Azərbaycanda borca görə daha heç kimi həbs edilməyəcək – Avropa Məhkəməsinin QƏRARI

avropa mehkemesi e1612847730301

Avropa Məhkəməsi Azərbaycanı borca görə qanunsuz həbslərə görə 10 min 800 avro cərimələyib.

araz.az  Azpost.info-ya istinadən  bildirir ki, bu barədə tanınmış vəkil Əkrəm Həsənov məlumat verib.

Vəkilin sözlərinə görə, bu  gün Avropa İnsan Haqları Məhkəməsi onun 2016-cı il tarixli şikayətlərim əsasında borcunu ödəyə bilmədiyinə görə üç vətəndaşımızın inzibati qaydada həbsini qanunsuz hesab edib. (“Kərimov və digərləri Azərbaycana qarşı”, qərar fransız dilindədir https://hudoc.echr.coe.int/eng…).

Ə.Həsənovun sözlərinə görə, hər kəs borcuna görə yalnız əmlakı ilə cavabdehdir: “Əmlakı yoxdursa, borcu da ödəmir və buna görə heç bir məsuliyyət daşımır. Nə canı, nə də azadlığı ilə!”

Vəkil bildirib ki, Azərbaycan borcunu ödəyə bilməyən şəxslərin həbs olunduğu yeganə Avropa dövlətidir: “Formal olaraq məhkəmələrimiz guya vətəndaşları borcunu ödəyə bilmədiklərinə görə deyil, borcun ödənilməsi haqda məhkəmə qərarını üzrsüz səbəbdən icra etmədiklərinə görə həbs edirlər. Amma bu zaman səbəbin niyə üzrsüz olduğunu hakimlərimiz əsaslandırmır. Faktiki olaraq əmlakı olmayan işsiz şəxsləri həbs edirlər. Başqa sözlə, “Keçəl Həsən, ya Həsən keçəl?!” məsəlidir! Yəni faktiki olaraq vətəndaşı elə məhz borcunu ödəyə bilmədiyinə görə həbs edirlər”.

AİHM şikayətlərimi təmin edərək bu həbslərin Avropa İnsan Haqları Konvensiyasının 6-cı maddəsinin 1-ci bəndinin (“Ədalətli məhkəmə araşdırması hüququ”) pozduğunu təsdiq edib. Çünki məhkəmələrimiz borcluların təqsiri məsələsini araşdırmayıb. AİHM-in qənaətinə görə vətəndaş maddi imkansızlığını səbəb gətirərək borcunu ödəyə bilmirsə, bu faktı sübut etməli deyil. Əksinə, ittiham tərəfi (icra məmuru) əksini sübut etməlidir (yəni pulu var, amma ödəmir).

Sözügedən üç vətəndaşın işləri isə belədir: Kərimov Vahid Turab oğlu (1987-ci il təvəllüdlü) digər şəxsin “Rabitəbank” ASC qarşısındakı 10000 manat məbləğində kreditə görə zamin durub. Kreditdən 7255,7 manat ödənilməmiş qalıq borc qalıb. Həmin borc o cümlədən zamin olan, 2 və 3 yaşlı iki uşaq atası, işsiz olduğu üçün heç ailəsini dolandıra bilməyən Kərimovdan da məhkəmə qaydasında tələb edilib. Bankın təkidi ilə Səbail rayon İcra şöbəsinin icra məmuru Tağıyev Cəmil Nizami oğlunun təqdimatına əsasən Səbail rayon məhkəməsinin hakimi Əhmədov Rauf Dəmirqan oğlunun 11 mart 2016-cı il tarixli qərarı ilə Kərimov 10 gün müddətinə həbs edib.

AİHM-in qərarına əsasən qanunsuz həbsə görə Kərimova Azərbaycan dövləti tərəfindən 3600 avro məbləğində kompensasiya ödənilməlidir.

