Qubadlı sakini tank əleyhinə minaya düşdü - 49 yaşlı sürücü ağır yaralandı + Açıqlama

mina partlamajpg 1605369670partProkurorluq Ağdamdakı mina partlayışı ilə bağlı məlumat yayıb.

Rayon prokurorluğundan araz.az-a daxil olan məlumatda deyilir:

"21 sentyabr 2021-ci il tarixdə saat 01 radələrində Ağdam rayonunun Qərvənd kəndi ərazisində təmir işləri aparan zaman “Körpü-Bina-Tikinti” MMC-yə məxsus ekskovator yükləyici traktor ilə sürücü 1972-ci il təvəllüdlü Zəfər Ağayevin tank əleyhinə minaya düşməsi nəticəsində müxtəlif dərəcəli bədən xəsarəti alıb.

Prokurorluq əməkdaşları tərəfindən hadisə yerinə baxış keçirilib, məhkəmə-tibb ekspertizası təyin edilib, digər prosessual hərəkətlər yerinə yetirilib.

Faktla bağlı Ağdam Rayon Prokurorluğunda araşdırma aparılır".

                                                                 ***

Ağdam rayonunda yol tikintisi zamanı istifadə edilən ekskavator tank əleyhinə minaya düşüb.

Məlumata görə, rayonun Qərvənd kəndi ərazisində baş verən hadisə nəticəsində Qubadlı sakini, 1972-ci il təvəllüdlü Ağayev Zəfər Yunis oğlu ağır yaralanıb, texnikaya ciddi ziyan dəyib.

Partlayış zamanı yaralanan şəxs Bərdə Mərkəzi Rayon xəstəxanasına yerləşdirilib

 

 

araz.az xəbər portalı.

İş adamının səs-küylü qətlini araşdıran prokuror həbs olundu

mehkemeisad

Baş Prokurorluğun Ağır Cinayətlərə Dair İşlər üzrə İstintaq İdarəsinin sabiq müstəntiqi dələduzluqda təqsirləndirilərək hakim qarşısına çıxarılıb və məhkəmə zalında həbs edilib.

araz.az  Musavat.com-a istinadən xəbər verir ki, sabiq müstəntiq 1985-ci il təvəllüdlü Orxan Hacıyev Cinayət Məcəlləsinin 178.2.3 maddəsilə təqsirli bilinib.

Nəsimi rayon Məhkəməsində baş tutan sonuncu prosesdə hökm oxunub. Hökmə əsasən Orxan Hacıyev 2 il müddətinə azadlıqdan məhrum edilib. Ev dustaqlığına olan Orxan Hacıyev məhkəmə zalında qandallanıb.

İttihama görə, Orxan Hacıyev Xaçmazda baş verən qətlin istintaqı zamanı pul alıb.

Bildirilir ki, o, yaşadığı evdə qətlə yetirilmiş İlqar Məmmədovun ölümüylə bağlı cinayətin üstünün açılması, şübhəli şəxsin İnterpol xəttiylə axtarışa verilməsindən ötrü mərhumun oğlu və xanımından 5000 manat pul alıb.

Qeyd edək ki, Orxan Hacıyev həmin qətllə bağlı araşdırma aparan istintaq qrupunun rəhbəri olub. O, istintaq qrupunun üzvlərilə birlikdə Xaçmaza ezam olunub. Mərhumun oğlu Vüqar Məmmədov iddia edir ki, rayon prokurorluğunda istintaq qrupunun üzvü İlqar Babayev ondan pul istəyib, deyib ki, istintaqçıların rayonda qalması, kirayə və s. məsələlərə xərcləri çıxır, onu ödəmək lazımdır. Məmmədovun sözlərinə görə, o gətirib prokurorluğun binasında istintaq qrupunun rəhbərinə 2000 manat pul, bir blok da siqaret verib.

Elə həmin ərəfədə təqsirləndirilən şəxslərdən Qalib Kərimov həbs edilib. Bir müddət sonra hadisədə şübhəli bilinən Vüsal Rüstəmovun ölkədə olmadığı müəyyənləşib. Zərərçəkmişin sözlərinə görə, onun İnterpol xəttiylə axtarışa verilməsi üçün Hacıyevin özü ondan pul istəyib. Bu dəfə də anası Arzu Orucova aparıb 3000 manatı istintaq qrupunun rəhbərinə verib.

