Yasamal İcra Başçısının rüşvət alma faktı təsdiqlənir

1631951648 476

İndi Mikayıl Müşfiqin abidəsinin yanında mədəni tədbirlər deyil, alkaşların 'serenadası' səslənir. Məsələnin ən ağrılı tərəfi odur ki, proseslər Yasamal icra başçısı Elşad Həsənovun gözlərinin qarşısında və dolayısıyla, himayəsi ilə baş verir.

Görünən odur ki, Elşad Həsənovun arxası çox böyük yerlərə 'söykənir', əks halda Prezident və 1-ci Vitse-Prezidentin olduqca həssas yanaşdıqları bu abidəni bu formada 'kababxanaya' satmazdı!?

Onu da qeyd edək ki, artıq bir çox ictimai xadim, mədəniyyət sahəsində öz sözünü demiş şəxslərlə əlaqə saxlanılıb, münasibət öyrənilib. Çox güman, yaxın günlərdə Elşad Həsənovun bu özbaşınalığı və mədəni terroru ilə bağlı ölkə başçısına və 1-ci Vitse-Prezident Mehriban xanım Əliyevaya müraciət ünvanlanacaq.

Məlumat üçün qeyd edək ki, 16 iyun tarixində məsələ ilə bağlı 7NEWS.az saytında yazı dərc edilmişdi. Yazıdan az qala 1 ay öncə icra hakimiyyətinə rəsmi sorğu göndərilmiş, medianın bütün etik normalarına uyğun addımlar atılmışdır. İcra Hakimiyyətinin bu günə qədər rəsmi cavab ünvanlamaması və 'EveRest' restoranın fəaliyyətinin davam etdirilməsi növbəti yazının dərcinə ehtiyac yaratmış oldu.

Oxucularımıza bundan öncə 7NEWS.az saytında dərc edilən yazını təqdim edirik.

Bu günlərdə 7NEWS.az redaksiyasına maraqlı məlumat daxil olub. Məlumatda qeyd edilir ki, Azərbaycan ədəbiyyatının görkəmli simalarından olan Mikayıl Müşfiqin abidəsi yerləşən park növbəti dəfə zəbt olunub. Bundan öncə də bu ərazi zəbt olunacaqdı, hətta dahi yazarın heykəli də aşırdılmışdı. Bakı şəhəri, Yasamal rayonu ərazisində İnşaatçılar və Nərimanov prospektlərinin kəsişməsində (Statistika dairəsi) aparılan yenidənqurma işləri zamanı görkəmli şairMikayıl Müşfiqin abidəsi götürülmüşdü.Sonra Prezident İlham Əliyevin tapşırığı ilə abidə əvvəlki yerinə qaytarılıb.

Görünən odur ki, ölkədə gedən prosesləri, islahatlar dalğasını dərk etməyən və yaxud qulaqardı vuran məmurlar, sahibkarlar hələ də iş başındadırlar.

Belə ki, Azərbaycan ədəbiyyatının görkəmli simalarından olan Mikayıl Müşfiqin abidəsi yerləşən parkın ərazisini "EveRest" adlanan restoran zəbt edib. Şikayətçinin dediklərini araşdırmaq üçün ünvana yollandıq və yerində dəqiqləşmə apardıq. Əməkdaşımız şikayətçinin redaksiyamıza ünvanladığı müraciətin həqiqət olduğunu üzə çıxardı.

Eyni zamanda, əldə etdiyimiz məlumata görə binada yerləşən "EveRest" restoranının açıq havada zəbt etdiyi ərazi qeyri-qanunidir və "aylıq haqq” müqabilində işləyir. Məlumatda qeyd edilir ki, "EveRest" restoranının sahibi Mikayıl Müşfiqin abidəsini zəbt etmək, qeyri-qanuni yolla varlanmaq üçün hər ay Yasamal Rayon İcra Hakimiyyətinə 2000 manat məbləğində pul ödəyir.

Məsələ ilə bağlı dünən Yasamal Rayon İcra Hakimiyyətinə rəsmi sorğu vermişik. İcra Hakimiyyəti onlara qarşı olan iddianın əsassız olduğunu isbatlamaq üçün biabırçılığa son qoymalı, parkın qanunsuz zəbt olunan hissəsini azad etməli, vətəndaşların istifadəsinə verməlidir. Əgər heç bir reaksiya olmayacaqsa, o zaman deyilənlər öz təsdiqni tapmış olacaqdır. İstənilən halda, Prezidentin ziyarət etdiyi abidənin ərazisini hansısa restorana icarəyə vermək, sözün elə əsl mənasında harınlıqdır.