Bayramov Mübariz İsaxan oğlu (1977-ci il təvəllüdlü) götürdüyü kreditlər üzrə “Unibank” KB ASC-yə və telefon dükanına cəmi 3880 manat borclu qaıb. İşsiz olan və ağır şəraitdə yaşayan Bayramov borcu ödəyə bilməyib.  Bankın əməkdaşı ona hətta təklif edib ki, böyrəyini satıb borcunu ödəsin. Nəricədə bankın təkidi ilə Nərimanov rayon İcra şöbəsinin icra məmuru Kazımov Zamiq Mütəllif oğlunun təqdimatına əsasən Nərimanov rayon məhkəməsinin hakimi Məmmədov Samir Əlibala oğlunun 24 noyabr 2016-cı il tarixli qərarı ilə Bayramov 5 gün müddətinə həbs edilib.

AİHM-in qərarına əsasən qanunsuz həbsə görə Bayramova Azərbaycan dövləti tərəfindən 3600 avro məbləğində kompensasiya ödənilməlidir.

Abbasov Mahir Nəsrəddin oğlu (1965-ci il təvəllüdlü) digər vətəndaşa (özünün dediyinə görə sələmçiyə) 31300 manat borcu qalıb. Göygöl rayon İcra şöbəsinin təqdimatına əsasən Göygöl rayon məhkəməsinin 20 iyun 2016-cı il tarixli qərarı ilə Abbasov 10 gün müddətinə həbs edilib. Barəsində cinayət işi də açılaraq Göygöl rayon məhkəməsinin hökmü ilə 4 ay, Gəncə Apellyasiya Məhkəməsinin qərarı ilə isə 1 il müddətinə azadlıqdan məhrum edilib.

AİHM-in qərarına əsasən qanunsuz həbsə görə Bayramova Azərbaycan dövləti tərəfindən 3600 avro məbləğində kompensasiya ödənilməlidir.

“Ötən illər ərzində xeyli belə həbslər olub və indi də var. Elan etmişdim ki, bu kimi həbslər üzrə Avropa Məhkəməsinədək işləri pulsuz aparacağam. Apardım da. Lakin təəssüf ki, müraciət edən çox olmadı. İnsanlarımızda ədalətə inam azdır. Əminəm ki, bu qələbəmizdən sonra inam daha çox olacaq.

Borcunu ödəyə bilməyən vətəndaşımızı banklar, sələmçilər, kollektorlar, icra məmurları daim həbslə hədələyir. İnsanları stressə salır, intihar həddinə çatdırırlar. Ailələr dağılır. Bəziləri yeganə evini satmalı olur, qonşu-qohum-tanışları qarşısında alçalaraq borc istəməyə başlayır və s. və i.a. Bütün bunlar bitdi! Belə hədələrlə üzləşənlər AİHM-in qərarına istinad etsin və haqqını tələb etsin. Yaxında bu qərarın Azərbaycan dilinə tərcüməsi də təmin olunacaq.

Əminəm ki, hansısa icra məmuru yenə də həyasızlığına salıb borclunun qanunsuz həbsi barədə təqdimat versə də, bundan sonra heç bir hakim dövlətimizə birbaşa maddi ziyan vuran qanunsuz həbs qərarları çıxarmaz! Çıxarsalar, bu olacaq açıq-aşkar qanunsuz qərar və onların özü barəsində tədbir görüləcək!”-deyə Ə.Həsənov bildirib. 

 

 

araz.az xəbər portalı.

ƏLİ HƏSƏNOV BU İKİ ŞƏXSƏ NİYƏ MƏNZİL VERİB? - Prezidentin sabiq köməkçisinə qarşı 20 milyonluq ittiham!

vc

Milli Məclisin üzvü, tanınmış təhsil eksperti Etibar Əliyevin jurnalistlər üçün tikilmiş üçüncü binanın şəhid ailələri və qazilərə verilməsi təklifi ətrafında qızğın müzakirə və mübahisələr davam edir. 

Deputat, Milli Mətbuat Günü ərəfəsində əsasən də üçüncü binadan mənzil almaq iddiasında olan jurnalistlərin sərt hücumlarına məruz qalsa da, nəinki geri çəkilmir, hətta son günlər bir və ikinci binaların paylanması zamanı yol verilmiş cinayət xarakterli sui-istifadə hallarını ifşa etməyə başlayıb. E.Əliyevin bu həmləsindən sonra mübahisənin xarakteri də müəyyən qədər dəyişib və diqqət daha çox birinci və ikinci binanın paylanması zamanı sui-istifadə mövzusuna yönəlib.

