Nədən həbslər də məmurlara ƏNGƏL OLMUR... - “Məmurlar bir-biriylə qohumluq əlaqələri quraraq cinayətkar şəbəkə yaradıblar”

1620718751 0001.hyuh

Son dövrlər Azərbaycanda korrupsiya və rüşvətxorluğa qarşı mübarizə ön planda durur. Prezident İlham Əliyev 2018-ci ilin aprelindən sonra keçirdiyi görüşlərin və söylədiyi nitqlərin hər birində rüşvətxorluq və korrupsiyaya qarşı barışmaz mübarizə aparılacağını önə çəkib. Hətta dövlət başçısı son vaxtlar ayrı-ayrı vəzifələrə təyin etdiyi məmurlara tapşırıqlar verərkən, onları şəffaf və təmiz işləməyə, rüşvətxorluq və korrupsiyadan uzaq olmağa, eyni zamanda sahibkarları incitməməyə çağırıb. Buna əməl etməyənləri işdən çıxarmaqla kifayətlənməyəcəyini və onların cəzalandırılacağını bildirib.

Şəmkirin sabiq icra başçısı Alimpaşa Məmmədovun törətdiyi əməllər göstərdi ki, davamlı olaraq icra başçılarının və digər məmurların həbsinə baxmayaraq, hələ də icra başçıları “at oynadır”. Bu mənada, korrupsiyaya yol verən məmurların işdən çıxarılması və həbsi davam etdirilməlidir.

Mövzu ilə bağlı “Hürriyyət”ə açıqlama verən sabiq polis rəisi, hüquqşünas Mahmud Hacıyev də hesab edir ki, məmurlara qarşı aparılan bu cür tədbirlər davamlı olmalıdır ki, köklü nəticələr əldə olunsun. O, qanunsuz əməllərlə məşğul olan məmurları daxili düşmənlər adlandırıb: “Son vaxtlar ictimaiyyətdə yayılan informasiyalardan hiss olunur ki, dövlət məmurları korrupsiya əməllərinə qurşanıb. Onlar rüşvətxorluqla məşğul olurlar. Bu cür məlumatların yayılması əvvəl-axır öz nəticəsini verməli idi. Əvvəlki çıxışlarımda da bildirmişəm ki, cinayətlər iki cür baş verir: gizli və açıq şəraitdə. Bu məmurlar o qədər azğınlaşmışdılar ki, cinayətləri açıq şəkildə törədirdilər. Buna da mütləq qaydada reaksiya verilməli idi. Məmurların qanunsuzluqlarının aşkar edilməsiylə bağlı əməliyyat tədbirləri həyata keçirildi. Əməliyyatları iki hüquq-mühafizə orqanı həyata keçirir: Baş prokuror yanında Korrupsiyaya qarşı Mübarizə Baş İdarəsi və Dövlət Təhlükəsizlik Xidməti. Bu günə qədər çox sayda məmur iş başında həbs edilib. Çünki onlar azğınlaşmış şəraitdə açıq cinayətlərə gedirdilər. Bu cür tədbirlər davamlı olarsa, öz nəticəsini verəcək. Davamlı olmalıdır ki, köklü nəticələrini görə bilək. Hələ ki, az nəticə verir. Çünki bir neçəsi tutulub. Bu o demək deyil ki, yerdə qalan yüksək titullu məmurlar bu cür işlərlə məşğul olmurlar. Onlar tutulan məmurlardan da ağırlaşdırıcı formada qanunsuz əməllərlə məşğuldurlar. Cinayət məcəlləsində cinayətlərin təsnifatı var: vəzifə cinayətləri, şəxsiyyət əleyhinə olan cinayətlər, ictimai təhülkəsizlik əleyhinə olan cinayətlər və s. Məmurların əməlləri də vəzifə cinayətlərinə aid edilir. Həbslər davam olarsa, bir az da yaxşı nəticələrini görə bilərik. Çox güman ki, proses davamlı olacaq. Bu adamlar daxili düşmənlərdir. Xarici düşmənimiz də ermənilərdir. Daxili düşmənlər xarici düşmənlərdən qat-qat təhlükəlidir. Çünki xarici düşmənlə üz-üzəyik, onlara qarşı ordumuz, kəşfiyyatımız və əks-kəşfiyyatımız tədbir görür. Lazım olanda, müharibə ilə başlarını əzirik. Amma daxili düşmənlər isə daha təhlüəkəlidir. Onlara qarşı mübarizə aparmağın özü də biraz çətinlik törədir. Çox təhüləkli adamlardır. Tək amalları pul, varlanmaq və külli miqdarda pul ələ keçirtməkdir. Bu baxımdan, onları daxili düşmənlər adlandırıram. Ermənilər Ağdam rayonunu yerlə-yeksan edib, yaşayış evlərini dağıdıb. İcra başçıları isə rayonun infrastruktutunu darmadağın ediblər”.

