“Broker Əbülfəz"dən xəbər var

ebulfez6.jpg

“Broker” MMC-nin rəhbəri Əbülfəz Məlikov barəsində seçilmiş həbs qətimkan tədbirinin uzadılması ilə bağlı təqdimata baxılıb.

araz.az  APA-ya istinadən xəbər verir ki, Səbail Rayon Məhkəməsində keçirilən iclasda istintaq orqanının təqdimatı əsaslı hesab olunub.

Qərara əsasən, Əbülfəz Məlikov barəsində həbs qətimkan tədbirinin müddəti 2 ay uzadılıb.

Qeyd edək ki, Əbülfəz Məlikov Dövlət Təhlükəsizliyi Xidmətində (DTX) Dövlət Gömrük Komitəsinin yüksək vəzifəli şəxsləri barəsində davam edən cinayət işi çərçivəsində saxlanılıb.

Şirkət rəhbəri barəsində Cinayət Məcəlləsinin 209.3 (gömrük ödənişlərinin ödənilməsindən yayınma, xüsusilə külli miqdarda törətdikdə), 213.3 (vergiləri ödəməkdən yayınma - xüsusilə külli miqdarda törədildikdə) və 313 (vəzifə saxtakarlığı) maddələri ilə cinayət işi başlanıb.

İş üzrə ibtidai istintaq davam edir.

araz.az xəbər portalı.

Məhkəmə-Hüquq Şurası Sumqayıt İnzibati Məhkəməsinin hakimi İsmayıl Quliyevi cəzalandırdı

big_1670223931_sumq.jpg

Məhkəmə-Hüquq Şurası Sumqayıt İnzibati Məhkəməsinin hakimi İsmayıl Quliyevi cəzalandırdı…


İsmayıl Quliyev heç bir səbəb olmadan süründürməçilik edərək, işi 2 il 10 ay uzadıb…

Cəzalanmış hakim İsmayıl Quliyevlə Vəkillər Kollegiyasından qovulmuş Sevil Hacıyevanın işbirliyi…

Hakim olmayan torpağa necə çıxarış verə bilər ?