Xatırlatmaq yerinə düşər ki, birinci və ikinci binanın paylanması zamanı həqiqətən də çox böyük ədalətsizliyə və cinayət xarakterli sui-istifadələrə yol verilib. Binaların tikintisi zamanı total mənimsəmələr də daxil olmaqla, bütün bu işlərin başında durmuş Prezidentin sabiq köməkçisi Əli Həsənovun, ardınca isə Kütləvi İnformasiya Vasitələrinə Dövlət Dəstəyi Fondunun rəhbəri Vüqar Səfərlinin vəzifələrindən azad olunmasından sonra bu cinayətlərə hüquqi qiymət veriləcəyi gözlənilsə də, təəssüf ki, bu gözləntilər hələlik özünü tam doğrultmayıb. Baxmayaraq ki, Baş Prokurorluqda KİVDF rəhbərliyi ilə bağlı başlanmış cinayət işinin istintaqı çərçivəsində binaların tikintisi zamanı yol verilmiş korrupsiya halları ilə yanaşı mənzillərin paylanmasındakı korrupsiyanın da araşdırıldığı barədə məlumatlar var idi. Belə ki, iki binadan mənzil alanlar istintaqa çağırılır, onların kimliyi və mətbuata bağlılıqları müəyyənləşdirilir, mənzili necə aldıqları ilə bağlı sorğu-sual olunurdular. Bu səbəbdən gözlənilirdi ki, mənzillərin paylanması zamanı yol verilmiş cinayətlərə hüquqi qiymət veriləcək və jurnalist olmayanlara verilmiş mənzillər geri alınacaq. Lakin Vüqar Səfərlinin cinayət işi artıq məhkəməyə göndərilsə də, bu istiqamətdə hər hansı qərarın qəbul olunduğu məlum deyil. Bu baxımdan, deputat Etibar Əliyevin mənzillərin paylanmasındakı ədalətsizliyi və sui-istifadə hallarını yenidən gündəmə gətirməsi lap yerinə düşüb.

Fikrimizcə, Vüqar Səfərlinin artıq sabah başlayacaq məhkəməsi ərəfəsində məsələ aktuallaşmışkən, bu istiqamətdə daha dərin araşdırmanın aparılmasına ehtiyac var. Yuxarıda da qeyd etdiyimiz kimi, Etibar Əliyev də konkret adlar çəkməyə başlayıb. Lakin hələ də ittihamlar və iddialar əsasən ümumi xarakterlidir və Prezident sərəncamı ilə jurnalistlər üçün tikilmiş binalardakı mənzillərin Prezidentin sabiq köməkçisi Əli Həsənov tərəfindən kimlərə və hansı məqsədlə peşkəş edildiyi adbaad dəqiq araşdırılmalıdır. Bu araşdırma siyahı üzərindən aparılsa, ittihamların nə dərəcədə əsaslı olub-olmadığı üzə çıxar və mübahisələrə nöqtə qoyular. Bu yolla iki jurnalist binasından neçə nəfər qeyri-jurnalistin, hamının dediyi kimi, “sürücü, katibə və qohum-əqrabanın” mənzil aldığını faktlarla üzə çıxarmaq mümkündür.

Belə bir araşdırma, sözsüz ki, uzun vaxt və gərgin iş tələb edir. Bu səbəbdən iki binanın tikintisi və bölgüsündəki sui-istifadə hallarını, mənimsəmə və cinayətləri faktlarla üzə çıxarmaq üçün jurnalist təhqiqat qrupunun yaradılması daha yaxşı olar. Məsələn, xeyli vaxtdır danışılır ki, iki binadan Əli Həsənovun özünün və həyat yoldaşı Sona Vəliyevanın qohumlarına mənzillər verilib. Bu kateqoriyadan olan insanların sayının ən azı SƏKKİZ nəfər olduğu bildirilir. Bu iddia həqiqəti əks etdirirmi? Həqiqətdirsə, kimlərdir bu adamlar və hansı adlar altında jurnalist adı ilə mənzil siyahısına daxil ediliblər? 