Sabiq polis rəisi onu da qeyd edib ki, hüquq-mühafizə orqanları tərəfindən aparılan əməliyyat tədbirləri insanlarda ruh yüksəkliyi yaradıb: “Bəzi icra başçıları vəzifədən kənarlaşdırılıb. Lakin prokurorluq orqanlarına geniş səlahiyyət verilib. Onlar vəzifədən kənarlaşdırılan məmurların vəzifədə olduğu müddətdəki fəaliyyətini tam araşdırıb, qanunsuzluqları aşkar edə bilərlər. Əhmədli qəsəbəsində çox sayda faktlar var. Ərazilərin çoxu qanunsuz şəkildə satılıb. Valideynlər azyaşlı uşaqlarını məktəbə aparanda piyada keçidindən deyil, maşın yolundan istifadə edir. Bu cür faktlara görə deyirəm ki, onlar ermənidən qat-qat təhlükəlidir. Hüquq-mühafizə orqanlarının məmurlarla bağlı apardıqları işi alqışlayıram. Əvvəllər icra strukturlarına qarşı heç bir mübarizə aparılmayıb. Bu baxımdan, isanlarda elə bir düşüncə yaranırdı ki, guya bunlar toxunulmazdır. İnsanlar da bu cür reallıqla barışmalı olurdu. Nəticədə qanunlara qarşı da ruh düşkünlüyü əmələ gəlirdi. Daha sonra isə bu cür əməliyyat tədbirlərinin olması insanlarda ruh yüksəkliyi yaratdı”.

Mahmud Hacıyev həbs edilən məmurların törətdikləri cinayətləri dövləti cinayətlər adlandırıb: “Hüquq-mühafizə orqanları qanunla onlara verilmiş səlahiyyətlərdən istifadə edib, qanunsuz əməllərlə məşğul olan məmurları məsuliyyətə cəlb edirlər. Onların həbsinin davamlı olmasını istəyirəm. Düşünürəm ki, bu cür məmurların törətdikləri cinayətlər dövləti cinayətlərdir. Çünki onlar dövləti məhv edirlər. Nəticədə, dövləti hörmətdən salırlar. Ən əsası da qanunları saymır və tabe olmamağa çalışırlar. Məsələn, Çində bu cür əməllərə yol verən məmurlar güllələnir. Buna görə də Çin iqtisadi baxımdan inkişaf etmiş dövlətdir. Yəni ki, onlar güllələnməyə layiq məmurlardır. Məsələn, Ağstafanın həsb edilən keçmiş icra başçısının əməliyyat videosu yayılmışdı. Qarnını qaşıyaraq müavininə deyir ki, hansısa iş adamı bizim haqqımızı niyə göndərmir. Maraqlıdır ki, davamlı olaraq icra başçıların həbs edilməsinə baxmayaraq, digərləri bundan örnək götürmür. Sonuncu dəfə Şəmkirin icra başçısının törətdiyi əməllər buna bariz nümunədir. Sanki rüşvətxorluq onların qanına işləyib. Bu yaxında mediada oxuyuram ki, Pirallahı rayonun icra başçısı Vətən müharibəsində yaralanmış qaziyə deyir ki, sənə süpürgə verim Pirallahı rayon mərkəzinin küçələrini süpür. Görün, bu icra başçısının tərbiyəsini… İcra başçısı bu sözləri 44 gün Vətən müharibəsində can qoyan, 3 ordenlə təltif olunan, Şuşanın azad olunmasında qəhrəmanlıq göstərmiş zabitə deyir. Sizcə, bu icra başçısında mədəniyyət deyilən bir şey varmı?..”

Hüquqşünas bildirib ki, məmurlar bir-biriylə qohumluq əlaqələri quraraq, cinayətkar şəbəkə yaradıblar: “Digər tərəfdən, məmurların bir-biriylə qohumluq əlaqələri var. Sanki, cinayətkar şəbəkə yaradıblar. Onlar qohumluq əlaqələrini cinayətkar şəbəkəni yaratmaq üçün qururlar. Sözügedən məmurlarda nə Vətənə, nə də torpağa sevgi hissləri var. Onların beyni yalnız bir istiqamətdə işləyir, külli miqdarda pul yığmaq, varlanmaq. Hüquq-mühafizə orqanları prosesə gec başlasalar da, amma yaxşı başladılar. Ümid edirik ki, əməliyyat tədbirləri davam edəcək”.