Daha sonra istintaqın gedişindən, özəlliklə atası öldürüləndə evdən götürülən pulun 1.5 milyon yox, 80 min göstərilməsindən narazı qalan zərərçəkmiş müstəntiq Hacıyevdən şikayət etməyə başlayıb. O, Baş Prokurorluğun İstintaq İdarəsinin kliminalistika şöbəsinin rəhbəri Pərviz İbayevin (hazırda Nizami rayonunun prokurorudur-red.) qəbulunda olub, Hacıyevin ondan 5000 manat aldığını deyib, pulu geri istəyib: “Pərviz İbayev dedi ki, şikayət etməyə əsas yoxdur, pul qaytarılacaq. Bir neçə gün sonra Orxan Hacıyev “İnşaatçılar” metrosunun yaxınlığında 3000 manatı qaytardı. O, görüşdə qalan 2000 manatı bağışlamağımı istədi. Sonra bir daha Pərviz İbayevin qəbulunda oldum. O, Orxan Hacıyevə zəng elədi. Qalan 2000 manatı da dərhal qaytardı”.

Məhkəmədə ifadə verən Hacıyev isə qarşı tərəfin ona böhtan atdığını söyləyib. Onun sözlərinə görə, Xaçmazda olanda kredit ödənişinin vaxtı olub. Ödənişin gecikməməsi üçün mərhumun oğlundan cəmi 300 manat borc alıb. Sonradan 200 və 100 manat olmaqla, iki dəfəyə borcu qaytarıb: “Xaçmazda olanda “Bolkart” kreditinin vaxtı çatmışdı, maaş kartım ezamiyyətə gedəndə evdə qalmışdı. Vüqar kabinetimdə olanda SMS gəldi ki, 315 manat borc yaranıb, mən də qeyri-iradi deyindim. Soruşdu ki, nə məsələdi, əvvəl demədim, sonra dedim. Vüqar dedi ki, işin üstünün açılması üçün nə qədər əziyyət çəkmsən, rayona qonaq gəlmisən, o pulu tapacaq”.

Keçmiş müstəntiqin sözlərinə görə, razılaşmasa da, ertəsi gün Məmmədov bir blok siqaret və 300 manat pulla gəlib. O, siqaretin pulunu verib, 300 manatı isə borc şərtilə götürüb.

Hacıyev vurğulayıb ki, qarşı tərəf cinayət vaxtı evlərindən 1.5 milyon manat oğurlanmasıyla bağlı təqsirləndirilən şəxslərə ittiham verilməsini istəyirdi. O isə işin hallarına uyğun məbləği yazmışdı. Buna görə aralarında narazılıq yaranıb: “İkinci təqsirləndirilən şəxsi Qazaxıstandan ekstradisiya etdirmişdim. Ona da ilkin istintaqda 80 min dollarla ittiham elan olunmuşdu. Bunu biləndə Vüqar məndən şikayətlər etməyə başladı. Vüsalın Rusiyada yaşayan atası Arifi də məsuliyyətə cəlb etməyimi istəyirdi, deyirdi ki, Arif pulu ödəyəcək, bölərik. Mən razılaşmadım”.

Məmmədov prokurorluğa diskdə Hacıyevlə aralarındakı söhbətin gizli səs yazısını da təqdim edib. Keçmiş müstəntiq deyir ki, həmin yazı birinci dəfə “İnşaatçılar” metrostansiyasının yaxınlığında 200 manatı ona qaytaranda yazılıb.

Hacıyev onun işini aparan istintaqdan da narazı qalıb. O, məhkəmədə ifadəsində bildirib ki, Korrupsiyaya Qarşı Mübarizə İdarəsində istintaq obyektiv aparılmayıb. Ona görə də müstəntiqə ifadə verməkdən imtina edib: “İşdən əsassız xaric olundum, cinayət işi başlandı. Müstəntiq Rəfael Süleymanova 300 manatı borc aldığımı demişdim. O bildirmişdi ki, bunu ifadəmdə yazsam, rüşvət kimi qiymətləndirilə bilər, daha ağır ittiham verilər. Mən 9 il prokurorluqda işləmişəm, dələduzluqla borcun fərqini yaxşı bilirəm. Korrupsiyaya Qarşı Mübarizə İdarəsində istintaq tam qanunsuz aparılıb”.

Nəsimi rayon Məhkəməsinin hakimi Azər Tağıyev sabiq müstəntiqin dediklərini özünümüdafiə cəhdi kimi qiymətləndirib. İstintaq və məhkəmə dövründə azadlıqda olan Hacıyev hökm elan ediləndə məhkəmə zalında həbs olunub.