Bu kontekstdə ikinci binadan hər biri dövlət büdcəsinə 150-200 min manata başa gəlmiş 3 və 4 otaqlı evlərə sahib olmuş 2 şəxsin üzərində xüsusi dayanmaq olar.

İkinci mənzilin bölgüsü siyahısındakı 39-cu adam – “Azərbaycan” nəşriyyatı adından siyahıya daxil edilmiş Cəfərov Rauf Hüseynqulu oğlu. İkinci binadan 3 otaqlı mənzil verilmiş bu adam Əli Həsənovun bacısının kürəkənidir. “Azərbaycan” nəşriyyatının işçisi olan bu adamın, Əli Həsənovla qohumluqdan başqa mediaya nə kimi bağlılığı var? Maraqlıdır, istintaq bu adamın hansı əsasla siyahıya soxuşdurulduğunu araşdırıb, fakta hüquqi qiymət veribmi?

Şair Əkbər Qoşalı. Atatürk Mərkəzinin şöbə müdiri olan Ə.Qoşalı ikinci binada 4 otaqlı mənzillə mükafatlandırılıb. Mediaya hansı bağlılığına və xidmətlərinə görə? Üstəlik də, binada cəmi bir neçə dənə olan 4 otaqlı mənzillə... 

Artıq xeyli vaxtdır danışılır ki, Ə.Qoşalı şairə Sona Vəliyevanın “şeirlərini” “redaktə” etdiyinə görə siyahıya düşüb və 4 otaqlı mənzillə mükafatlandırılıb. Yəni Həsənovlar ailəsinə hansısa şəxsi xidmətinə görə.

Biri həsənovların adından şeir, digəri kitab yazıb, bir başqası da bunların itinə baxıb. Hamısına da jurnalist adı altında ev verilib.

Əli Həsənovun şəxsi media şəbəkəsinə daxil olan televiziya, qəzet, sayt və jurnallar iki jurnalist binasının bölgüsündə 40-dan çox mənzil alıblar. “AzPolitika”-ya mötəbər mənbədən sızan məlumata görə, bu sıradakı 7 nəfərin Sona Vəliyeva ilə yaxın-uzaq qohumluq əlaqəsi var. İki siyahıda “Vəliyev” soyadlı xeyli adam gözə dəyir. Onların əksəriyyəti media çevrələrində tanınmırlar. Həqiqətən də bu adamların Sona Vəliyeva ilə qohumluq əlaqələri varmı? Bunu da araşdırmaq istintaqın işi idi...

“Azərbaycan” nəşriyyatının on milyonlarla dəyərində torpaq və binaları Əli Həsənov tərəfindən ələ keçirilib. Bu torpaqlarda hündürmərtəbəli yaşayış binaları, həmçinin ofis binaları tikilib. Təkcə Beynəlxalq Mətbuat Mərkəzi adlanan bina və son illərdə tikilərək Gömrük Komitəsinə icarəyə verilmiş onun ekiz tayının icarəyə verilməsindən Əli Həsənovun aylıq gəliri yəqin ki, yüz min manatlarla ölçülür. Hər ay təkcə KİVDF Əli Həsənova 8 min manat ödəyib. Sabiq köməkçinin ümumi aylıq gəliri haqda danışarkən isə, biz milyonları dilə gətirməliyik. Bir aylıq gəliri ilə bir kəndin əhalisini mənzillə təmin etmək iqtidarında olan belə bir adamın, jurnalistikaya uzaqdan-yaxından əlaqəsi olmayan qohumunu jurnalist adıyla dövlətə sırımasının adı nədir? Üç jurnalist binasının tikintisindən ən azı 30 milyon manat (Rəsmi ittiham 18.5 milyon manatdır. Amma reallıqda daha çox olduğu şübhə doğurmur-red.) mənimsəmiş birinin, üstəlik, mənzil bölgüsündə tamahına güc gələ bilməməsi, müxtəlif adlar altında özünün və arvadının qohumlarını siyahıya daxil etməsi təkcə acğözlülük, görməmişlik deyil, həm də cəzasızlığın və qorxusuzluğun son həddi olub! Baş Prokurorluqda bir ildən çoxdur aparılan istintaq, bütün bunlara hüquqi qiymət veribmi? Yəqin ki, bu suala Vüqar Səfərlinin məhkəməsində aydınlıq gələcək.

