Bugünkü imtahanın test tapşırıqlarının düzgün cavabları AÇIQLANIB

dimm

Dövlət İmtahan Mərkəzi (DİM) Ali təhsil müəssisələrinə qəbul olmaq üçün III ixtisas qrupu üzrə iyulun 14-də keçirilən imtahanda istifadə olunan test tapşırıqlarının düzgün cavablarını açıqlayıb.

DİM-dən Ucnoqta.az-a bildirilib ki, qapalı və cavabları kodlaşdırıla bilən açıq tipli tapşırıqların düzgün cavabları aşağıdakı kimidir:

III ixtisas qrupu (Azərbaycan bölməsi);

III ixtisas qrupu (rus bölməsi).

İmtahan nəticələri yaxın iki həftə ərzində elan olunacaq

 

araz.az xəbər portalı.

Xarici diplomların tanınması prosesində YENİLİK

1625563497 981

Təhsildə Keyfiyyət Təminatı Agentliyi xarici diplomların tanınması prosesi ilə bağlı ərizəçilər tərəfindən daxil olan rəylər əsasında sistemdə istifadə rahatlığı parametri üzrə müxtəlif innovativ həllər, əlavələr və dəyişikliklər edir.

Bu barədə  araz.az-a Təhsildə Keyfiyyət Təminatı Agentliyindən (TKTA) məlumat verilib. 

Belə ki, agentlik müasir dizaynda yeni veb saytını (www.tkta.edu.az) vətəndaşların xidmətinə təqdim edib. Təqdim olunan veb sayt istənilən informasiyanın rahatlıqla əldə edilə bilməsi üçün daha da müasir və funksional formatda yenidən hazırlanıb.

Əlavə olaraq, agentlik bu silsilə addımlar çərçivəsində vətəndaşların indi tanınma üzrə daha da rahat müraciət edə bilməsi üçün www.taninma.az keçidini istifadəyə verib. Bu keçid vasitəsilə vətəndaşlar birbaşa Təhsildə Keyfiyyət Təminatı Agentliyinin rəsmi internet səhifəsinin tanınma bölməsinə daxil ola, proseslə bağlı ətraflı məlumatları əldə edə, müraciət edə və şəhadətnamələrini yoxlaya bilərlər.

Agentlik vətəndaşları yalnız yuxarıda qeyd edilən və Təhsildə Keyfiyyət Təminatı Agentliyinin rəsmi mənbələri sayılan keçidlərdən istifadə etməyə çağırır. Agentliyin xaricdə təhsil sahəsində, o cümlədən xarici diplomların tanınması ilə bağlı heç bir şirkət və fiziki şəxslə əməkdaşlıq etmədiyi, eləcə də, bu şəxslərin və şirkətlərin fəaliyyətinə görə məsuliyyət daşımadıqları bildirilir.

Vətəndaşlarımızdan bu kimi hallarla rasltaşdıqları halda Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron poçt ünvanına müraciət etmələrini xahiş edirik.

 

araz.az xəbər portalı.

Ən çox seçilən ixtisasların adları - SİYAHI

1624451615 1505561659 imtahan esas

Keçən il abituriyentlər Azərbaycan bölməsində I qrupda ən çox Bakı Dövlət Universitetinin “Riyaziyyat müəllimliyi”, II qrupda Azərbaycan Dövlət İqtisad Universitetinin “Maliyyə (tədris ingilis dilində) ”, III qrupda Azərbaycan Dillər Universitetinin “Xarici dil müəllimliyi (ingilis dili üzrə)”, IV qrupda Azərbaycan Tibb Universitetinin “Tibb”, V qrupda Azərbaycan Dövlət Bədən Tərbiyəsi və İdman Akademiyasının “Fiziki tərbiyə və çağırışaqədərki hazırlıq müəllimliyi” ixtisaslarına üstünlük verib.

Bu barədə Dövlət İmtahan Mərkəzindən məlumat verilib.

Bildirilib ki, III və IV ixtisas qrupunda Azərbaycan və rus bölməsinin abituriyentlərinin seçimi eyni olub.