Bildirək ki, Xaçmazdakı qətlə görə Vüsal Rüstəmov, Firudin Axverdiyev və Qalib Kərimov həbs edilib.

Məhkəmənin hökmü ilə Qalib Kərimov və Vüsal Rüstəmov 20 il, Firudin Axverdiyev isə 18 il müddətinə azadlıqdan məhrum edilib.

İttihama görə, təqsirləndirilən şəxslər cinayətkar dəstə yaradaraq, Xaçmazda quldurluq, oğurluq cinayətləri ilə məşğul olublar. Onlar rayon sakini Nəzakət Hacıyevanın evinə girərək onu zəhərləyib öldürüblər və evindən 10 min manat pul götürüblər. Daha sonra həmin mənzili yandırıblar. Qadının meyiti də yanıb.

Dəstə üzvlərinin digər cinayət əməli barədə ittihamda yazılır ki, onlar əvvəlcədən hazırladıqları plan üzrə topdansatış mərkəzi olan İlqar Məmmədovun evinə daxil olublar. İlqar Məmmədovu bıçaqla qətlə yetirərək evindən 289 min manat pul və qızılları götürüblər. Qalib Kərimov özünü qismən təqsirli bilib, Firudun Axverdiyev və Vüsal Rüstəmov isə özlərini təqsirli bilməyiblər.

Hadisə ötən il iyunun 16-da Xaçmazda baş verib. Ərzaq mallarının topdan satışıyla məşğul olan İlqar Məmmədovun meyiti evinin həyətində tapılıb. Polis və prokurorluq orqanları əməkdaşlarının həyata keçirdikləri əməliyyat-axtarış tədbirləri nəticəsində İ.Məmmədovun qarət məqsədilə qətlə yetirildiyi məlum olub.

İşlə bağlı şübhəli bilinən Xaçmaz rayon sakinləri Qalib Kərimov və Firudin Axverdiyev həbs edilib. Dəstənin digər üzvü V.Rüstəmov isə ölkədən qaçıb. 1984-cü il təvəllüdlü Rüstəmov Vüsal Arif oğlunun Rusiyaya, oradan da Qazaxıstana qaçması müəyyən edilib. O, Qazaxıstanda tutularaq Azərbaycana təhvil verilib.

 

 

araz.az xəbər portalı.

Azərbaycanda sensasiyalı hadisə: şəhid anasını oğlunun sağ olduğuna inandıranların ikrah doğuran əmələri ifşa olundu - VİDEO

ccc03ddd 0d72 3ad1 ab0b a54fb53705a0jpg 1632152267

Vətən müharibəsində iştirak edərək qəhrəmancasına həlak olmuş şəhidlərimizdən birinin qohumlarının Daxili İşlər Nazirliyinə etdikləri müraciətlə əlaqədar zəruri əməliyyat tədbirlərinə başlanılıb.

araz.az  DİN-ə istinadən xəbər verir ki, araşdırma zamanı həmin şəhidin döyüşlərdə həlak olandan sonra yaşadığı rayonda dəfn edildiyi, bundan sonra onun anasının övladının bəlkə də, dünyasını dəyişmədiyini, şəhidin isə başqa birisi olduğunu zənn edərək çıxış yolunu “falçı”lara müraciət etməkdə gördüyü müəyyən edilib.

Bu məqsədlə o, Xəzər rayonunda yaşayan və “falçı” kimi tanıdığı bir qadına müraciət edib.

Həmin şəxs 100 manat pul müqabilində “fala” baxaraq övladının dünyasını dəyişmədiyini və əsirlikdə olduğunu anasına bildirərək onu aldadıb. Sonradan falçının oğlu İxtiyar Orucov və şəhidin yaxın qohumu Balaxan Hüseynlinin ünsiyyətləri yaranıb və onlar əlbir olaraq şəhidin ailə üzvlərinə dövlət tərəfindən ayrılan pulu, eləcə də onların əlində olan əlavə maddi vəsaitləri dələduzluq yolu ilə ələ keçirmək barədə razılığa gəliblər.

Bundan sonra adları çəkilən şəxslər öz çirkin əməllərini həyata keçirmək üçün şəhidin fotolarını montaj edərək guya onun əsirlikdə sağ olmasını özündə əks etdirən yeni şəkillər hazırlayıblar. Bu şəxslər hətta qrim ustasının yanına gedərək guya şəhid haqqında sənədli film çəkiləcəyini qeyd ediblər.