araz.az bildirir ki, Sumqayıt İnzibati Məhkəməsinin hakimi Quliyev İsmayıl Rza oğlu barəsində, NUH.az, redaksiyaya daxil olan şikayətlər əsasında media üzərindən araşdırma aparmalı olub. Öncə İsmayıl Quliyevin ömür yoluna, avtobioqrafiyasına nəzər salıb. İsmayıl Quliyev 1974-cü ildə ( harada..?) anadan olub. 2000-ci ildə, yəni 26-27 yaşında Naxçıvan Dövlət Universitetinin Hüquq fakültəsini bitirib. Bəs, aradakı illərdə İsmayıl Quliyev harada olub..? İsmayıl Quliyev hərbi xidmətdə olubmu..? Olubsa, niyə tərcümeyi-halında yazmır..? Ümumiyyətlə, maraqlıdır ki, İsmayıl Quliyev 1991-1995-ci illərdə harada olmağını niyə rəsmi tərcümeyi-halında qeyd etmir..? Biz kiminsə tərcümeyi-halına kölgə salmaq fikrindən uzağıq. Amma heç kimə sirr deyil ki, bu gün hüquq-mühafizə orqanlarında, məhkəmələrdə, vəkillər arasında xeyli sayda saxta diplom sahibləri var. Nəhayət, İsmayıl Quliyev hansısa “Rəqabət” kooperativində özünə iş tapır və 2001 – 2008-ci illərdə “Rəqabət” kooperativində işləyir.Və İsmayıl Quliyev yenə 3 il ( 2008-2011-ci illər ) harasa yoxa çıxır. Tərcümeyi-halında heç nə yazılmayıb. İsmayıl Quliyev 2011-ci ildə isə Sumqayıt İnzibati-İqtisadi Məhkəməsinin hakimi kimi peyda olur. Və hazırda Sumqayıt İnzibati Məhkəməsinin hakimi kimi fəaliyyət göstərir. Görəsən, məhkəmə-hüquq sistemində 1-cə gün iş təcrübəsi olmayan İsmayıl Quliyev birdən birə Sumqayıt İnzibati Məhkəməsi kimi nüfuzlu bir quruma necə yol tapa bildi..?Axı, hakim olmaq istəyən hakim vəzifəsinə namizədlər uzun və mürəkkəb bir yol keçirlər. Hakim vəzifəsinə namizədlər Hakimlərin Seçki Komitəsi tərəfindən seçilir. Onların bilik səviyyəsi, peşə hazırlığı, ümumi dünyagörüşü, hakim vəzifəsinə yararlı və layiqli olması şəffaf surətdə yazılı və şifahi imtahanlar, ilkin uzunmüddətli tədris kursları (hakimlər üçün baza təhsili) və yekun müsahibə yolu ilə həyata keçirilir.Sonra yazılı və şifahi imtahanlardan müvəffəqiyyətlə keçən namizədlər uzunmüddətli təlim mərhələsinə keçirilirlər. Təlim mərhələsi başa çatdıqdan sonra namizədlərlə Məhkəmə-Hüquq Şurasında söhbətlər olur. Sonda Məhkəmə-Hüquq Şurası namizədlərin ixtisaslaşdırılmasını aparır və hakim vəzifəsinə təyin edilməsi barədə Azərbaycan Respublikasının Prezidentinə təqdimat verir.İndi gördünüzmü, məhkəmə hakimi təyin olunmaq üçün uzun və mürəkkəb yol keçməlisən. Görəsən, hakim İsmayıl Quliyev bu yolu keçibmi..? Əgər keçibsə, niyə Məhkəmə-Hüquq Şurası 24 fevral 2021-ci il tarixdə Sumqayıt İnzibati Məhkəməsinin hakimi Quliyev İsmayıl Rza oğlunun intizam məsuliyyətinə cəlb edilməsi ilə bağlı QƏRAR verdi. Səbəb nədir ? Müraciətə səbəb hakimin inzibati işə hər hansı əsaslı səbəb olmadan ağlabatan müddətləri ötürməklə 2 il 10 aya baxması, nəticədə süründürməçilik hallarına yol verməkləuzun müddət ərzində əsassız olaraq iş üzrə yekun qərar qəbul edilməməsi olmuşdur. Deməli, hakim İsmayıl Quliyev HƏR HANSI SƏBƏB OLMADAN, süründürməçilik edərək prosesi 2 il 10 ay uzadıb. Bu barədə mediada kifayət qədər yazılıb. Hakim İsmayıl Quliyevin məmurların sifarişi ilə prosesi uzatması, ədalətsiz qərarlar qəbul etməsi adi hal alıb. Məsələn, hakim İsmayıl Quliyev Sumqayit İnzibati Məhkəməsində iddiaci Daşdəmirov Balasoltan Camaləddin oğlunun iddia tələbinə dair (cavabdeh: Azərbaycan Respublikası Əmlak Məsələləri Dövlət Komitəsi yanında Daşınmaz Emlakın Dövlət Reyestri Xidməti 5 saylı Xaçmaz Ərazi İdarəsi ) və iş üzrə üçüncü şəxs qismində Bahadırova Səfurə Müslüm qızı olmaqla 2-1(118)-54/2022 saylı iş üzrə məhkəmə prosesini heç bir əsas olmadan uzadır. Məlumat üçün qeyd edək ki, hakim İsmayıl Quliyev bu məsələ ilə bağlı özü verdiyi qərarı özü də ləğv edib. İndi yenidən bu məsələni heç bir əsaslı səbəb olmadan uzadır. İsmayıl Quliyev verdiyi birinci qərarında yazır ki, guya torpaq sahəsi akt əsasında icra məmuru tərəfindən təhvil-təslim edilib. Amma belə bir akt nə iş materillarında, nə də ümumiyyətlə yoxdur, mövcud deyil. İsmayıl Quliyev məhkəmə tarixində olmayan bir işə, yəni olmayan torpaq sahəsi üçün çıxarışla bağlı qərar verir. Bu adamdan soruşmaq lazımdır ki, olmayan, koordinatları bəlli olmayan torpaq sahəsinə necə çıxarış vermək olar..? Qarşı tərəf bu barədə hakim İsmayıl Quliyevdən soruşanda o, deyir ki, hara düşür düşsün də, sizdən nə gedir ki..?BTİ-nin nümayəndəsi isə deyir ki, məhkəmə qərarı icra olunmayıbsa, bunun icrası mümkün deyil. Hakimə bildirəndə ki, olmayan torpaq sahəsi ilə bağlı qərar versəniz biz yenidən 2-3 il məhkəmələrə gedib-gəlməliyik. Hakim İsmayıl Quliyev isə deyir ki, mən elə-belə çıxarış verirəm, sizin “toçkalara”, sizin torpaq sahəsinə düşmür ki…İndi təsəvvür edirsinizmi, bu hakim hansı məntiqlə işləyir..? Mövcud olmayan, koordinatları bəlli olmayan torpaq sahəsinə havadan çıxarış vermək olar..? Hansı ki, belə bir absurd qərarı İsmayıl Quliyev vaxtilə vermişdi və öz imzası ilə özü verdiyi qərarı ləğv elədi. İndi yenidən həmin oyunu oynamaq istəyir. Şikayətçi tərəf bildirir ki, İsmayıl Quliyev ötən dəfə də qərar vermək üçün müşavirəyə getdi və 10-15 dəqiqiədən sonra gəlib elan etdi ki, müddəti 10 gün uzadıram, yəni məhkəməni 10 gün təxirə salır.