Bəli, məhz bütün bu yaramazlıqlara, ağılasığmaz görməmişlik və cinayətlərə görə iki ildir hazır olmasına baxmayaraq, üçüncü binanı paylamaq mümkün olmur. Hətta ola bilsin ki, heç jurnalistlərə vermək istəmirlər. Bu binanın da tikintisinə dövlət büdcəsindən böyük vəsait ayrılıb. Həmin vəsaitlə 3 belə bina tikmək olardı. Lakin 51 faizi Əli Həsənova, 49 faizi isə onun kirvəsi, Rusiyada yaşayan milyonçu Mehrac Babayevə məxsus olan şirkət, 3 binanın puluna bir binanı da keyfiyyətlə tikə bilməyib. Saxtakarlıq və keyfiyyətsizlik gözə girir. Ona görə də, 2 ilə yaxındır guya hazır olan binanı Media Agentliyi təhvil ala bilmir.

Yeri gəlmişkən, sabah KİVDF-nin sabiq rəhbəri Vüqar Səfərlinin məhkəməsi başlayır. O, bir sıra cinayətlərlə yanaşı jurnalist binalarının tikintisindən 18.5 milyon manat dövlət vəsaitini mənimsəməkdə ittiham olunur. Bu ittiham, əslində Vüqar Səfərliyə yox, Əli Həsənova qarşı irəli sürülüb. Tam əminliklə demək olar ki, jurnalist binalarının tikintisi birbaşa Əli Həsənovun rəhbərliyi altında onun yaxınları tərəfindən aparılıb. Bu zaman Vüqar Səfərlinin heç bir manata belə sərəncam vermək hüququ olmayıb. Onun rolu, olsa-olsa Çinə ucuz unitaz almağa göndərilməkdən və qarşısına gələn sənədləri imzalamaqdan uzağa getməyib. Lakin indi ona qarşı belə böyük məbləği mənimsəmək ittihamı irəli sürülüb. Əli Həsənov isə, deyilənə görə bu məbləği geri qaytarmaqdan israrla imtina edir.

Beləcə, Dövlətin aztəminatlı media cameəsinə xoşməramlı bu jesti bir qrup görməmiş və dələduzun ucbatından gözdən salınıb. Nəticədə, ortaya belə təkliflər də çıxır ki, üçüncü bina, ümumiyyətlə jurnalistlərə verilməsin.

Rasim ƏLİYEV

“AzPolitika.info

Rövnəq Abdullayev SOCAR-ın vəzifədən çıxarılan vitse-prezidentləri ilə bir araya gəldi: "Qarşımıza yüksək hədəflər qoyulub" - FOTO

ae929ccd 7bbb 35ff a439 37ab9de45f07 850jpg 1626960363Bu gün Azərbaycan Dövlət Neft Şirkətinin (SOCAR) Baş ofisində Azərbaycan Respublikası Prezidentinin müvafiq Sərəncamları ilə vəzifələrindən azad edilmiş şirkətin vitse-prezidentləri ilə görüş keçirilib.

araz.az  SOCAR-a istinadla xəbər verir ki, Dövlət Neft Şirkətinin prezidenti Rövnəq Abdullayev görüşdə çıxış edərək deyib: “Sizinlə birgə keçdiyimiz bu çətin və şərəfli yol Azərbaycanın iqtisadi inkişafı və yüksəlişi dövrünə təsadüf edib. Son 15 ildə möhtərəm Prezidentimiz İlham Əliyev cənabları bizim hər birimizə böyük etimad göstərərək qarşımıza yüksək hədəflər qoyub. Cənab Prezidentimizin rəhbərliyi altında həmin hədəflərə çata bilmişik. Şirkətimizin və ölkəmizin böyük inkişafında iştirak etmək imkanını bizə verdiyinə görə cənab Prezidentə minnətdar olmalıyıq”.