«TRİBUNA» HEYDƏR ƏLİYEV FONDUNUN İLDÖNÜMÜNƏ HƏSR OLUNMUŞ MARAQLI MƏQALƏ DƏRC EDİB

WhatsApp Image 2021 05 11 at 17.08.42

Moldovanın böyük oxucu auditoriyasına malik nüfuzlu «TRİBUNA» informasiya portalı Heydər Əliyev Fondunun ildönümünə həsr olunmuş maraqlı məqalə dərc edib. Məqalənin müəllifi Moldova Demokrat Partiyasının lideri, deputat Dmitri Dyakovdur.

Bu barədə, Azərbaycanın Moldovadakı Səfirliyindən araz.az-a daxil olan məlumatda deyilir ki, partiya lideri öz məqaləsində, öncə, Heydər Əliyev Fondunun, 17 il əvvəl, Ümummilli Liderin doğum günündə yaradıldığını və ötən bu müddət ərzində, Azərbaycanın ictimai-siyasi həyatında mühüm rol oynadığını qeyd edib.

Deputat sonra məqaləsində Heydər Əliyev Fondunun, öz Prezidentinin, UNESCO və ISESCO-nun Xoşməramlı Səfiri, Azərbaycan Respublikasının Birinci vitse-prezidenti Mehriban xanım Əliyevanın misilsiz rəhbərliyi altında və şəxsi xidmətləri sayəsində genişmiqyaslı ölçüyəgəlməz fəaliyyət əldə etdiyini, beynəlxalq səviyyədə yüksək nüfuz və böyük uğurlar qazandığını xüsusi vurğulayıb.


«Humanizm və mərhəmət, yüksək peşəkarlıq və fədakarlıq, böyük təşkilati istedad və idarəetmə təcrübəsi Mehriban Əliyevaya həm Azərbaycanda, həm də xaricdə böyük hörmət qazandırıb. Prezident İlham Əliyev cənablarının etibarlı silahdaşı olan Mehriban xanım Əliyeva ölkəsinin çiçəklənməsinə və inkişafına misilsiz dərəcədə böyük töhfələr verir. Təsadüfi deyil ki, onun fəaliyyəti yüksək dövlət və beynəlxalq mükafatları ilə qiymətləndirilmişdir», -- Dmitri Dyakov məqaləsində yazıb. Bunlardan əlavə, moldovalı millət vəkili öz yazısında, Fondun həyata keçirdiyi beynəlxalq layihələrdən də söz açıb. Məqaləsinin bu yerində, Moldovanın Qaqauziya ərazisində Fond tərəfindən inşa edilən Mədəniyyət və Təhsil Mərkəzində işlərinin necə yüksək səviyyədə başa çatdırıldığına toxunub. O, bu möhtəşəm layihənin, Moldova ilə Azərbaycan arasında getdikcə inkişaf edən humanitar əlaqələrin vacib tərkib hissəsi olacağına əminliyini də ifadə edib.
Məqaləsinin sonunda, Dmitri Dyakov, ötən il Azərbaycanın ərazi bütövlüyünü bərpa edərək, tarixi ədaləti bərqərar etdiyindən, azad edilmiş ərazilərdə böyük təmir, bərpa və inşa işlərinin aparıldığından da ətraflı bəhs edib. Bu böyük işlərdə Heydər Əliyev Fondunun əvəzolunmaz roluna da toxunub. Fondun və şəxsən Mehriban Əliyevanın əvəzsiz töhfələri nəticəsində, mənfur düşmən tərəfindən Azərbaycanın Qarabağ ərazisində dağıdılan dini və mədəniyyət abidələrinin, qədim memarlıq tikililərinin ikinci həyat tapacaqlarına tam əminliyini vurğulayıb.

Yeri gəlmişkən, onu da bildirmək istəyirik ki, məqalə müəllifi 1998 -- 2001-ci illərdə Moldova Parlamentinin spikeri vəzifəsini tutub. 2009-cu ildən Moldova Demokrat Partiyasının fəxri sədridir. Hal-hazırda, həm də Moldova Parlamentində Demokrat Partiyasının fraksiya rəhbəridir.

Onu da bildirmək istəyirik ki, deputatın bu maraqlı məqaləsi Moldovanın digər informasiya saytlarında da dərc olunub.
Məqalə ilə daha ətraflı, aşağıdakı linklərdən də tanış olmaq mümkündür:

https://tribuna.md/ru/2021/05/10/ru-к-годовщине-фонда-гейдара-алиева/

https://noi.md/ru/obshhestvo/diyakov-dostizheniya-fonda-gejdara-alieva-i-lichnaya-roli-mehriban-alievoj-v-zhizni-sovremennogo-azerbajdzhana-besprecedentny?prev=1

araz.az xəbər portalı.

“Səkkiz icra başçısı tutulub, onları Prezidentə kim təqdim etmişdi?”