Xatırladaq ki,Mikayıl Müşfiqin heykəlinin yarım əsrədək yaşı var və "Azərbaycan Respublikasının ərazisində olan, dövlət tərəfindən qorunan tarixi və mədəni abidələr" siyahısına daxildir.

Məsələ ilə bağlı Yasamal Rayon İcra Hakimiyyətinə 05 iyul 2021- tarixində rəsmi müraciət etdik. İcra hakimiyyətinin nümayəndəsi redaksiyamızla əlaqə saxlayaraq, obyektin qanunsuz olaraq fəaliyyət göstərdiyini bildirdi: ""EveRest" restoranı icra hakimiyyətindən, Ticarət departamentindən və digər aidiyyatı qurumlardan heç bir icazə almadan park ərazisini zəbt edib və qanunsuz ticarətlə məşğul olub, bu hal aradan qaldırılacaq.”

Biz də redaksiya olaraq 10 gün ərzində ərazini reyd elədik. Gördüyümüz mənzərə isə sözün əsl mənasında Yasamal rayonunda olan dərəbəyliyi, açıq özbaşınalığı ifadə edirdi. Belə ki, restoran park ərazisinin daha böyük hissəsini zəbt edib və daha böyük ticarətə davam edib. Görünən odur ki, şikayətçinin redaksiyamıza ünvanladığı müraciət həqiqətdir və Yasamal icra başçısı son olaylardan sonra Prezidentə qarşı çıxaraq dahi yazarımız Mikayıl Müşfiqi restorana maraq müqabilində "satıb”.

İcra Hakimiyyəti məsələ ilə bağlı məlumatlandırılıb və rəsmi cavablarını da oxucularımıza çatdıracağıq.





 

 

araz.az xəbər portalı.

Azərbaycanda yoluxma və ölüm sayı YENİDƏN ARTDI

photo 145171

Azərbaycanda koronavirus (COVID-19) infeksiyasına 2 042 yeni yoluxma faktı qeydə alınıb, 3 224 nəfər müalicə olunaraq sağalıb.

araz.az bildirir ki, Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 29 nəfər vəfat edib.

İndiyədək ölkədə ümumilikdə 470 985 nəfərin koronavirus infeksiyasına yoluxması faktı müəyyən edilib, onlardan 430 717 nəfər müalicə olunaraq sağalıb, 6 280 nəfər vəfat edib. 33 988 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 15 666, bu günə qədər isə ümumilikdə 4 731 381 test icra olunub.

Azərbaycanda 2 042 nəfər koronavirusa yoluxub, 29 nəfər vəfat edib - Gallery Image

 
araz.az xəbər portalı.

"Mitinqlərə start verilib böyük etiraz aksiyaları keçirilməsinə cəhdlər ediləcək" - Tanınmış hüquqşünas hakimiyyətə SƏSLƏNDİ

1631956260 0001 1

Ac-yalavac xalqı suverenlik, azadlıq şüarları ilə sakitləşdirmək olmaz, xalq həmin şüarlardan bezib

“Hakimiyyət rəsmilərinin nəzərinə! Bu xəbərdarlıq sizə olan sevgimdən yox, dövlətimə olan məhəbbətimdən irəli gəlir, ona görə sizi də yaxşı tanıyıram və görürəm ki, siz də dövlət məsuliyyətini tam anlamırsınız. Yadınızdadırsa, ilin əvvəlində yazmışdım ki, bu il Azərbaycanın həqiqi mənada suveren dövlət olması üçün həlledici il olacaq. Payızda hadisələrin gərginləşəcəyi və ölkədə hakimiyyət dəyişikliyinə cəhd olacağını yazmışdım. Bu gün keçmişlərdən birinin müsahibəsini oxudum və dediklərimin artıq reallaşması istiqamətində daxildə işlərin getdiyini gördüm. Vaxtilə bir-biri ilə qanlı düşmən olan iri fiqurlar artıq bir-birilərinin dost olduqlarını bildirir, ətraflarını birləşdirib, ölkə Prezidenti İlham Əliyevə qarşı mübarizə elan edirlər. İndi isə yaxın zamanlarda baş verəcək hadisələri və onun fəal iştirakçılarından danışım. Yaxın zamanlarda tədricən xırda yürüş, mitinqlərə start verilib böyük etiraz aksiyaları keçirilməsinə cəhdlər ediləcək. Bu məqamda xüsusilə 2 hal əsas kimi götürüləcək. Vətəndaşların ağır iqtisadi vəziyyəti və Qarabağda baş verən hadisələr. Hesab edirəm ki, Qarabağla bağlı Böyük sülh sazişinin bağlanması da məhz buna görə yubanır”.

araz.az-ın xəbərinə görə, bunu hüquqşünas Aslan İsmayılov bildirib.