SOCAR-ın birinci vitse-prezidenti, akademik Xoşbəxt Yusifzadə və SOCAR rəhbərliyinin digər nümayəndələri, o cümlədən şirkətdən ayrılan əməkdaşlar da çıxış edib, onlara göstərilən yüksək etimada görə ölkə başçısına minnətdarlıqlarını bildirib, bundan sonra da Azərbaycan neft-qaz sənayesinin inkişafı naminə səylərini əsirgəməyəcəklərini, şirkətin effektiv idarəçiliyində gənc nəslə məsləhət və tövsiyələri ilə dəstək olacaqlarını, dövlətimizin və dövlətçiliyin güclənməsi istiqamətində var güclərini sərf edəcəklərini qeyd ediblər.

Sonda B. Hüseynova, D. Məmmədova, M. İsmayılova və T. Qəhrəmanova “Fəxri neftçi” döş nişanı verilmiş və xatirə şəkli çəkdirilib.

img
 
araz.az xəbər portalı.
 
 
 

"Azercell"dən abunəçilərə xəbərdarlıq: “Whatsapp” tətbiqi, SMS və digər kanallar üzərindən..."

Azercell loqo 600x400jpg 1624030401

"Azercell Telekom” MMC abunəçilərini  “Whatsapp” tətbiqi, SMS və digər kanallar üzərindən göndərilən şübhəli məzmunlu keçidlərə və ismarıclara reaksiya verməməyə çağırıb.

araz.az  şirkətə istinadla xəbər verir ki, müvafiq məzmunun Azercell-ə heç bir aidiyyatı yoxdur: "Yarana biləcək  əlavə xərclərin qarşısını almaq üçün “Azercell Telekom” öz abunəçilərinə şübhəli zənglərə və SMS-lərə reaksiya verməməyi, eləcə də belə internet saytlardan istifadə etməməyi, həmçinin  istifadə edilən cihaz və nömrə ilə bağlı təhlükəsizlik tədbirlərinə əməl etməyi, telefonların nəzarətsiz qalamamasını, xidmətlərdən istifadə ilə əlaqədar əldə edilən şifrəni 3-cü şəxslərə bildirməməyi, şübhəli məzmunlu  müxtəlif oyun, yarışma və sairlərdən yararlanmamağı tövsiyə edir".

 

 

araz.az xəbər portalı.

DEPUTAT ETİBAR ƏLİYEVİN PREZİDENT SƏRƏNCAMINA ŞÜBHƏSİ HARDAN QAYNAQLANIB?

etibar eliyev dep 1

 

…Deputat Etibar Əliyev jurnalistllər üçün nəzərdə tutulan 3-cü binanın şəhid ailələri və qazilərə verilməsi ilə bağlı təklif səsləndirib. Bu təklif sosial şəbəkələrdə ciddi müzakirələrə yol açıb.

İş o yerə gəldi ki, hətta vaxtilə ADİU rektoru Ədalət Muradovun professor diplomunun qanunsuz olması barədə sorğumuzu cavablandırmamasından sonra yazdığımız məqalənin Mətbuat Şurasında müzakirəsi zamanı rektorun «vəkili» Etibar Əliyevi müdafiə edənlər indi onu məhşər ayağına çəkirlər. Başqa sözlə, Mətbuat Şurasındakı ədalətli və vicdanlı insanlar Etibar Əliyevin jurnalistlərlə dostluqdan qazandığı nə varsa, ona xəyanətini qəbul etmədilər və sərt tənqid etməkdədirlər.

Bunları qoyaq bir kənara. Söhbət bəlli yolla deputat olan şəxsin indi də jurnalistləri əsəbləşdirən məntiqsiz çıxış etməsidir. Təsəvvür edin, o boyda Parlamentdə millətə qanunlardan dərs keçməyə iddialı adam deyir ki, jurnalistlərə ayrılmış 3-cü binadakı mənzillər şəhid ailələrinə və qazilərə verilsin. Bu deputat adlanan adam başa düşmür ki, əvvəla, jurnalistlərə mənzil verilməsinə qərarı Dəmir yumruq müəllifi-Ali Baş Komandan İlham Əliyev verib. Və Prezidentin sərəncamı müzakirə predmeti deyil! Özü də Etibar Əliyev kimi bir adam tərəfindən.

