəsinin icrasına başlayar-başlamaz Rusiyaya qarşı sanksiyalara hazırlaşır”.

araz.az  Azsiyasət.com-a istinadən xəbər verir ki, bunu ADR Hərəkatının sədri Qubad İbadoğlu deyib.

Hərəkat rəhbəri ABŞ-da keçirilən seçkilərdən sonra baş verən gəlişmələrə diqqət çəkib:

“Co Bayden bu gündən ABŞ-ın 46-cı prezidenti kimi işə çıxır. Onun administrasiyası ilk gündə ABŞ-da qanuni statusu olmayan 11 milyona yaxın qaçqına vətəndaşlıq üçün 8 illik bir yol xəritəsi təqdim edir, Meksika ilə sərhəddə divarların tikintisini dayandırır, Rusiyaya qarşı daha sərt sanksiyalara, Çinlə iqtisadi və ticari əməkdaşlığı genişləndirməyə hazırlaşır.

Bir sözlə, Bayden Tramp administrasiyasından miras qalmış bir çox problemləri qısa müddətdə həll etmək niyyətindədir. Hazırda demokratların istədiklərini etməyə gücü yetərincədir. Konqres bütövlükdə demokratların nəzarətindədir, onlar nümayəndələr palatasından sonra son seçkilərdə senatda da üstünlük qazanıblar”.

Qubad İbadoğlu Bayden və yeni vitse-prezident Kamala Harrisin ermənilərlə əlaqələrinin olduğunu da söyləyib:

“Yeni prezidentin istədiklərini etməyə siyasi iradəsi də kifayət qədərdir, yeganə fiziki imkanları zəif görünür, ona görə də Asiya mənşəli xanım vitse-prezident Kamala Harrisdən də gözləntilər çoxdur. Onların hər ikisinin bir böyük eyibi ermənilərlə sıx bağlarının olmasındadır. Adətən belə bağlar seçkidə rol oynasa da, ABŞ dərin dövlət idarəçiliyində əhəmiyyətini itirib. İzləyib, görəcəyik ki, bu dəfə də elə olacaq və qonşular həmişəki kimi yenə məyus qalacaqlar”.

Ukraynalı silahlılar Çeçenistanda ruslara qarşı vuruşurlar

1611172078 detail picture 576742

“Banda lideri Aslan Byutukayevin Çeçenistanda məhv olunan dəstəsinin tərkibində Ukraynadan gələn silahlılar da var idi”. 

araz.az Ovqat.com-a istinadən xəbər verir ki, bu barədə Rusiyanın Milli Terrorla Mübarizə Komitəsi məlumat yayıb.

“Xüsusi əməliyyatlar zamanı [son bir il ərzində], Byutukaev dəstəsinin 16 üzvü zərərsizləşdirildi, bunların arasında Ukraynadan gələn silahlılar da vardı. Beləliklə, vaxtında görülən tədbirlər nəticəsində çoxsaylı cinayətlərin törədilməsinin və insanların ölümünün qarşısını almaq mümkün oldu ”, - rəsmi açıqlamada belə deyilir.

Tramp xələfinə bir cümləlik məktubunda nə yazdı? "Co, özün də bilirsən ki...

1611169388 bestpix president trump delivers update on operation warp speed at white house 7 1605653988

ABŞ-da prezident seçkilərinin illərlə formalaşmış ənənələrindən biri köhnə rəhbərin yeni liderə öz postunu təhvil verərkən məktub yazmasıdır. 

araz.az  Ovqat.com-a istinadən xəbər verir ki, Tramp da bu ənənə sadiq qalıb.

Onun məktubu isə xeyli qısa olub: “Co, özün də bilirsən ki, seçkini mən qazandım”.



Donald Trampın bu bir cümləlik məktubu onun öz postunu təhvil verməklə razılaşmayacağını və prezidentlik kürsüsü uğrunda mübarizəsini davam etdirəcəyini göstərir. Təsadüfi deyil ki, bu gün Ağ evdən ayrılıb Florida ştatına uçmaq üçün getdiyi aeroportda Tramp tərəfdarlarına ünvanladığı müraciətində də bunu gizlətməyərək deyib: “Əvvəl-axır, yenidən geri qayıdacağıq”.
  
Müşahidəçilərin fikrincə, Trampın növbəti seçkilərə qatılaraq prezidentlik uğrunda mübarizə aparmaq şansı var və o, bundan istifadə edəcək. Hətta onun yeni partiya quraraq siyasi fəaliyyətini davam etdirəcəyi güman olunur. 