Balaxan Hüseynlinin qrimdən istifadə edərək şəhidə bənzədilməsinə nail olublar. Balaxan Hüseynlinin qrimlənmiş şəkillərini və videogörüntülərini şəhidin anasına göstərərək onu övladının sağ olduğuna inandırmağa nail olublar. Niyyətlərini həyata keçirmək məqsədi ilə mərhumun qohumu Balaxan Hüseynli öz səsini şəhid qohumunun səsinə bənzədərək bir neçə dəfə İxtiyar Orucovun telefonu ilə şəhidin anası ilə danışıb və sağ olduğuna dair onlarda yalnış təsəvvür yaradıb. Daha sonra hər iki şəxs şəhidin anasından və qohumlarından pul almaq üçün guya əsirlikdə olan övladlarını qonşu ölkələrdən biri vasitəsi ilə Azərbaycana gətirəcəkləri adı ilə aldadıb bu məqsədlə onladan 100 min manat pul istəyib və müxtəlif vaxtlarda hissə-hissə şəhidin qohumlarından 26 min 800 manat alıblar.

Faktla bağlı Daxili İşlər Nazirıiyinin Baş Mütəşəkkil Cinayətkarlıqla Mübarizə İdarəsində Cinayət Məcəlləsinin müvafiq maddələri ilə cinayət işi başlanılıb. İxtiyar Orucov və Balaxan Hüseynli tutularaq hər iki şəxsə ittiham elan edilib və məhkəmənin qərarı ilə barələrində həbs qətimkan tədbiri seçilib. Onlar şəxs ifadələrində törətdikləri qanun pozuntusunu etiraf ediblər. Hazırda həmin cinayət əməlinin digər iştirakçılarının olub-olmamasının müəyyən edilməsi istiqamətində zəruri əməliyyat-istintaq tədbirləri davam etdirilir.

 

araz.az xəbər portalı.

İdarə rəisinin evindən 1.4 milyon manat necə oğurlanıb?

manat34

Bakı Metropoliteninin Mexanikləşdirmə İdarəsinin sabiq rəisi Aslan İskəndərovun evindən 1,4 milyon manat oğurlamaq məqsədilə evinə basqın edən şəxslər cinayəti necə planladıqlarını etiraf ediblər.

araz.az Qafqazinfo-ya istinadən xəbər verir ki, 5 nəfərlik dəstə sabiq rəisin külli miqdarda pulunu ələ keçirmək məqsədilə qabaqcadan əlbir olub onun mənzilinə girməyə cəhd ediblər. Məhkəmə materiallarına görə, onlar evdə olan ailə üzvlərinə zor tətbiq edərək A.İskəndərovun arvadı, qızı və bacısı qızına xəsarət yetiriblər.

Təqsirləndirilən şəxslər istintaqa verdiyi ifadələrdə bu işi özbaşına təşkil etmədiklərini, hər şeyi sabiq rəisin həyat yoldaşı G.İ. və rəfiqəsinin planladığını bildiriblər.

Məhkəmədə dindirilən zaman təqsirləndirilən Mirafiq V. oğurluğun G.İ. və rəfiqəsi Tacirə tərəfindən təşkil edildiyini deyib: “2011-ci ildə Tacirə adlı baxıcı ilə tanış olmuşdum. O, qardaşı Anarın imkanlı və evli bir qadınla münasibətinin olduğunu deyib, onların birgə şəkillərini mənə göstərdi. Tacirə qadının əri ilə münasibətlərinin pozulduğunu, yaşadığı mənzildə ərinə məxsus seyfdə 1 milyon 400 min manat pul olduğunu bildirdi. Təklif etdi ki, mən bir neçə adam tapım və pulları evdən oğurlayaq. G.İ.nın özünün də bu işə razı olduğunu bildirdi. Hətta mənim yanımda onunla videozənglə danışdı, o da seyfin yerini Tacirəyə göstərdi. Tacirə ilə danışığımız belə oldu ki, G.İ. özü oğurluğa girməyimiz üçün şərait yaradacaq. Qadın evdən çıxanda qapını açıq qoyub çıxacaq, biz də evə girib seyfi götürəcəyik. Bu iş üçün Saray qəsəbəsindəki tanışlarım Nəsimi, İskəndər, Nicat və Ruslanla danışdım. Evə girib G.İ.nin ağzını tutub, ona fiziki güc tətbiq etmək görüntüsü yaradacaqdıq. Tacirənin planına əsasən, qadına təzyiq olunmalı, mənzildən seyf götürüləndən sonra əşyalar dağınıq vəziyyətə salınmalı, mənzildə  oğurluq hadisəsi olması görüntüsü yaradılmalı idi. Qadının qızı şübhələnməsin deyə bir nəfər də onun ağzını tutmalı idi. Mənzildən götürüləcək pulun 400 min dolları G.İ-yə çatacaqdı. Qalan pulu isə Tacirə, mən və evə girən şəxslər arasında böləcəkdik”.