“Çoxlarının əsas düşmən kimi qəbul etdikləri Ermənistan bu məsələdə sadəcə vasitə olacaq. Əgər Ermənistanın özündən asılı olsa hakimiyyət bu gün Böyük Sülh Sazişi bağlayar. Məhz buna görə də yaxın zamanlarda Ermənistanda Köçəryanın başçılığı ilə kütləvi aksiyalara başlanacaq. Azərbaycanda stabilliyi pozmaq üçün fəal iştirakçılar və onların məqsədi haqqında. Əsas iştirakçı Rusiya və İran olacaq. Rusiya Azərbaycanın güclü, müstəqil dövlət olacağı təqdirdə Qafqazda mövqeyini itirəcəyini, Türkiyənin onun yerini tutacağını bilir və bununla heç cür razılaşmaq istəmir. Vətən Müharibəsi Rusiyanın bütün ümidlərini puça çıxartdı. O, bu müharibədə Paşinyanı devirib yerinə Köçəryanı oturdacağını, Dağlıq Qarabağı keçmiş vəziyyətdə saxlayacağına ümid etsə də heç birinə nail olmadı. İran Azərbaycanın güclü, müstəqil Dövlət olmasını özünə təhlükə sayır və ərazi bütövlüyünün pozulacağından narahatdır. Hər iki ölkə Azərbaycanda olan güclü dayaqlarını birgə hərəkətə gətirəcək ki, hadisələri istədikləri məcraya yönəltsinlər. ABŞ və Avropa Dağlıq Qarabağ probleminin həllində kənarda qaldığını, Türkiyənin burada güclənən mövqeyini həzm edə bilmir və hadisələri öz nəzarətinə götürmək istəyir. Bunun üçün insan hüquq və azadlıqları adı altında öz nəzarətində olan qüvvələrini səfərbər etməklə hakimiyyəti öz istəyinə məcbur etmək istəyəcək. Adlarını çəkdiyim qlobal qüvvələr hər biri öz maraqlarını təmin etmək üçün birgə hakimiyyəti zəiflətmək, istəklərinə nail olmağa görə ölkədə stabilliyi pozmağa cəhd edəcəklər. Bunun üçün də ölkədəki dayaqlarını hərəkətə gətirəcəklər. Bu istiqamətdə də iqtidarlarını itirmişlər, var-dövlətdən məhrum olmuşlar, hakimiyyət, var-dövlət naminə hər addımı atmağa hazır olanlar onlarla müttəfiq olacaqlar. Ac-yalavac xalqı suverenlik, azadlıq şüarları ilə doyuzdurmaq, sakitləşdirmək olmaz və bu artıq onlar üçün maraqlı da deyil. Bu Xalq artıq həmin şüarlardan bezib” – A.İsmayılov qeyd edib.

 

 

araz.az xəbər portalı.

BIR MAHNININ FƏLSƏFƏSI- PROF.DR. BAYRAM ALTAN YAZIR

bayram altanAzərbaycan və Qarabağsevər, Türkiyənin nüfuzlu şəxsiyyətlərindən olan Professor-doktor Bayram Altanın hər kəsi düşündürəcək aşağıdakı yazısını təqdim edirik:

   Prof.Dr. Bayram ALTAN

 Əgər mənim gərgin və yorucu işimdən, dini musiqiyə qulaq asmaqdan başqa vaxtım olursa, ruhumu oxşayan,düşündürücü, xalq mahnılarını dinləyirəm. Bir dəfə dərin düşüncələrə qapılarkən  televizorda bir mahnıya qulaq asdım. Gecənin bir yarısında mahnının yadımda qalan bəzi sözlərini zümzümə etməyə başladım:

 Ümidin bitdiyi qaranlıq gecə,

Geri dönsəm ölüm, irəli həyat.

Kölgələr içində qalmışam necə,

Geri dönsəm ölüm, irəli həyat.

 Bu sözlər məni çox təsirləndirdi. Burada mühüm bir məlumat var idi. O, dinləyiciləri şeylər haqqında düşünməyə və təhlükələr qarşısında ehtiyat tədbirləri görməyə çağırırdı. Mən burada gündüz ilə gecənin,aydınlıqla qaranlığın, düz ilə əyrinin, həyat ilə ölümün, haqsızlıqla ədalətin, qoca ilə cavanın, qadın ilə kişinin, ağla qaranın, imanlılıqla imansızlığın, döğru ilə yanlışlığın, alimlə cahilin, müəllimlə şagirdin, usta ilə naşı adamın, zənginlə yoxsulun,güclü ilə zəifin arasında bir ziddiyyət yox, harmoniya  gördüm. Başqa cür mümkündürmü? Əlbəttə, yox!