II qrupda rus bölməsinin abituriyentləri daha çox Azərbaycan Dövlət İqtisad Universitetinin tədrisi rus dilində olan “Maliyyə” ixtisasına meyil ediblər. I ixtisas qrupunda rus bölməsinin abituriyentləri Azərbaycan Dövlət Neft və Sənaye Universitetinin “İnformasiya texnologiyaları”, V ixtisas qrupunda isə Azərbaycan Dövlət İqtisad Universitetinin “Dizayn (sahələr üzrə)” ixtisasına üstünlük veriblər.

Azərbaycan bölməsində I ixtisas qrupunda “Riyaziyyat müəllimliyi” ixtisasına marağın artmasını Təhsil Nazirliyinin pedaqoji ixtisaslara göstərdiyi qayğı ilə əlaqələndirmək olar.

Oğlan abituriyentlər texniki və iqtisad, qız abituriyentlər isə humanitar ixtisaslara üstünlük veriblər.

 

 

araz.az xəbər portalı.

Müəllimlər çətin “imtahanla” üzləşə bilər - Hər ssenariyə hazır olmalıyıq

MuellimdersŞagird sayının azalması müəllimlərin də sayına təsir edəcək: Bəs nə etməli?

Yaxın illərdə Azərbaycanda məktəbli sayında azalma müşahidə oluna bilər. Bunu təhsil naziri Emin Əmrullayev deyib. Bu faktor müəllimlər üçün vakansiya yerlərinin sayını da təsir edə bilər. Nazir bildirib ki, şagird sayının azalması fonunda əsas prioritet müəllimləri işdən çıxarmaq deyil, iş yerlərini qorumaqdır.

Azərbaycanın Əməkdar müəllimi Asif Cahangirov AYNA-ya şərhində demoqrafik dəyişikliklərin Böyük Vətən müharibəsindən sonra SSRİ üçün də xarakterik olduğunu söyləyib: “O zaman müharibədə kişilərin ölümü demoqrafiyaya mənfi təsir göstərməyə bilməzdi. Və bu, indiyə qədər öz təsirini davam etdirir. Ölkəmizdə Qarabağdakı müharibə bir çox gəncin həyatına son qoydu və bu da demoqrafiyaya təsir edəcək”.

Asif Cahangirov: “Cürətlə deyirəm, məktəblərdəki Pedaqoji Şura sovet  mirasıdır, dəyişməlidir”

Onun sözlərinə görə, təhsil sahəsində belə məqamların proqnozlaşdırılması siyasəti olmalıdır: “Təhsil Baş İdarəsinin rəisi olduğum zaman birinci siniflərə qəbulda artımın, sonra azalmanın olduğunu görürdüm. Və reallıqlara uyğunlaşmaq lazım idi. Bəzi hallarda kəskin artımla, ixtisası üzrə ibtidai sinif müəllimi kimi işləməyən Azərbaycan və ya rus dilləri müəllimlərinin yenidən hazırlanmasını təşkil etmək məcburiyyətində qalırdıq. Birinci siniflərdə şagird sayını, sonrakı siniflərdə neçə fənn müəlliminə ehtiyac olacağını əsas tutduq və hesablamalar apardıq”.

Mütəxəssisin fikrincə, şagirdlərin inkişafına töhfə verməyən müəllimlərdən qurtulmaq lazımdır: “Məktəblilərin sayının azaldılması reseptlərindən biri kimi, müəllimlərin sayını süni şəkildə artırmamaq üçün işləyən müəllimlərin dərs yükünü artıraraq, vakansiyaların sayını azaltmaq mümkündür. Ancaq başqa variantları da axtarmalıyıq. Sayələrində təshilin keyfiyyəti artan müəllimlərin “nüvəsi”ni qorumaq lazımdır”.

“Bir məqam da müəllim heyətinin hazırlanması ilə bağlıdır. 1978-ci ildə Baltikyanı ölkələrdə bir işgüzar səfərdə idim və Litva Təhsil Nazirliyində mənə ölkədə kimya və biologiya müəllimlərinə ehtiyacın o qədər də əhəmiyyətli olmadığını, bu səbəbdən Biologiya fakültəsinə üç ildə bir, Kimya fakültəsinə isə iki ildə bir dəfə qəbul həyata keçirildiyi deyildiyində, sadəcə təəccübləndim. Planlaşdırılan Sovet iqtisadiyyatı bir doqma kimi qəbul edilirdi, ancaq Litvada çevik resurs planlaşdırması yolu ilə həyata keçirildi. Təhsilin pulsuz əsasda dövlət sifarişi əsasında həyata keçirildiyi sahələrdə buna bənzər bir yanaşmaya ehtiyacımız var”, - deyə Cahangirov vurğulayıb.