5 nəfərlik dəstə planlaşdırdıqları oğurluğu həyata keçirmək üçün sabiq rəisin evinə yollanıblar. G.İ. qızı və bacısı qızı ilə birlikdə mənzildən çıxanda dəstə onlara hücum edib. Lakin hadisə zamanı qadın dəstənin işinə mane olub və onlara evə girmək üçün şərait yaratmayıb. Xanımlar qışqırmağa başlayıblar, onların qışqırıqlarına qonşular gəlib və dəstə üzvləri qaçmalı olublar. Həmin vaxt Aslan İskəndərov da evdə olub.

Təqsirləndirilən şəxslər ifadələrində bildiriblər ki, hadisə onlara deyilən kimi olmayıb. Onlar mənzilin qapısına çatanda G.İ.yə yaxınlaşıb işarə ediblər ki, sussun və şərait yaratsın ki, evə girib pulları götürsünlər. Amma qadın və qızı səs-küy salmağa başlayıb. Dəstə üzvləri həmin vaxt başa düşüb ki, qadının bu işdən xəbəri yoxdur.

Aslan İskəndərov ifadəsində bildirib ki, evdə həqiqətən seyf olub: “Arvadım ilə həmişə yaxşı münasibətimiz olub. Evimizdə həqiqətən seyf var idi, amma onun içində 1,4 milyon yox, cəmi 700 manat pul və mənə aid sənədlər olub. Hadisə vaxtı hamamda olmuşam. Birdən qışqırıq səsləri eşitdim. Çölə çıxanda qadınlar tələsik özlərini evə atdılar, həyəcanlı vəziyyətdə “çıxma, dörd nəfərdilər” dedilər. Qızların ağzından qan gəlirdi”.

G.İ. isə ifadəsində təqsirləndirilən şəxslərdən heç kimi tanımadığını deyib: “Qızımın iş yerində Tacirə adlı qadınla tanış olmuşdum. Tacirə də məni Xanımzərlə tanış etmişdi. Onlar evimizə gedib-gəliblər. Hətta Tacirə bizi Göygöldə ata evində qonaq edib. Tacirənin qardaşı ilə münasibətim olmayıb. O, bir dəfə mənzilə kondisioner quraşdırmaq üçün ustalar gətirib, bu qədər. Hadisə günü ərim evdə olduğundan qapını açarla bağlamadım. Liftin gəlməsini gözləyəndə iki nəfər oğlanın mənzilin qapısına tərəf gəldiyini gördüm. Onlar bizə zor tətbiq etdilər. Daha sonra oğlanı itələyib qışqırdım. Onlar bizi döydülər. Qızların qışqırıq səslərinə qonşular çıxdı. Bunu görən oğrular qaçdılar”.

Bakı Ağır Cinayətlər Məhkəməsinin hökmü ilə Mirafiq.V 13 il, digərləri 12 il azadlıqdan məhrumetmə cəzasına məhkum edilib.

 

araz.az xəbər portalı.

ELDAR HƏSƏNOVUN ÖZÜNÜ YOX, HÜQUQUNU MÜDAFİƏ EDİN Kİ...