Qlobal iqtisadi rəqabətdə getdikcə Çinə uduzan ABŞ-da xalqın mühüm hissəsi Trampın apardığı mühafizəkar iqtisadi siyasətlə iqtisadiyyatı dirçəltdiyinə inanırdı. Əslində onun son seçkilərdə koronavirus sürprizi ilə qarşılaşmasaydı, rəqibindən müqayisəedilməz dərəcədə çox səs toplayacağı və seçkiləri şəksiz qazanacağı güman olunurdu. Pandemiya dövründə yürütdüyü uğursuz siyasəti nəticəsində nüfuzunu xeyli itirməsinə rəğmən, ABŞ seçicisinin yarısının səsini toplamağı bacarması da Trampa hələ də böyük rəğbət duyulduğunu təsdiqləyir.

Trampın yeni partiya quraraq fəaliyyətini davam etdirməsinin ən böyük zərbəsinin Respublikaçılara dəyəcəyi düşünülür. Bəzi iddialara görə, o, indiyədək təmsilçisi olduğu Respublikaçı elektoratın 70%-i  tərəfindən dəstəklənir. Hətta ABŞ-da Trampizm deyilən bir cərəyanın yarandığı bildirilir. 

Yeni hakimiyyətin xarici və daxili siyasətdə yaşayacağı uğursuzluqlar, xüsusilə iqtisadi zəifləmə Trampizmin ciddi şəkildə böyüməsinə yol aça və hər iki partiyanın sosial dayaqlarını laxlada bilər. İddialara görə, ABŞ-ın hər iki ənənəvi partiyası məhz bundan çəkindiyinə görə, Trampı impiçment etmək istəyirlər. Zira vəzifədə olmasa belə, onun barəsində verilmiş impiçment qərarı növbəti dəfə seçkilərə qatılmasını əngəlləmək işinə yaraya bilər. Əgər bu baş verərsə, ABŞ-da Tramp tərəfdarlarının sayının daha da artaracağından çəkinilir. 

Qısası, Tramp hələ uzun müddət ABŞ-ın boğazında ilişib qalan kal armuda çevriləcək.

Putinin milyardlıq sarayı üzə çıxdı - FOTOLAR

thumb600x0 3PUTAleksey Navalnının Antikorrupsiya Fondu yanvarın 19-da yeni araşdırma yayıb. Filmdə Qara dəniz sahilində Rusiya Prezidenti Vladimir Putinin tikdirdiyi iddia olunan dəbdəbəli imarətdən söz açılır.

Bu tədqiqat yayılandan bir gün öncə müxalifət lideri, Kremlin tənqidçisi Berlindən Moskvaya qayıdan kimi 30 sutkalığa həbs olunub, “Matrosskaya Tişina” təcridxanasına yerləşdirilib.

“Putin üçün saray” adlanan araşdırmada iddia olunur ki, Qara Dənizin eksklüziv "Gelencik" buxtasındakı imarətin qiyməti azı 100 milyard rubldur (1.35 milyard dollar). Məlumata görə, ərazidə kilsə, 2.500 kvadrat metrlik istixana, amfiteatr, bir neçə yaşayış binası və sahilə aparan xüsusi tunel var.

Sarayın ərazisi 17 min 691 kv. metrdir, orada ev teatrı, bar, kazino, oyun avtomatları olan lobbi, üzgüçülük hovuzu yerləşir. Araşdırmada əmlakın içindən ilk dəfə yayıldığı bildirilən fotolar da yer alıb. Rusiya lideri isə bu mülklə heç bir əlaqəsi olmadığını bildirir. Rusiya siyasi müxalifəti üçün bu əmlak dövlətin başından gələn, sürətlə yayılan korrupsiyanın simvoludur.

“Bu, Rusiyada ən çox qorunan yerdir, dövlət içində dövlətdir, Putinin böyük sirridir. Buranı yüzlərlə, hətta minlərlə insan qoruyur...”, – "YouTube" sosial şəbəkəsində yerləşdirilmiş 2 saata yaxın video belə başlayır.

Araşdırmada iddia olunur ki, Monakodan 39 dəfə böyük olan mülkiyyət “elə tikilib ki, ona qurudan, dənizdən, yaxud havadan yaxınlaşmaq mümkün olmasın”. 7 min hektarlıq bufer zonanın Rusiyanın Federal Təhlükəsizlik Xidmətinə (FSB) aid olduğu, sarayın sahibi olan şirkətə kirayə verildiyi bildirilir. Əmlak üzərindəki ərazidə qeyri-uçuş zonası tətbiq olunub.