Təhsil Nazirliyi yanında İctimai Şura sədrinin müavini Nadir İsrafilov isə AYNA-ya açıqlamasında məktəblilərin sayının azalması və artmasının müxtəlif amillərdən asılı olduğunu deyib: “Pandemiya səbəbindən toyların keçirilməsinin qadağan edilməsi də bir neçə ildən sonra demoqrafiyaya təsir edə bilər. Demoqrafiyaya boşanma, gənclərin müəyyən faizinin ailə qurması üçün maddi imkanının olmaması və s. amillər mənfi təsir göstərir. Təhsil sistemi istənilən ssenariyə hazır olmalıdır”.

Nadir İsrafilov: “Tam əminliklə deyə bilərəm ki, İctimai Şuranın fəaliyyəti  öz müsbət nəticələrini göstərəcək…”

“Müxtəlif ölkələrdə bir müəllimə fərqli sayda şagird düşür. Bir yerdə 9, bir yerdə 17, bizdə 11. Amma bu statistika daim dəyişir. Şagird-tələbə sayının müəyyən vaxtlarda azalması normaldır. Ancaq bu, müəllim heyəti arasında iş yerlərinin azalmasına səbəb olan bir faktora çevrilməməlidir. Bununla birlikdə, universitetlərimizin ehtiyac olduğundan daha çox müəllim heyəti yetişdirdiyini də unutmamalıyıq. Yeni vakansiyalar açılır, lakin hamı üçün kifayət deyil”, - deyə ekspert qeyd edib.

Onun sözlərinə görə, əvvəllər müəllimlərə istiqamətə uyğun iş tapşırılırdı: “Buna əsasən universitetlərin planı formalaşdırılırdı. İndi bu, belə deyil, amma son illərdə müəllimlər kənd yerlərində işləməyə təşviq olunur, müavinət və subsidiyalarla maraqlandırılırlar. Ancaq indiyə qədər məktəblərdə kadrların qeyri-bərabər bölgüsü mövcuddur - bəzilərində bunlar daha çoxdur və dağlıq ərazilərdəki məktəblərdə bunların çatışmazlığı var”.

İsrafilov əlavə edib ki, ixtisası üzrə işə düzələ bilməyənlər tərəfindən yenidən ixtisasartırma, əlaqəli bir peşə alma ehtimalı var: “Yəni “stavka” davamlı təhsilə edilir. İndi hər şey əmək bazarının tələblərindən asılıdır”.

Mütəxəssis müəllim heyəti məsələsinə də toxunub: “Təxminən 70 ildir ki, müəllimlərin dərs yükünün 18 saat olduğu bir təlimat var idi, lakin bəzi hallarda bir yarım, hətta iki dərs yükü almaq mümkün idi. 1990-cı illərdə bütün məhdudiyyətlər götürüldü və bəzən tədris saatlarının sayı 72-yə çatdı ki, bu da təhsilin keyfiyyətinə mənfi təsir etdi. Sonra dərs yükü 12 saat səviyyəsində edildi və sonra 18 saata geri qaytarıldı. İndi imtahanlarda daha çox bal toplayanlar daha çox dərs saatı alır, halbuki əvvəllər bölgü daha bərabər idi. Bəzi müəllimlərdə cəmi 6 saatlıq dərs yükü var. Bir tərəfdən heç nədənsə bu, yaxşıdır, digər tərəfdən çox az - yarım dərs yükündən də az olduğu aydındır. Vəziyyət dəyişdikdə müəllimlərin işsiz qalmaması və işlərinin milli təhsilin xeyrinə olması üçün indi planlaşdırma üzərində iş aparılır”.

Müəllif: Elya BELSKAYA.