27160744 fd53 42ce b2a7 70d1b690f0f8 696x392

Rusiya Xarici İşlər naziri Sergey Lavrovun İrəvanda saxta “soyqırım abidəsi”ni ziyarət etməsi, verdiyi açıqlamalar və s. göstərir ki, onun Bakı səfəri heç də xoş əhval-ruhiyyədə keçməyəcək. Analitiklər də Lavrovun İrəvandan sonra Bakı səfərinin təzyiq xarakterli olacağını ehtimal edirlər.

Politoloq Cümşüd Nuriyev isə hesab edir ki, Lavrovun bəzən rast gəlinən anti-Azərbaycan çıxışlarında həm də ölkəmizdəki “beşinci kolon”un rolu var. Onun fikrincə, Azərbaycanda “beşinci kolon” nümayəndələrinin hakimiyyətdən tam təmizlənməsi üçün xeyli vaxt lazımdır. “AzPolitika.info”ya istinadən Cümşüd Nuriyevlə müsahibəni təqdim edirik:

– Cümşüd bəy, Rusiya Xarici İşlər naziri Sergey Lavrov İrəvana səfər etdi, bu ölkədə danışıqlar apardı. Mayın 10-da isə Bakıya səfər edəcək. Sizcə, indiki mərhələdə Lavrovun regiona səfərinin əsas məqsədi nədir?

– Diplomatik etiket tələb edirdi ki, Sergey Lavrov İrəvan səfərindən dərhal sonra Bakıya gəlsin. Amma biz bunu müşahidə etmədik. Onun İrəvan səfərindən bir neçə gün sonra Bakıya gəlişi göstərir ki, İrəvan danışıqlarının nəticəsindən asılı olaraq, Azərbaycan üçün yeni “resept” hazırlanacaq. Bu “siyasi resept”də nələrin olduğunu deyə bilmərəm, amma orada həm İrəvanın istəkləri nəzərə alınacaq, həm də Azərbaycana hansı yollarla siyasi təzyiqlərin edilməsi öz əksini tapacaq.

Azərbaycana gələndə, Lavrov bu təkliflərin hansının həyata keçə biləcəyi, hansınınsa mümkün olmayacağını sınaqdan keçirəcək. Bilmək istəyəcək ki, Bakı buna necə reaksiya verir. Əgər, bu məsələ bizim Xarici İşlər Nazirliyimizin öhdəsinə qalmış olsaydı, məncə, Lavrov oyunu udmuş olardı. Amma burada söhbət İlham Əliyevdən gedir. Lavrovun isə İlham Əliyevi udması mümkünsüzdür. Başqa sözlə, İlham Əliyev siyasi cəhətdən kifayət qədər hazırlıqlı adamdır və ölkənin xarici siyasətini də bilavasitə özü həyata keçirir. Odur ki, mən xüsusi bir narahatçılığa əsas görmürəm. Düşünürəm ki, bu da Lavrovun növbəti səfərlərindən biri olacaq. Nə Azərbaycan əvvəlki Azərbaycandır, nə də Lavrov 5 il əvvəlki Lavrovdur.

Nəzərə alaq ki, Türkiyənin də Cənubi Qafqazda mövqeyi kifayət qədər güclüdür və Azərbaycan artıq tək də deyil. Bu mənada Lavrovun səfəri Azərbaycan üçün həm də bir sınaq olacaq. Əlbəttə, sülhməramlılarla bağlı da Azərbaycan konkret mövqeyini ortaya qoymalıdır.

– Xankəndində keçiriləcək paradı nəzərdə tutursunuz?

– Rusiyanın dünyanın 4-5 ölkəsində sülhməramlısı var. Mən onlarla maraqlandım. Afrikada, Avropada, Moldovada da var. Niyə onlar həmin ərazilərdə parad keçirmir, ancaq Xankəndində keçirir? Bu, həm ermənilərə mesajdır, həm də Azərbaycana göstərilir ki, biz burada nə istəsək edə bilərik. Bu, narahatedici addımdır. Rusiya çalışır ki, özünü güclü göstərsin, amma Rusiyanın o gücü qalmayıb.

– Bir neçə gün əvvəl rəsmi Bakı əsirlikdə olan üç ermənini azad edərək İrəvana göndərdi. Bu prosesin Lavrovun səfəri ilə əlaqəsi varmı?