Onu da qeyd edək ki, məhkəmə işində iddiaçı kimi adı keçən Daşdəmirov Balasoltan Cəmaləddin oğlu qalmaqallı, Vəkillər Kollegiyasından qovulan, haqqında cinayət işləri açılmış Sevil Hacıyevanın atasıdır. Deyəsən hakim İsmayıl Quliyevlə Sevil Hacıyeva yaxşı tapışıblar. Biri cəza almış hakim, o biri isə qovulmuş vəkil…Məsələnin aktuallığını nəzərə alaraq gündəmdə saxlayacağıq. Və Ədliyyə Nazirliyinin, Məhkəmə-Hüquq Şurasının, Sumqayıt İnzibati Məhkəməsi sədrinin fikirlərini öyrənməyə çalışacağıq.

araz.az xəbər portalı.

Vasif Talıbovun Naxçıvanda qoyduğu bu qadağa da aradan qaldırıldı

vasif119.jpg

Naxçıvan Muxtar Respublikasında avtomobillərə pərdə və plyonka vurulması qadağası aradan qaldırılıb.

Tələbatın yüksək olması səbəbindən şüşələrin plyonkalanması 120-130 manat civarında həyata keçirilir.

Bundan başqa, digər regionların qeydiyyatında olan köhnə avtomobillərin də Naxçıvanda qeydiyyata alınmasına icazə verilib.

Qeyd edək ki, Azərbaycan Respublikasının iqlim şəraiti nəzərə alınaraq hər il 1 may tarixindən 15 noyabr tarixinədək nəqliyyat vasitələrinin arxa yan şüşələrində sənaye üsulu ilə hazırlanan jalüzlərin istifadəsinə icazə verilir.

Hazırda məsələ ilə bağlı baxış müddəti sayıldığı üçün maşına vurulan pərdə və plyonkaya görə sürücülər cərimə edilmir.

Xatırladaq ki, bundan əvvəl Naxçıvan Muxtar Respublikası (MR) ərazisində ilk dəfə olaraq Bakıdakı market şəbəkələrinin fəaliyyətə başlayacağı ilə bağlı məlumatlar yayılıb.

İndiyədək Naxçıvan MR Ali Məclisinin sədri Vasif Talıbovun xüsusi göstərişi ilə heç bir market və restoran şəbəkələrinin, həmçinin taksi xidmətlərinin Muxtar Respublikada fəaliyyətinə icazə verilməyib.