İkincisi, belə çıxır ki, şəhid ailələri və qazilər Etibar Əliyevin təklifindən asılı imiş. Məgər Prezident İlham Əliyevin şəhid ailələri və qazilərə diqqət və qayğısı yoxdur ki?! Az qala hər ay Prezident sərəncamları ilə ayrılmış vəsaitlər hesabına şəhid ailələri və qazilərə mənzillər, avtomobillər… paylanır. Deputat Etibar Əliyevin bunlardan da xəbəri yoxdur? Yoxdursa, ən azı vəkillik etdiyi rektordan soruşsun, çünki bildiyimiz qədər, onunla vaxaşırı təmasdadır, məsləhətləşmədədir.

Üçüncüsü və ən vacibi, Etibar Əliyev jurnalistlər üçün tikilmiş mənzillərin şəhid ailələri və qazilərə verilməsi kimi absurd, mənasız təklifi ilə Prezidentin bu kateqoriyadan olan insanlara qayğısını şübhə altına almış oldu. Redaksiyanın elektron poçtuna daxil olmuş qazilərdən biri yazır ki, bu adam deputatdır, yoxsa aravuran???

Nəhayət, bir vacib məqam: tanınmış jurnalistlərdən biri Etibar Əliyevi dəstəkləyən statusunda yazır ki, «…Bir fikirdir, söyləyib. Bu təklifi bəyənmək, etiraz etmək, yaxud tənqid və ya təqdir etmək olar. Amma adamın üstünə dəstə ilə hücum çəkmək və onu linç etmək doğru deyil… Bu, jurnalist həmrəyliyi deyil, korporotiv maraq savaşdır. Media və jurnalistika bunun üçün deyil…».

Dərin hörmət bəslədiyim jurnalist həmkarımızın bu sözünə nə deyə bilərik, hörmətlə yanaşırıq. Amma bir məsələ var ki, jurnalistlər üçün tikilmiş binadan mənzil alanların yalan olmasın, 70 faizi peşəkarlığı ilə tanınan, sözə peşəkar xidmət etmiş ehtiyaclı jurnalistlər deyil. Qalan 30 faizinin 20 faizi də PA-nın sabiq şöbə müdiri Əli Həsənovun yaxın dostlarıdır, tanışlarıdır və s. Qalan 10 faiz  isə ehtiyaclı olub Allahdan və sözdən başqa gümanı olmayanlardır!

İndi gəlirəm mətləbə: deputata təklif edirəm ki, əgər doğrudan da şəhid ailələri və qazilərimiz üçün bu qədər ürəyi yanırsa, axşamlar Bakının mərkəzi küçələrini gəzib dolaşsın. Tikilib istifadəyə verilmiş yüzlərlə binalar var ki, 90 faizində işıqlar yanmır. Yəni, yaşayış yoxdur. Milli Məclisdə məsələ qaldırsın ki, həmin mənzillər qazilərə və şəhid ailələrinə verilsin.

Ən sonda: bəziləri qızışıb yazır ki, axı jurnalistlərə niyə mənzil verilməlidir???

Cavab: dostlar, mən Əli Həsənovun 2 halda payladığı mənzillərə sahib olmayanlardanam... Amma sual verirəm: niyə şadlıq saraylarında, TV-lərdə, toylarda... oxuyub özünə pul, orden-medal, titul, avtomobil, bağ evi… qazanan Xalq artistlərinə mənzil verilə bilər, amma bu millətin dərdini yazan, tarixləşdirən zəhmətkeş-peşəkar jurnalistlərə yox??? Mən əsl jurnalistlərdən danışıram, partiyadaşlarını, qələmini, sözünü... satanlardan və satılanlardan yox!

Biz bəzən sonda deyilməli sözümüzü əvvəl deyirik və düşünüb danışmaq əvəzinə, danışıb sonra düşünürük. Onda isə gec olur, özü də çox gec…

Asif MƏRZİLİ

P.S.Yadımdan çıxmamış, Etibar Əliyevə bir vacib ünvan da deyirik, Goradilə baş çəksin (bəlkə də orda olub), orada böyük bir villa tikilməkdədir… Həmin villanı qazilərdən on beşinə hədiyyə etmək olar. Vətənpərvər deyilsiniz?!

7 -dən səhifə 1652

Əlaqəli xəbərlər