– Bizim mətbuat bu hadisəni başqa cür təqdim edir. Mən dəqiq bilirəm ki, İlham Əliyev bu üç ermənidən azı 300 nəfərlik xeyir götürməsə, yəni siyasi dividend qazanmasa onların İrəvana göndərilməsi mümkünsüz idi. Əslində, bizdə olan ermənilərin içərisindən ən zərərsizləri seçilib və qarşılığında nəsə alınıb. Axı, biz bilmirik ki, Bakı bunun qarşılığında nə istəyib. Elə məsələlər var ki, bunlar mətbuata çıxmır. Biz bunun arxasında nələrin durduğunu bilməsək də, aydındır ki, Azərbaycan Prezidenti bunun qarşılığını almadan onların İrəvana göndərilməsinə razılıq verməzdi. Odur ki, bu hadisənin Lavrovla heç bir əlaqəsi yoxdur. Azərbaycan müstəqil xarici siyasət yürüdür və inanmıram ki, 44 günlük müharibədən sonra Azərbaycanla təzyiq dili ilə danışmaq mümkün olsun. Eyni zamanda, Azərbaycan deyə bilməz ki, Lavrov gəlməsin. Təklif Rusiya tərəfindən gəlib. Əgər ölkələr arasında əməkdaşlıq varsa, səfərlər də olmalıdır.

Məncə, Azərbaycan Rusiya ilə münasibətlərində dəyişiklik etmək istəyirsə, bizim Moskvadakı səfirimiz dərhal geri çağırılmalıdır. Polad Bülbüloğlu istedadlı incəsənət nümayəndəsidir. Amma bu müddət ərzində özü qarabağlı olmasına rəğmən böyük səhvlərə yol verib. Bu gün də o adam Azərbaycan üçün çalışmır.

– Bəs, kim üçün çalışır?

– Bədbəxtçilik ondadır ki, heç kimə, heç özü üçün də çalışmır. Bu incəsənət adamları diplomatiyaya musiqi, bəstə kimi baxırlar. Bu adamın orada olmasının hər günü Azərbaycan üçün ziyandır. Onu dəyişmək, yerinə peşəkar diplomat göndərmək lazımdır. Məğlubiyyət dövrü üçün Polad Bülbüloğlu yarayırdı, amma qalib Azərbaycan üçün zəif Polad Bülbüloğlunun Moskvada olması işimizi əngəlləyir. Oradakı səfirimizin ağzından od püskürməlidir. Ermənistanın səfirinə baxsın… Deyim ki, bizdə belə güclü diplomatlar var. Məsələn, Xələf Xələfov və ya Mahmud Məmmədquliyev. Hər ikisi Rusiyanı yaxşı bilir. Bizim peşəkar diplomatlarımız var.

– Siz daim “beşinci kolon”un təhlükəsindən bəhs edirsiniz. Səfir Polad Bülbüloğlunu da bu çərçivədə görürsünüz?

– Polad öz fəaliyyətsizliyi ilə həmin çərçivəyə çoxdan daxil olub. Hüquqda cinayət hərəkəti və hərəkətsizliyi anlayışı var. Diplomatiyada da eyni şeydir. Hərəkətsiz durmaq da eyni məsələdir. Bizim ən böyük diasporamız Rusiyadadır. Amma diaspora yaman gündədir. Gündə bir rəhbər dəyişir. Əslində, Rusiyadakı Azərbaycan diasporası bizim ən böyük bayrağımız olmalıdır. Təxminən Ermənistanın Kaliforniyadakı diasporası kimi. Moskvada bu işi görəcək adam lazımdır. Mənim Polad Bülbüloğlu ilə şəxsi problemim yoxdur. Amma Azərbaycan üçün o, yaramayan səfirdir və dəyişdirilməlidir.

“Beşinci kolon”a gəldikdə, deyim ki, nə qədər Azərbaycanda erməni kökənli şəxs varsa, hamısı “beşinci kolon”dur. Onlar parlamentdə də var, hökumətdə də yüksək səviyyədə təmsil olunurlar, hətta Prezident Administrasiyasında da var. Əslində, bunları jurnalistlər araşdırmalıdır, onsuz da mənə kifayət qədər təzyiqlər var.

– “Beşinci kolon”un nümayəndələri hesab etdiyiniz şəxslər sizə təzyiqlər edir?

– Baxın, kimlər Haykanuşla bağlıdır. Prezident Aparatında azı iki şöbə müdirinin ermənilərlə bağlılığı var, yəni erməni qanı daşıyanlardır. Eynilə, Nazirlər Kabinetində. Onlar heç vaxt Azərbaycana xidmət etməyəcəklər. Bizim bu saat əsas bəlamız “beşinci kolon”dur. Rusiyanın da Azərbaycana təzyiqində onlar böyük rol oynayırlar. Lavrov kimiləri də bəzən cızığından çıxıb artıq-əskik danışırlar. Çünki bilirlər ki, Azərbaycanda onlara bağlı adamlar kifayət qədərdir, əllərində də rıçaqlar var. Kimlərsə bu barədə danışırsa, onlara hərtərəfli ciddi təzyiqlər olunur. İnanın, adama elə şəxslər çıxır ki, əlin ağzında qalır. Öz-özünə deyirsən ki, ilahi, axı bu, millətçi, türkçüdür. Məlum olur ki, sən demə bu, icazə verilən müxalifətçilərdəndir. Bizim faciəmiz budur. Kimlər ki bu milləti çox sevir, onun üçün canını qoyur, onların hamısı təzyiqə məruz qalır.