 Ziddiyyət kimi görünən bu harmoniyaya daha çox misal göstərmək olar.Canlıların dərin bir sükuta qərq olduğu qaranlıq bir gecədə göz görmür, hədəf itirilir, qorxu və daxili bir həyəcan hissi insanı bürüyür, ümid işığı sönür. Düz yoldan dönüb xəyallara dalan insanın uçuruma düşmək və ölüm təhlükəsi ilə üz-üzə gəlmək qorxusu var.

Düz yoluna davam edən insan, yeri-göyü işıqlandıran, ən qatı qaranlığı bir anda nura qərq edən günəşin doğacağının sevincini yaşayar.

Günəşin yandırıcı vaxtlarında belə, kölgədə həyat var.

İndi bu mahnının təsirləri ilə bu sətirləri yazıram. Çünki bu mahnıda dərin məna gizlənir. Xəbərdarlıqlar, doğru yola çağırmaq, müqayisə,təfəkkür gizli… Gündüz aydınlığın, işığın simvoludur. Gündüz  biliyin, mədəniyyətin, gözəlliyin, xeyirxahlığın, xoşbəxtliyin, sevincin rəmzidir. Gecə isə cahilliyin, pisliyin, bədbinliyin,həyəcanın, kədərin simvoludur.

İndi soruşuram: siz gündüzü,yoxsa gecəni istəyirsiniz? Əlbəttə ki, sağlam düşüncəli hər bir insan gündüzü istəyər.

Gündüz varkən, gecəni kim istəyər?

Elm və mədəniyyət varsa, cahilliyi kim istəyər?

Cənnət varsa, cəhənnəmi istəyən olarmı?

Güzgü kimi hamar,düz yol varsa, çınqıllı, daşlı,tikanlı yolla kim gedər?

Ətri insanı bihuş edən güllər varkən, pis qoxulu gülü kim istəyər?

Kölgə varkən, günəşin yandırıcı şüaları altında durmağı kim istəyər?

Demək olar ki, hər şeyin dəyəri müqayisədə bilinir. Cəhənnəm olmadan cənnətin, pislik olmasa yaxşılığın,cəhalət olmasa, elmin, qaranlıq olmasa, işığın, yoxsulluq olmasa, zənginliyin, imansızlıq olmasa, imanın, ədalətsizlik olmasa, ədalətin qiyməti bilinərmi?

İşində vəzifəsini vicdanla yerinə yetirənin haqqını verən, ölkəsinə, xalqına xidmət etməkdən zövq alan məmurla  iş vaxtında  boş-boş və şəxsi işləri ilə məşğul olan, dövlətin əmlakına zərər vuran bir məmur müqayisə edilə bilərmi?

Öz şagirdlərini tərbiyələndirmək və onlara faydalı məlumatlar öyrətmək və öz ölkəsi və xalqı üçün faydalı olan gəncləri yetişdirən bir müəllim bunu etməyən müəllimə bərabər ola bilərmi?

Seçkilərdə xalqın səsini qazanıb parlamentdə xalqı təmsil edən, ölkəsi, xalqı üçün faydalı xidmətlər göstərən millət vəkilləri ilə ölkəsinə, xalqına heç bir fayda verməyən millət vəkilləri eyni ola bilərmi?

Saatlarla güzgü qarşısında durub özünə sığal çəkən, makiyaj yaxıb yaşlı olduğunu gizlətməyə çalışan bir siyasətçi,dövlət adamı ilə ömründə heç bir makiyaj görməyən, öz təbii halını saxlayan siyasətçini bir tutmaq olarmı?

 Yetmiş üç milyon Vətən övladının hamısını bərabər sayan, seçkidə ona səs verən, ölkənin hər bir yerində vətəndaşlara xidmət etməyə, problemi qorxu ilə yox, sevgi ilə, müsbət enerji verməklə, konstruktiv şəkildə həll etməyə çalışan, dövlət maraqlarını öz şəxsi maraqlarından üstün tutan dövlət başçısı ilə yalnız özünü və qohum-əqrəbasını düşünən, ona və onun partiyasına səs verən seçicilərə qayğı göstərən dövlət başçısı ilə eyni ola bilərmi?