eldar hs
Bu status sabiq Baş Prokuror, sabiq səfir... Eldar Həsənovun qızı Səbinə Hüseynovaya məxsusdur: "Bu gun atam Eldar Həsənovun qondarma itthamlarla bağlı novbeti mehkemesi oldu. Sehheti o geder ağır idi ki, ne ozu, ne de vekilleri prosesin kecirilmeyeceyine emin idiler. Ancaq onu ele ağır vəziyyətde mehkemeye getirdiler. Prosesin ilk anındaca hushunu itirdi. Atamı muayine etmek ucun gelen tecili yardim işçileri özleri bele şokda idiler . mehkemenin dehlizinde atama suni nefes aparatı qosuldu ve sistem goyuldu. Bu hansi edalete sığır? Bunu o adama edirler ki, musteqillikden sonra olkenin huquq-muhafize orqanlarinin qurucularindan olub. Bir ovlad kimi onun dilinden "Qizim menim sonum yaxinlasir" ifadesini esitmek cox ağır idi...".
Nə baş verir? Çox maraqlıdır... Ya ortada nəsə siyasi məsələ var, real və ya uydurulma olmasından asılı olmayaraq... Həqiqət aydınlaşdırılmalıdr. Ölkənin sabiq Baş Prokuroru, sabiq səfir... Tanınmış bir insana qarşı bu necə məhkəmədir? Dövlətin milyonlarını mənimsəyən Yevlaxın sabiq başçısı Qoca Səmədov dünən ev dustaqlığına buraxılır, Eldar Həsənov isə... Heç nə başa düşmürəm. Prezidentə, dövlətə sadiq olmuş bir şəxsin ətrafında nə baş verir???
 Baxıram, hamı Eldar Həsənovla bağlı FB-dəki statusuma cavab kimi yazır ki, "Allah kömək olsun!". Ay balam, başına döndüyümün işi-gücü başdan aşır, vaxtı yoxdur belə "zakaznoy" işlərə müdaxilə eləsin, əlində daha ciddi-dünyəvi işlər var. Düzdür, nəzarətindədir, amma vəkillər, tanınmışlar, vaxtilə Eldar Həsənovun əllərindən, ayaqlarından öpənlər... başına döndüyümə yaxın olanlar vasitəsilə ona namə çatdırmalıdırlar ki, ey yeri-göyü, bizi, Azərbaycanı-Qarabağı, Naxçıvanı, Şuşanı, Ağdamı... yaradan, bu məsələyə müdaxilə elə, böyüklüyün eşqinə tədbir gör, bu qədər də olmaz axı... Bunu yazıb deyən isə hələki görünmür. Hansı ki, mən 1996-97-də redaksiya ilə bağlı bir cinayət işinə görə E.Həsənovun qəbuluna getmişdim, qapısında bir dəstə tanınmış vardı. İndi o tanınmışlar yoxa çıxıb, Eldar Həsənovu tanımırlar... Sonra da deyirlər ki... Ki...
*** 
...Şəxsən mən Eldar Həsənovun işindəki elan olunmuş ittihamdan başqa daha nəyin olduğunu bilmirəm... Amma bütün hallarda, ölkənin kifayət qədər tanınmış bir şəxsi ilə istintaq zamanı və məhkəmə prosesində belə davranma cəmiyyət üçün zərərlidir. Tariximizdə tarix yazan Ali Baş Komandan İlham Əliyevin komandasında zərgər dəqiqliyi ilə görülən işləri və fəaliyyəti belə bir narahat notlarla zədələməyə çalışan azmıdır! Bilirsiniz... 30 il ərzində torpaqlarımızı işğal etmiş, əsir və girovlarımıza olmazın işgəncələr vermiş, qeyri-insani davranışlar etmiş, şəhər və kəndlərimizi dünyanı şoka salan səviyyədə dağıdıb viran qoymuş, dövlətçiliyimizə ağır zərbələr vurmuş, Azərbaycanın məhvinə hesablanmış əməllər törətmiş... ermənilərin istintaqı və məhkəməsi də yadımızdadır... Livanlı terrorçu Maralın dərhal buraxılmasını da unutmamışıq... Deməli, Eldar Həsənov onlardan betər qatı və zərərli cinayətkar imiş!!! Başqa sözüm yox.
 Amma inanıram ki, Prezident İlham Əliyev bu məsələyə mütləq müdaxilə edəcək, Eldar Həsənovun günahlarına görə cəzalandırılmasına göstəriş verəcək. Burada söhbət Eldar Həsənovun özünün deyil, Konstitusiyamızda və Azərbaycan CPM-də yazılmış hüquqlarından gedir... Göydə Allahın, yerdə isə Prezidentin bu məsələdə qərarı isə çox vacibdir!!! Mən şəxsən şahidiyəm və bilirəm ki, İlham Əliyev həmişə ədalətin və haqqın tərəfində olub!
 
Asif MƏRZİLİ

1 -dən səhifə 117

Əlaqəli xəbərlər