– “Beşinci kolon” sayılan insanların böyük əksəriyyəti işdən çıxarıldı, bəziləri qovuldu, həbs olunanları var. Bu məsələ bitmədimi?

– Onlar buraya 25 il ərzində yerləşdirilib. Təxminən 25 il də lazımdır ki, onlar tam təmizlənsin. Gedib oturdu Prezident Administrasiyasında və hamısını da yerləşdirdi. Baxın, 8 icra başçısı tutuldu. Onları Prezidentə kim təqdim etmişdi? Ya YAP-ın xətti ilə gəliblər, ya da Prezident Aparatının. Təqdim edənləri də cəzalandırmaq lazımdır ki, bir də belə qələt etməsinlər. Eyni şeyi parlament seçkiləri haqqında da demək mümkündür. Hamısı öz qohum-əqrabasını seçib.

– Siz həbs edilən icra başçılarını da rusiyameylli hesab edirsiniz?

– Yadınızda saxlayın, kim bu millətə zülm edirsə, “beşinci kolon”un nümayəndəsidir. Məqsəd xalqla Prezident arasında olan vəhdəti dağıtmaqdır. Bunun başqa izahı yoxdur. Adamlar bunları bilərəkdən edirlər. Müharibədən sonra bəzi icra başçıları tərəfindən şəhid ailələrinə, qazilərə qarşı hörmətsizlik müşahidə edildi. Bunun arxasında hansı məqsədlər durur?

Açığını deyək ki, onlar çox yaxşı işləyirlər. Onlar Azərbaycan dövlətinə xidmət göstərsəydilər, bizim ölkəmiz çox güclü olardı. Faciə ondan ibarətdir ki, onlar xalqa deyil, yığdıqları pula xidmət edirlər. Onların abır pərdəsi çoxdan yırtılıb. Əgər insan nədənsə utanmırsa və qorxmursa, deməli, ən təhlükəli adamdır. Onları seçib vəzifəyə təyin etməyə nail olanlar da bunu yaxşı bilir. Sanki zərgər dəqiqliyi ilə ən yaramaz adamları seçirlər. Dünyanın heç bir yerində qarson, tamada icra başçısı olmayıb. Bu, ancaq Azərbaycanda baş verib. Nədir-nədir kiminsə qohumudur. Bunları açıb deyəndə də olursan pis…

– Demək istəyirsiniz ki, sizə “beşinci kolon” tərəfindən hücumlar təşkil edilir?

– Bəli. Mənə hücumlar ən çox Sahil Babayev və Ramiz Mehdiyevə görədir. Yalnız Nəcməddin Sadıqovla bağlı təzyiq yoxdur, əksinə, bu məsələdə hərbçilər məni yüksək səviyyədə müdafiə edirlər. Heç olmasa 4-5 general zəng edərək dəstəyini ifadə edib. Amma o dediklərimə artıq gücüm çatmır. Vallah yorulmuşam, özümdən də zəhləm gedir. Sadəcə, adamın millətə yazığı gəlir. Axı, bu millət belə cəzaya layiq deyil. Bunlar mərdi qova-qova namərd edir.

Ramiz Mehdiyevi aparıb o böyüklükdə quruma rəhbər qoydular. Çıxarmırlar da. Bu yaşda adam elmə nə verəcək? İndiyə qədər nə verib ki, bundan sonra nə versin? Ramiz Mehdiyevdən ötrü elə adamlar məndən xahiş etdi ki, özümdən və həyatımdan iyrəndim. Gəlib deyir ki, adam AMEA-da rüşvətin qarşısını kəsib. Əgər bu millətin alimi belədirsə, görün yerdə qalanlar nə gündədir. Mənim ağlıma gəlməzdi ki, bu adamların onunla bağlılığı ola bilər. Adamı içdən ağladan da budur. Nə vaxt bu millət ayılacaq? Daha neynəməlidirlər? Yaxşı, hər şeyini əlindən alıb, sən də deyirsən ki, onunla işin yoxdur…

– Kimlər deyir bunu sizə?

– Akademiyanın alimləri. Bir millətin oxumuşu özünü belə ucuz tutursa, digərlərini qınamıram, əksinə yazığım gəlir. Azərbaycanın bu qədər ağıllı və tərbiyəli adamları var. Hamısı çəkilib durub kənarda, yaxın dostarım da deyir ki, sən də çəkil. Mən də çəkilməli olsam, gərək Azərbaycanı tərk edim.