 Heç bir siyasi partiya ilə ayrı-seçkilik etməyən, sıx və uzaq əlaqədə olmayan, tutduğu vəzifəni yerinə yetirərək, ölkəmizə və millətimizə faydalı xidmətlər göstərən, ədalətsizliyin, korrupsiyanın qarşısını alan, dini və mədəni məsələlərdə ayrı-seçkiliyə yol verməyən, danışığı,davranışı ilə nümunə göstərən  dövlət başçısı ilə bunun tam əksi olan bir dövlət adamı bir ola bilərmi?

İnsanları ədalətə,düzgünlüyə, insan kimi yaşamağa,yaxşılığa,gözəlliyə çağıran biri ilə insanları cəhalətə sürükləyən,nadanlığına, zülmə, haqsızlığa, qaranlığa, şeytani hisslərə cəlb edən insan müqayisə oluna bilərmi?

Gördüyü işlərlə insanlara xeyir verən, Allahın razılığı ilə insanları düzgün yolla getməyə səy göstərən biri ilə insanları düz yoldan çəkindirən başqa birini eyni tutmaq olarmı? Əlbəttə, yox!

Yuxarıda izah etməyə çalışdığımız münasibətləri Sevgili Peyğəmbər əfəndimiz iki cümlə ilə belə izah etmişdir: “Başqalarını doğru yola çağırana özü kimi savab verilir. Bununla bərabər, onun savabından da heç bir şey  əksilməz. Onu yoldan çıxmağa dəvət edənə, onun günah qədər günah veriləcək. Ancaq ona tabe olanların günahlarından heç nə əsgilməz "

Pis yol açanlar illər, hətta əsrlər boyu həmişə nifrət və lənətlə xatırlanacaq, qınanacaq və nəticədə cəhənnəm əzabına düçar olacaqlar. Ancaq yaxşı yol açanlar həmişə xeyirxahlıqla,gözəlliklə,yaxşılıqla xatırlanacaq, mükafatlandırılacaq və əbədi olaraq cənnətdə yaşayacaqlar.

Bir mahnının verdiy mesaj, təfəkkür dünyasında apardığımız təhlil və ən önəmlisi, inanc dünyamızı günəş kimi işıqlandıran Sevgili Peyğəmbərimiz Hz.Məhəmməd (S.A.S)in qızıl sözləri işığında soruşuram:

- Hansı mövqedə olmaq istərdiniz???

 

 

araz.az xəbər portalı.

Anar Kərimov: “Yoxlamalar bundan sonra da aparılacaq, məqsədimiz...”

anar kerimov

Yoxlamalar aparılır və bundan sonra da aparılacaq”.

araz.az  apa.az-a istinadən  xəbər verir ki, bunu mədəniyyət naziri Anar Kərimov bildirib.

A. Kərimov deyib ki, ölkə rəhbərliyi tərəfindən qarşıya qoyulan vəzifə mədəniyyət sahəsindəki nöqsanları aşkar etmək və aradan qaldırmaqdır: “İslahatlarda əsas istiqamət də mədəniyyət sahəsinə yeni bir idarəetmə sistemi formalaşdırmaq, şəffaflığı, cavabdehlik məsuliyyətini təmin etməkdir. Pandemiya dövrü olduğuna görə tədbirləri istədiyimiz kimi tez həyata keçirə bilmirik. Buna baxmayaraq, əzmkar, qətiyyətliyik. Məqsədimiz nöqsanları aradan qaldırmaqdır ”.

Mədəniyyət naziri regionlarda, kəndlərdə mədəniyyət evlərinin fəaliyyətinin aktivləşdiriləcəyini söyləyib: “Məqsədimiz mədəniyyətimizi regionlara daşımaqdır. Biz mədəniyyətimizi nə qədər təbliğ etsək, əcdadlarımızdan qalan mirasa sahib çıxsaq, mədəniyyətimiz o qədər güclü olacaq. Bunun üçün də ən gözəl vasitə mədəniyyət müəssisələrimiz, teatrlarımız, muzeylərimiz, klublarımız, mədəniyyət mərkəzlərimizdir. Bu sahədə nöqsanların aradan qaldırılması üçün araşdırmalara başlamışıq. Təbii ki, bəzi binalar yarasızdır, təmir olunmalıdır. Söhbət təkcə təmirdən də getmir, həmin mədəniyyət müəssisələrimizə məzmun da gəlməlidir. Biz də buna çalışırıq”

 

 

araz.az xəbər portalı.

12 -dən səhifə 1806

Əlaqəli xəbərlər