Naxçıvan Qaz İstehsalat Birliyində nə baş verir?

naxc5.jpg

SOCAR-ın Culfa rayonunda fəaliyyət göstərən Naxçıvan Qaz İstismar Xidmətinin digər muxtar qurumlardan fərqli olaraq tam müstəqilləşməsi 2019-cu ilə təsadüf etsə də, bu idarədə də 2017-ci ildən etibarən, Azərbaycana tabesizliyin ilkin əlamətləri görünməyə başlayır.

araz.az  Ovqat.com-a istinadən bildirir ki, 2004-cü ildə Naxçıvana yeni qaz xətləri çəkmək üçün Azəriqaz İstehsalat Birliyinin Naxçıvan filialı yaradılır. 2010-cu ildə Vasif Talıbovun sərəncamı ilə bu filial ilk “müstəqillik bəyannaməsi”ni elan edərək Azəriqaz İstehsalat Birliyinin tərkibindən çıxır və Naxçıvan Qaz İstehsalat Birliyinə çevrilir. 2019-ci ilin noyabr ayında isə Vasif Talıbovun imzaladığı yeni sərəncamla Naxçıvan Qaz İstismar Xidməti adını alır. Maraqlıdır ki, bu dəyişim sadəcə adla da qalmır. Qurum “müstəqilləşəndən” sonra tamamilə yeni qaydalarla işləməyə başlayır.

2020-ci ildə koronavirus pandemiyası ilə əlaqədar olaraq Naxçıvan Qaz İstismar Xidməti əsl metamorfoza prosesi keçirir; işçilərin yarısı evə buraxılır, digər yarısı isə işdə saxlanılmaqla məzuniyyətə göndərilir. Həmin ilin aprel ayı ərəfəsində Səbuhi Məmmədovun təkidi ilə ştat sayı azaldılaraq bir çox işçilər də işdən azad edilir.

Pandemiya vaxtı evə buraxılana qədər hamıya maaşından əlavə pul verilirdi. MR Maliyyə Nazirliyi onu da kəsir. Daha sonra Qaz İstismar Xidmətinin tərkibində evlərə qaz çəkilməsi ilə məşğul olan xüsusi MMC yaradılır. "Naxçıvanqaz" Servis MMC adlı bu qurum özəl şirkət kimi fəliyyət göstərsə də, işçilərin maaşları Maliyyə Nazirliyindən verilir. Nəticədə hər yeni borunun metrindən və bəzi hissələrdən yeyintilər başlayır, büdcə talan olunur.

“Naxçıvan MR Qaz İstismar Xidmətinə ayrılan yanacaq pulundan ay sonuna saxlanılan vəsaitlər ciblərə gedir. Yanacağı talonlar vasitəsi ilə mənimsənilən külli miqdarda vəsait “xan”ın vəzifəyə təyin etdiyi şöbə müdirlərinə çatır. İşçilər isə az maaşla yetinir.

İki ay bundan əvvəl Xidmətdə Ali Məclis tərəfindən yoxlamalar aparıldığını deyən mənbəmiz korrupsiya iddiası ilə bir neçə nəfərin işdən çıxarıldığını bildirir - müdir və o müdirə aid olmayan iki işçi: “Yenə öz bildikləri kimi işlərini davam etdirirlər. Qazdan-neftdən anlayışı olmayan insanları, yəni öz qohumlarını yığıb doldurublar iş yerlərinə. Bəs savadlı kadrlar nə etsin? Kimsə buna etiraz edəndə isə dəli adlandıraraq dəlixanaya göndərilirlər”.