Mayın 17-dən sonra cəmi 21 gün dərs olacaq

758340df4407951a807c1fa199ff817e
 
Artıq 3-cü dalğa sönür, ənənəvi tədrisin bərpası gözlənilən idi
Təhsil Nazirliyi Kollegiyasının müvafiq qərarına əsasən, Bakı, Sumqayıt, Gəncə və Şəki şəhərlərinin, Abşeron rayonunun ərazisində yerləşən ümumi və məktəbdənkənar təhsil müəssisələrində 17 may 2021-ci il tarixindən əyani tədris forması qismən bərpa ediləcək.
Təhsil eksperti Kamran Əsədov "Şərq"ə açıqlamasında qeyd edib ki, orta ümumtəhsil məktəblərində tədrisin yenidən bərpası gözlənilən idi. O qeyd edib ki, çünki artıq ölkəmizdə koronavirusa yoluxma sayında müəyyən qədər azalma müşahidə olunmaqdadır:
"Hətta biz proqnozlaşdırırdıq ki, məktəblərin açılması daha erkən ola bilər. Belə ki, bizim proqnozumuzda aprel ayının 26-dan tədrisin bərpası mümkün idi. Çünki Azərbaycanda koronavirusun üçüncü dalğası demək olar ki, başa çatmaq üzrədir. Digər tərəfdən nəzərə alsaq ki, artıq vaksinasiya prosesinə orta ümumtəhsil məktəblərində çalışan müəllimlər və texniki işçilərin böyük faizi qoşulub. Digər tərəfdən isə sevindirici haldır ki, ölkədə pandemiya qaydalarına uyğun olaraq davranış artıq hər kəs tərəfindən mənimsənilib. Qeyd edim ki, may ayının 17-də ölkənin Bakı, Abşeron, Sumqayıt, Gəncə və Şəki məktəblərində tədris bərpa ediləcək. Yəni ibtidai siniflər yenidən həftədə 3 dəfə, digər yuxarı siniflər isə həftədə iki dəfə məktəbə gedəcəklər. Eyni zamanda bu, məktəbəqədər hazırlıq qruplarına da aiddir".
K.Əsədov qeyd edib ki, may ayının 17-dən etibarən tədrisin qismən bərpasının əsas məqsədi ikinci yarımil və il üzrə summativ qiymətləndirmənin həyata keçirilməsidir:
"Məlum olduğu kimi, distant formada qiymətləndirmənin həyata keçirilməsində bir sıra problemlər ortaya çıxırdı. Məsələn, bir çox şagirdlər alətlər olmadığına görə qiymətləndirmədə iştirak edə bilmirdilərsə, digər qism isə kənar müdaxilələrlə bu qiymətləndirmədə iştirak edirdilər. Bu da təbii ki, obyektiv olmurdu. Qeyd edim ki, may ayının 17-dən etibarən şagirdlərimiz cəmi 21 gün məktəbə gedəcəklər. Digər tərəfdən bir maraqlı məqamı da qeyd edim ki, 17 maydan tədrisin bərpası o demək deyil ki, həmin məktəb bağlana bilməz. Təbii ki, yenə də hansısa məktəbdə şagirdlər və müəllimlər arasında yoluxma halları müşahidə olunacaqsa, həmin məktəblər müəyyən müddətə yenidən qapanmaya gedəcəklər. Mən çox ümidliyəm ki, bu il tədris prosesi son zənglə yekunlaşacaq".
Ali təhsil müəssisələrində tədrisin bərpasına gəlincə, təhsil eksperti vurğulayıb ki, bu təhsil müəssisələrdə tədrisin ənənəvi bərpası gözlənilmir:
"Xatırladım ki, fevral ayının 1-dən etibarən laboratoriya işi tələb edən, eyni zamanda birbaşa yanaşma tələb edən fənlər onsuz da bərpa edilib. Yəni ali təhsil müəssisələri və orta ixtisas təhsil müəssisələrində yalnız praktik iş tələb edən ixtisaslarda və fakültələrdə tədris bərpa edilib. Digərlərində isə hələlik hər hansı bərpa həyata keçirilməyib".
 
 
araz.az

1 -dən səhifə 37

Əlaqəli xəbərlər