AFFA-nı bölgə klublarına görə "topa tutdu": "Verin də, yazan bəlli, pozan bəlli"

 

13662170 1195219370540214 2338697164532394818 o

Yeni mövsümdə Azərbaycan Premyer Liqasında yenə 8 komanda mübarizə aparacaq.

araz.az xəbər verir ki, AFFA Lisenziyalaşdırma Komissiyası 1-ci divizionda çıxış edən “Turan Tovuz”, “Kəpəz”, “Qaradağ Lökbatan” və “Zaqatala”ya Premyer Liqada iştirak etmək üçün lisenziya verməyib.

Mövsümün əvvəlində Premyer Liqada komanda sayının artırılacağı deyilsə də, son qərarla yenə 8 komandalı çempionatın olacağı rəsmiləşib.

“Turan Tovuz” klubunun sabiq icraçı direktoru və AFFA İcraiyyə Komitəsinin keçmiş üzvü Yaşar Sultanov məsələ ilə bağlı “feysbuk” hesabında paylaşım edib. O, paylaşımında bunları qeyd edib:

Turan”a lisenziya verilmədi. “Kəpəz”ə, “Zaqatala”ya verilmədi. Bəs kimə verildi? Bu nə futboldur oynadırsız, cənablar? İndən sonra nə qədər oynadacaqsız, deyin bilsinlər.

Bir reqlament tapıb, ortaya çıxara bilmirsizmi? Nə qədər olar axı? Nəzərə alın, Gəncənin, Tovuzun, Lənkəranın, Şəmkirin, Qazağın, Qusarın, İmişlinin, Yevlaxın, Masallının, Mingəçevirin komandalarının bir turda topladığı azarkeş sayı sizin mövcud formatda keçirdiyiniz Premyer Liqanın 5 illik azarkeş sayından çoxdur.

Niyə onların hissi ilə oynayırsız? Əyalət uşaqlarının ümidlərini niyə qırırsız, niyə sındırırsız? Nə mənası var adına birinci divizion deyib, hər il uzun futbol marafonu keçirməyin? O azarkeşlər stadiona niyə toplanır? Nəyə ümid edirlər? Bu, aşkar rəzalətdir.

Analoji hadisənin qonşu ölkələrdə, ümumiyyətlə, postsovet məkanında baş verdiyini eşitmisiz? Gürcüstanın 4 liqasında 160-a yaxın komanda oynayır. Ayıb deyilmi bizə?

Birdəfəlik məsələ qaldırın müvafiq orqanlar qarşısında ki, topun Azərbaycana idxalına qadağa qoyulsun. Stadionlar marketlərə, bazarlara satılsın, yerlərində şadlıq sarayları tikilsin.

Görün, onda neçə alverçi, neçə satıcı, neçə xidmətçi olacaq, evlərinə çörəkpulu aparacaqlar. Bizə futbolçu lazım deyil. Heç futbol da lazım deyil. Göstərirlər də hər axşam televizorda.

Məntiqə baxın, lisenziya verilmədi! Niyə, nə səbəbdən verilmədi, kim vermədi? Klubun bazası yenilənir, akademiya yaradılır, amma lisenziya verilmir. Verin də, yazan bəlli, pozan bəlli, niyə verilməsin?

Onda nə xeyri, nə mənası o akademiyaların? Uşaqların valideynlərinin, qohumlarının, özlərinin ümidlərini niyə puç edirsiz? Gəncədə, Tovuzda müxtəlif yaş qrupları üzrə milli komandaların üzvləri var, buraxın onları gedib valideynlərinə bağ təsərrüfatında kömək etsinlər.

Altı nəfərlik legioner limiti də imkan verməz ki, gedib Premyer Liqada oynasınlar. Bir sözlə, tunelin sonunda işıq görünmür. Ya futbola əlvida deyilməli, ya da futbolu bu günə salanlara”.

 

 

araz.az

Tovuzun “yezid”i Darvin Hüseynov əhalini su ilə imtahana çəkir

1620673650 1620656204 7b31fccf 9fe3 4d58 b363 81d1a4464c54

 

ŞƏHİDLƏRİMİZƏ HÖRMƏTSİZLİK EDƏN 8 saylı Tovuz Regional Sukanal İdarəsinin rəisi sudan milyonlar qazanır...