Maraqlıdır ki, Azərbaycanın müvafiq qurumlarının Naxçıvanda apardığı struktur islahatları da Naxçıvan Qaz İstismar Xidmətindən yan keçmiş kimidir. Əksinə, yoxlamalar bu xidmətdə korrupsiyanın çiçəklənməsinə yol açıb: “Yoxlamalardan əvvəl aşağı təbəqəli işçini 1500 manat işə götürürdülərsə, indi işə düzəlmə məbləği 2000 manata yüksəlib. Müdir vəzifəsinə təyin olunan savadsız qohumlardan belə, pul alırlar. Onlar bunun üçün 5000 manat verməlidirlər”, - deyən mənbənin iddiasına görə, iş təyinatından yığılan rüşvətin çoxu Azər Zeynalova gedir.

Həmsöhbətimizin iddiasına görə, hər bir abunəçiyə qaz çəkimi 300-1000 manata başa gəlir – abunəçinin sənədi olsa da, olmasa da: “Qaz satışı ən gəlirli sahədir deyə artıq maşınlara verilən yanacaqlar, vətəndaşlara çəkilən qazlar üzərində yeyintilər daha da artdı. Bunun müqabilində xidmət müdiri  özünə təzə maşın aldı -  Toyota Rav 4”

Mənbəmiz işçilərin paketin kəsməsindən də gileyləndi: “İşçilərə ildə bir neçə dəfə 50 manat bayram pulu verirdilər. Keçən il baxdılar ki, səs-küy qalxacaq, bu ödənişi qaldırıb maaşın 30%-i etdilər. Halbuki digər qurumlarda 3 aydan bir öz əmək haqqının bir və ya iki mislində mükafat alırlar. Məsələn, Dövlət Energetika İdarəsində maaşdan başqa onun bir misli dəyərində əlavə ödəniş verilir. Hərçənd orda da mükafatların bir mislini yığıb göndərirlər lazım olan yerlərə”.

Həmsöhbətimizin bildirdiyinə görə, Naxçıvan Qaz İstismar Xidmətinin adı Muxtar Respublikanın rəsmi qurumları arasında da çəkilmir. Bunun səbəbi isə həmin idarənin “xan”a, Naxçıvanın Baş naziri Səbuhi Məmmədova və “Boz kardinal” Azər Zeynalova aid olmasıdır. “Bu ilin sentaybr ayında Azər Zeynalov Ramin İsmayılov birgə oyun quraraq güya yeyinti var bəhanəsi ilə Əli Səfərli Fəxrəddin oğlu adlı birini qaz çəkilişinə baxan direktor təyin etdilər. Sabiq direktoru yeyinti ittihamı ilə işdən uzaqlaşdırdılar”.

araz.az xəbər portalı.

DTX Daşqın Rəhimov “kommunizm”ini yerlə yeksan etdi - Naxçıvanda daha bir yoxlama

naxc3.jpg

DTX əməkdaşları Naxçıvan Ədliyyə naziri Daşqın Rəhimovun karlı biznes sahələrindən biri kimi tanınan Naxçıvan Muxtar Respublikası Ədliyyə Nazirliyinin Penitensiar Xidmətində yoxlamalara başlayıb.

araz.az  ovqat.com-a istinadən bildirir ki, yoxlamaların məqsədi Daşqın Rəhimovun Penitensiar Xidmətə məxsus “əsirxana”larda əsl “kommunizm” qurması barədə iddiaları araşdırmaq olub.

Bildirilir ki, DTX-nın əlindəki məlumatlar öz təsdiqini tapıb. Belə ki, Naxçıvan əsirxanalarında saxlanılan dustaqlara aylıq ödənişlər natural qaydada verilirmiş. Daha doğrusu, onlar maaşlarının müqabilində bəzi zəruri malları Ədliyyə nazirinə məxsus mağazalardan ərzaq malları qisminə alırmışlar. Nəzərə alsaq ki, natural ödəniş şəkli yalnız ibtidai icma quruluşlarında, bir də Karl Marksın xəyalından keçirib görə bilmədiyi kommunizm quruluşunda keçərlidir, belə çıxır ki, Daşqın Rəhimov Leninin 70 ildə bacarmadığını bir neçə ildə həyata keçirə bilib

araz.az xəbər portalı.

1 -dən səhifə 286

Əlaqəli xəbərlər