“Bu, yeni mərhələnin başlanmasınanın işarəsidir” – Politoloq

rus

“Üçtərəfli bəyanatda əksini tapan 9 maddənin tələbləri ardıcıl olaraq yerinə yetirilir. Bu Azərbaycanın tam qələbəsini təmin edən sənəd olamqla bərabər, üç rayonumuzun da döyüşsüz olaraq qaytarlıması deməkdir. Hazırda anlaşma əsasında nəzərdə tutulmuş Ağdam və Kəlbəcər rayonlarımız müzəffər ordumuzun tam nəzarəti altındadır. Bu gün isə Laçın rayonumuz işğaldan azad edilir”.

Yenisabah.az xəbər verir ki, bu barədə Milli Məclisin Müdafiə, təhlükəsizlik və korrupsiya ilə mübarizə komitəsinin sədr müavini, politoloq Hikmət Babaoğlu bildirib.

O qeyd edib ki, bu böyük qələbələr xalqımızın, bütövlükdə regionumuzun tarixində yeni sülh və əməkdaşlıq mərhələsinə yol açır:

Hazırda prosesin tərkib hissəsi olaraq rus sülhməramlılarının regiona gəlməsi davam etdirlir. Sonuncu belə sövqetmə Azərbaycanın Rusiya Federasiyası ilə həmsərhəd bölgəsi olan şimal rayonlarımızdan daxil olmaqla Bərdəyə istiqamətləndirildi. Tam təhlükəsiz şəraitdə sülhməramlılar və humanitar yüklər təyinat məntəqəsinə çatdırıldı. Bu fakt bir daha Rusiya ilə Azərbaycan arasında qarşılıqlı etibar və etimada söykənən münasibətlərin göstəricisi olmaqla bərabər, həm də Azərbaycanın üzərinə götürdüyü hər hansı anlaşma şərtlərini məsuliyyətli dövlət kimi yerinə gətirməsi hadisəsidir”.

Millət vəkilinin sözlərinə görə, bu vaxta qədər Rusiyadan gətirilən yüklər və sülhməramlı kontinget hava nəqliyyatı vasitəsilə Ermənistan üzərindən baş tuturdu ki, bu da əlavə xərclər və vaxt itkisi hesabına başa gəlirdi. Amma Azərbaycanın üzərindən keçən yol nəqliyyat kommunikasiyası həm əlavə xərclərin, həm də vaxt itkisinin qarşısını alır:

“Dekabr ayının 1 dən sonra biz defakto postmüharibə mərhələsinə qədə qoyacağıq ki, bu da özlüyündə üçtərəfli bəyanatda əksini tapan kommunikasiyaların açılmasının başlanacağı mərhələsi hesab olunacaq. Kommunikasiyaların açılmas isə yeni qarşılıqlı inteqrasiya və əməkdaşlıq üçün lazımı şərtləri formalaşdıracaq. Hesab etmək olar ki, yüklərin Azərbaycandan daşınması artıq bu yeni mərhələnin başlanmasınanın işarəsidir və onun hər hansı bir insidentsiz baş tutması özlüyündə növbəti əməkdaşlıq münasibətləri üçün də çoxtərəfli etimad mühitinin yaranmasına xidmət edir. Nəticə etibarilə hamımız bilirik ki, regionumuzda sülhün və əməkdaşlığın bərqərar olunması və xüsusilə bunun Azərbaycanın ərazi bütövlüyünün tam bərpa olunmasından sonra baş verməsi hamıdan çox elə Azərbaycanın istəyi idi və biz bu məqsədimizə çatmışıq”.

araz.az

Əlaqəli xəbərlər