Putin: Rusiya ilə Azərbaycan arasında ticarət dövriyyəsi inamla artır

putin77

Rusiya ilə Azərbaycan arasında ticarət dövriyyəsi artır.

araz.az bildirir ki, bunu Rusiya Prezidenti Vladimir Putin Aşqabadda keçirilən Xəzər sammiti zamanı bildirib.

“Razılaşdığımız hər şey yerinə yetirilir, ticarət dövriyyəsi artır... Artım inamla davam edir”, - deyə Putin vurğulayıb.

araz.az xəbər portalı.

NATO Baş katibi: “Çin dəyərlərimizə və təhlükəsizliyimizə problem yaradır”

Stol

Qəbul edəcəyimiz strateji konsepsiya 2010-cu illə müqayisədə dünyanın necə dəyişdiyini əks etdirir. İndiki konsepsiya 2010-cu ildə Lissabonda qəbul edilib və Rusiyanın həmin dövrdəki prezidenti Dmitri Medvedev də bu sammitdə iştirak edib.

araz.az  APA-ya istinadən  xəbər verir ki, bu barədə NATO Baş katibi Yens Stoltenberq bildirib.

Stoltenberqin sözlərinə görə, o zaman Rusiyanın NATO-nun strateji tərəfdaşı olmasına dair razılığa gəliblər: “NATO sammitində Rusiya ilə görüşümüz olmuşdu. Və artıq indi bu mövcud deyil. Ümid edirəm ki, yeni konsepsiyamızda Rusiyanın bizim təhlükəsizliyimizə birbaşa təhdid yaratması öz əksini tapacaq”.

Stoltenberq qeyd edib ki, yeni konsepsiya yeni reallıqları əks etdirəcək: “Hazırkı konsepsiyamızda Çinlə bağlı bir cümlə də yoxdur, ancaq Madrid sammitində Çin bu konsepsiyanın bir hissəsi olacaq. Ümid edirəm ki, müttəfiqlərimiz razılaşacaq ki, Çin indi bizim maraqlarımıza, dəyərlərimizə və təhlükəsizliyimizə problem yaradır. Çin düşmən deyil, lakin biz Çinin müasir hərbi bacarıqlarına böyük investisiya qoyduğunu diqqətə alaraq, öz təhlükəsizliyimizi də nəzərə almalıyıq. Yəni, bu strateji konsepsiya həm NATO-nun, həm də dünyanın dəyişdiyini əks etdirəcək”.

araz.az xəbər portalı.

Prezident İlham Əliyev İƏT turizm nazirlərinin 11-ci sessiyasının iştirakçılarına məktub ünvanlayıb

ilham88

Prezident İlham Əliyev Bakıda keçirilən İslam Əməkdaşlıq Təşkilatı (İƏT) ölkələrinin turizm nazirlərinin 11-ci sessiyasının iştirakçılarına məktub ünvanlayıb.

araz.az  xəbər verir ki, məktubu Dövlət Turizm Agentliyinin sədri Fuad Nağıyev səsləndirib.

Məktubda deyilib ki, 2021-ci ildə Azərbaycan Respublikasının İslam Əməkdaşlıq Təşkilatına üzv olmasının 30 ili tamam olur.

Məktubda qeyd edilib ki, İslam Əməkdaşlıq Təşkilatı Azərbaycanın müstəqilliyinin bərpasından sonra üzv olduğu ilk beynəlxalq təşkilatlardan idi. Eyni zamanda, məktubda bildirilib ki, Azərbaycan hər zaman İƏT-in fəaliyyətini dəstəkləyib, üzv dövlətlər arasında əbədi birliyin möhkəmləndirilməsi yolunda səylər göstərib

araz.az xəbər portalı.

Paşinyandan Laçın dəhlizi ilə bağlı açıqlama: "Təhvil veriləcək..."

pasinyan66

“Laçın dəhlizinə alternativ yolun inşası başa çatdıqdan sonra keçmiş Dağlıq Qarabağ Muxtar Vilayətindən kənarda yerləşən ərazilər Azərbaycana qaytarılacaq”.

Bunu Ermənistanın Baş naziri Nikol Paşinyan deyib.

Onun sözlərinə görə, Ermənistan hazırda rusiyalı tərəfdaşları ilə danışıqlar aparır: “Belə ki, dəhliz rusiyalı sülhməramlıların tam nəzarəti altında olmalıdır”.

Paşinyan bildirib ki, Azərbaycana təhvil veriləcək Laçın şəhəri və Zabux kəndinin sakinləri mənzillə təmin olunacaq.

araz.az xəbər portalı.

"Hazırlıqlarımız bitən kimi yeni əməliyyatlara başlayacağıq" - Ərdoğan

ERDOGAN55 "Suriya ilə sərhədimizdə yaratmağa başladığımız təhlükəsizlik dəhlizindəki çatışmazlıqları tamamlamaq üçün hazırlıqlarımız bitən kimi yeni əməliyyatlara başlayacağıq".

araz.az bildirir ki, bu barədə Türkiyə Prezidenti Rəcəb Tayyib Ərdoğan deyib.

O qeyd edib ki, Türkiyə həm terrorla mübarizə, həm də regional böhranlarda problemlərin həlli konsepsiyasını uğurla həyata keçirir, dost ölkələrə dəstəyini və prinsipial mövqeyini hər sahədə nümayiş etdirir.

Bundan əlavə, Ərdoğan sabah Madriddə baş tutacaq NATO Zirvəsində PKK/YPG, FETÖ kimi terror təşkilatları haqqında həmsöhbətlərinə doğru məlumat çatdıracağını da qeyd edib.

araz.az xəbər portalı.

1 -dən səhifə 350

Əlaqəli xəbərlər