Darvin bütün problemləri suyun "davleniya”sında görür
"Azərsu” ASC-nin əhali üçün yaratdığı problemlər bitib-tükənmək bilmir. Bu quruma kimlər gəldi, kimlər getdi, amma əhalinin su problemi həll olunmaq bilmir. Nəinki ucqar rayonlarda, hətta paytaxt Bakının özündə əhali normal içməli su ilə təmin olunmur, kanalizasiyalar su ilə dolub partlayır.
Təsəvvür edirsiniz, XXI əsrdə hələ də Bakı şəhərində tutulmuş kanalizasiya xətlərinin məftillə qurdalayıb-eşələyib açırlar. Bunu əcnəbilər görsə, nə düşünər. Bəs dövlətin bu quruma ayırdığı milyonlar, milyardlar hara gedir ?
" Azərsu” ASC-nin "qədim, təcrübəli kadr”larından biri də 8 saylı Tovuz Regional Sukanal İdarəsinin rəisi Darvin Hüseynovdur.
Bəli, Darvinin həyatı "Azərsu”da keçib. Uzun illər Sumqayıt Sukanal İdarəsinin rəisi olub. Ona görə deyirik ki, "qədim-təcrübəli kadr”.
Ancaq Darvin müəllimin çoxillik təcrübəsi müsbət deyil, əksinə mənfidir. Bu adam Sumqayıtda sudan və kanalizasiyadan milyonlar qazanıb. Sonda vəzifədən qovulmaq ərəfəsində hansısa sehrli əl onu Tovuza göndərib.
Darvin Hüseynov Tovuza gələn kimi bacısının həyat yoldaşı Mehman Həsənovu Regional Sukanal İdarəsində texniki şöbəyə rəis təyin edir. Mehman Həsənovun kürəkəni Rəsul adlı şəxsi sürücü ştatına işə götürür və bu şəxsin əmisi oğlu Elşən Bayramquliyevi, bacısı oğlu Cavid Əmiraslanovu və bacısı nəvəsi Lalə İsmayılovanı da digər vəzifələrə təyin edir. Darvin Hüseynov özünə müəyyən yollarla bağlı olan İdris Qasımovu da, Sukanal İdarəsində əməyin təşkili şöbəsində mühəndis vəzifəsinə təyin edir.
Hətta deyilənə görə, Arif İsayev adlı şəxsdən 1000 manat, Ülviyyə İsayeva adlı xanımdan isə 2 min manat alır və hər iki şəxsi işlə təmin edir. Darvin Hüseynov Oruc Orucov və Həmid Orucov adlı şəxslərin hər birindən 2 min manat "haqq-hesab” aldıqdan sonra, hər iki şəxsi idarədə ştat cədvəli üzrə işə götürür. Hər kəs bu iki şəxsin atabala olduqlarını da qeyd edirlər. Başqa bir iddiada o da vurğulanır ki, Darvin müəllim Emin Valehli adlı şəxsdən 3 min "cibxərcliyi” alır və onu idarənin informatika şöbəsində işə düzəldir. Buna baxmayaraq, nədənsə kollektiv üzvlərinə bəlli olmayan səbəblərdən belə bir təyinat uzun müddət müzakirə mövzusuna çevrilir. Yəni bu təyinat camaat arasında nəsə başqa cürə dolaşır.
Darvin Hüseynov rayonda çəkilən su-kanalizasiya turbalarını bilərəkdən başdansovdu edir ki, partlasın və həmin xətlərin təmirinə yenidən pullar ayrılsın.
Darvin Hüseynov yeni tikilən fərdi evlərə su və kanalizasiya üçün verilən texniki şərtin qiymətini dəfələrlə qaldırıb və heç kimə qəbz-filan verilmir. Bütün pullar Darvinin cibinə gedir.
Tovuzdan vətəndaş yazır ki, həyat yoldaşım və özüm şəkər xəstəsiyik, evimizdə 2 körpə uşaq var: "Darvin bizim ailəni su ilə imtahana çəkir. Soruşanda deyir ki, mən neyləyim suyun təzyiqi aşağıdır, sizin məhləyə qalxmır”.
Eyy, Darvin Hüseynov!
Su çox həssas məsələdir, dünyada su qiyamları olub, unutma, və əhalini dövlətdən narazı salma.
Vallahi, Darvin, sənin "Davleniya” elə qaldırarlar ki, divara dırmaşarsan. Aç, qulağını, eşit! Dövlət qurumları sənin əməllərini görürür və bir gün səni "ağzıbağlı”dakı dostlarının yanına aparacaqlar. Bizdən demək...

Və sonda onu əlavə edirik ki, Tovuz rayonunun Düz Cırdaxan kəndindəki Rəfail İsmayılov adına tam orta məktəbin su məsələsini Darvin Hüseynov neçə vaxtdır həll etmir.
Hətta qazilər Tovuz rayonundan olan şəhidin adına su çəkmək istəyirlər. Amma suyun çəkilməsində Darvin Hüseynov ondan asılı olanı etmir. Bu adam anlamır ki, şəhid olanlarımız öz ailəri üçün deyil, cəmiyyətimiz və millətimiz üçün şəhid olublar.

Kanal14.az

1 -dən səhifə 1500

Əlaqəli xəbərlər