Tədqiqata görə, ərazidə çalışan minlərlə işçi üstlərində kamerası olan adi mobil telefon da gəzdirə bilməz, buraya gələn bütün avtomobillər isə bir neçə məntəqədə yoxlamadan keçir.

Videoda təqdim olunan fotolarda əksini tapan dəbdəbəli interyeri rusiyalıların çoxunun heç vaxt görmədiyi deyilir.

“Bu gün sizə Putinin əsas sirrini – onun sarayını göstərəcəyik... Bundan sonra əmlakın hər bir otağı, hər bir dəhlizi, hər bir kvadrat metri ictimai əmlakdır. Rusiyalılar Putinin evini ziyarət edə biləcəklər”, – araşdırmada vurğulanır.

“Putinsarayı” 2005-2010-cu illərdə inşa edilib. 2010-cu ildə rusiyalı biznesmen Sergey Kolesnikov o vaxtkı prezident Dmitri Medvedevə açıq məktubunu yayandan sonra Rusiyadan qaçıb. 

Məktubda Putinin göstərişilə Qara Dəniz sahilində dəbdəbəli sarayın tikildiyi, qanunsuz yollarla oraya milyard dollar xərcləndiyi iddia olunurdu.

Tədqiqatda deyilir ki, əmlak hazırda “Binom” adlı şirkətə məxsusdur, şirkəti isə Putinin bacısı oğlu Mixail Şelomova yaxın şəxslər idarə edir. Ancaq araşdırmada əmlakın əsl sahibinin Putin olduğu iddia edilir.

Kremlin sözçüsü Dmitri Peskov hesabatı görmədiyini deyib, ancaq onu köhnə iddialar adlandıraraq rədd edib. O, Putinin belə bir əmlakı olmadığını söyləyib.

“Bu araşdırmayla tanış deyiləm, amma dərhal deyə bilərəm ki, köhnə söhbətdir. Çox illər qabaq izah elədik ki, Putinin Gelencikdə heç bir sarayı yoxdur”, – Peskov yanvarın 19-da “Interfax”a deyib.

Xatırladaq ki, 44 yaşlı Navalnı yanvarın 17-də axşam Şeremetyevoda özünün və tərəfdarlarının siyasi adlandırdığı ittihamla həbs olunub. 

Navalnı avqustda Sibirdə zəhərlənib və bunu birbaşa Putinin sifariş etdiyini deyir. Navalnının saxlanması qlobal miqyasda qəzəb doğurub, bir sıra ölkə liderləri Putini Kremlin tənqidçisini dərhal azad etməyə çağırırlar.

Azadlıq radiosu

Baydenin andiçməsində Azərbaycanı kim təmsil edəcək?

bayden e1610012070964

Azərbaycanın ABŞ-dakı səfiri Elin Süleymanov Birləşmiş Ştatların yeni seçilmiş prezidenti Cozef Baydenin andiçmə mərasimində rəsmi Bakını təmsil edə bilər.

araz.az xəbər verir ki, bunu Report-a Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva deyib.

“Mövcud təcrübəyə əsasən, bir qayda olaraq ABŞ prezidentinin andiçmə mərasimində bu ölkədəki diplomatik nümayəndəliklərin rəhbərləri iştirak edirlər. İndiki mərhələdə andiçmə mərasimi ilə bağlı bu təcrübə tətbiq olunacaq”, – o, vurğulayıb.

XİN sözçüsü bildirib ki, hazırda Azərbaycanın mərasimdə iştirakı ilə bağlı konkret dəqiqləşmə yoxdur:

Hazırda vəziyyət elədir ki, bir sıra proseslər gedir: hazırlıq və s. Ancaq yanvarın 20-si dəqiq məlum olacaq. İndiki pandemiya şəraitində ABŞ prezidentinin andiçmə mərasiminin hansı formada keçiriləcəyinə aydınlıq gətirilməlidir”.

Xatırladaq ki, 2020-ci ilin noyabr ayının 3-də ABŞ-da prezident seçkiləri keçirilib. Yekun nəticələrə görə, müxalif Demokratlar Partiyasının namizədi, 79 yaşlı senator Cozef Bayden Respublikaçılar Partiyasının təmsilçisi, hazırkı prezident Donald Trampa qalib gəlib. Yanvarın 20-də C.Bayden prezident kimi and içəcək.

1 -dən səhifə 135

Əlaqəli xəbərlər